1 Samuele 17:10 - Mawu a Mulluku

¹⁰ Nave Mufilistooyo aallota wi, kinnaavevulla akhoto a Israele ollello! Kirumihelleni muthu wi kiwanena.”

1 Samuele 17:10 ပူးပေါင်းရင်းမြစ်များ

1 Samuele 17:45

Koma Davide aamulleella Mufilistooyo wi, “Owiille wa miyaano okusalle nsupada ni nivaka. Koma miyaano kinawa wa weyaano mu nnddina na Apwiya Amasiva Mattheene, Mulluku a akhoto a Aisraele, oyo onamuvevulleewe.

1 Samuele 17:36

Miyaano kaporwaanyu kohiiphavo mikango ni ezimbalangondo ddene. Vano Mufilisti oohiphaddiwoolla, kineeromwiipha wonanko kiiphelleemi enamanndde vawi anavevulla milloko dda akhoto a Mulluku Ookumi.

Nehemiya 2:19

Koma Sanibalati Muharoni, Tobiya oohoollella a Aamoni ni Geshemu Mwaarabu yiiwalliiwa nnddo nakhozekelleehu wi neere, yaanittheya nave yaaninyaambusa ellota wi, “Muneereenyunndda tti tini? Ethiyo munavaanyihana ni amwene?”

2 Samuele 21:21

Olliye aanyaambusalle Aisraele, Yonatani mwaana a Shimea, mwanamunne a Davide, aamwiipha.

Daniele 4:37

“Sika mi Nebukadinezara kinnamutthamalla Mulluku, kinnamuthokoza ni omutitimiha mwene Ooddullu. Ddaweera ddaye ddittheddene tti ddaphaama nave ettilla ddaye ddittheddene tti ddoolungama. Olliye annamuyeviha arive muthu awiitukhulla.”

Yeremiya 9:23

Apwiya enallota wi, “Muthu eezeru ahiitukhulle ni ezeru ddaye, naari muthu amasiva ni masivaaye, naarittho muthu eeyuuma ni eyuumaaye.

Miyambo 16:18

Okota onnahoollella woonongeya nave wiitukhulla onnawiiha omora.

2 Samuele 23:9

Nave mmoddattho mwa athu ararwaalle aari Eleazara mwaana a Dodo, edduullu ya Ahohi. Olliye aari ni Davide o Pasidamimu mvo Afilisti yatthukumanilliiwa wi ewanena ekhoto. Aisraele yaari ethawille.

1 Samuele 17:11

Saulo ni Aisraele attheene yiiwalle mawu a Mufilistooyo yaallakallakeya nave yahoova.

2 Mamwene 19:4

Mwene a o Asiriya endunaaye wi emuvevulle Mulluku Ookumi. Apaalle Apwiya Mullukwaanyu ahiiwa ovevullanngu nave eneerewaallaka athu yaavevullallaayo. Sika mwaavekellelle athu oohalla ayo eri ni okumi.”