1 Samuele 17:12 - Mawu a Mulluku

¹² Davide aari mwaana a Yese, mu Efurati, o Betelehemu a o Yuda. Oyo aari ni anamwani aallopwana atthanu ni araru. Va enthawi ya mwene Saulo, Yese aari uulluvanlle wunchichi.

1 Samuele 17:12 ပူးပေါင်းရင်းမြစ်များ

Genesis 35:19

Rakele akhwilleeye, avitthiwe mukhwipi mwa musewu wooya o Efurata, sika wi o Betelehemu.

1 Samuele 16:18

Mmodda mwa allupa muttekwaayo aallota wi, “Koomoona mwaana aamullopwana a Yese o Betelehemu oyo ari ni eruso yoomwiipa gitala, muthu oollipa murima, ooreera, akhoto ni oochenjera voollotani. Nave Apwiya eri ni olliye.”

1 Samuele 17:58

Saulo aamukoha Davide wi, “Ethiyo we musombwe, ori mwaana awani valle?” Davide ahaakhulla wi, “Mi tti mwaana a mullupa muttekwaanyu Yese a o Betelehemu.”

Mateyu 2:6

‘We Betelehemu mu echigawo ya Yudeya, ori muullupalli variyari va matawoni a mu Yudeya. Oohoollella anawa avenyera mwa weyaano, oyo anaahoollelle athwaaka Aisraele wonanko mbusa.’ ”

Mateyu 1:6

Yese aamuyara mwene Davide. Davide aamuyara Solomoni akonille ni mwaara a Uriya;

1 Samuele 16:1

Apwiya yaallota wa Samuele wi, “Ethiyo onaakhalle omwinllellaka Saulo ophiyera niini vawi koomukhoota wi ahikhalle mwene owaalamulella Aisraele? Oddallihe makhura mu yookusellaaweeyo. Oye wa Yese o Betelehemu vawi kohiiphwanyella mwene variyari va anaaye aallopwana.”

Mateyu 2:1

Yesu ayariweeye mu etawoni ya Betelehemu mu echigawo ya Yudeya, mwene a ellapweeyo aari Herode.* Enthawi yeeyo athu oohuddera dda etheneeri oovenyera wookhuma nndduwa yaaphiya m'muzindani wa Yerusalemu.

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Masalimo 132:6

Nahiiwa dda nibokosi na echipangano o Efurata, naaniphwanya mu emata dda o Yaara.

1 Samuele 17:11

Saulo ni Aisraele attheene yiiwalle mawu a Mufilistooyo yaallakallakeya nave yahoova.

Rute 1:2

Nnddina na muthu yoolla naari Elimeleki nave mwaariye aari Naomi. Anaaye eellaalle manddiniiwa yaari Maloni ni Kiliyoni. Yaari a nlloko na Efurati oovenyera o Betelehemu o Yuda. Yaaya o Mowabu yakhallaka wenko.

Rute 4:17

Atthiyanaalle yaallalleya wi, “Mwaana aamullopwana ooyariwa wa Naomi.” Nave yaamuvaha nnddina nawi, Obedi. Olliyoolla aakhalla attiitthinnya a Yese, oyo aari attiitthinnya a Davide.

1 Samuele 1:1

Waakhalla muthu mmodda nnddina naye aari Elikana oovenyera mu nlloko na Efuremu o etawoni ya Rama eyo yaari mu ellapo yamiyaango ya Efuremu. Olliye aari mwaana a Yerohamu edduullu ya Elihu, edduullu ya Tohu, edduullu ya Zufu, a nlloko na Efuremu.

2 Samuele 23:1

Mawu ookomihera a Davide tti awi, nna sika nchipo na Davide, mwaana a Yese, mawu a muthu oyo Apwiya yamweerilliiwa wi akhalle muullupalli oyo Mulluku a Yakobo amuzozilleeye wi akhalle mwene, muthu ooddivelliwa wiipa machipo aphaama a Israele.