1 Samuele 16:7 - Mawu a Mulluku

⁷ Koma Apwiya yaamulleella Samuele wi ohinawehaka oreera apaalle orekama waye vawi yooyo koomukhoota. Apwiya khenoona wonanko athu enoonelliiwa. Athu enaweha dda otte koma Apwiya enaweha dda m'murimani.

1 Samuele 16:7 ပူးပေါင်းရင်းမြစ်များ

Yohane 7:24

Muhineeruzaka vawoonani makhallello koma mweeruzeke mwawoona.”

Yeremiya 17:10

Mi Apwiya kinnawumolleella murima nave kinnaweesa maganizo wi kimweerelle arive muthu moollikana ni ettilla ddaye moophwanellella ni mitteko ddaye.”

Luka 16:15

Koma Yesu aallota wi, “Nyu munaddooniha nyookha wonanko athu oolungama vamiitthoni va athu koma Mulluku annadduwella murimaanyu. Vawi ddeko ddinooneya ddoopaalleya wunchichi vamiitthoni va athu khe ello vamiitthoni va Mulluku.

1 Petro 3:4

Koma oreera wanyu onaphwanella okhalleke wa muwari mwanyu, oreera wa murima, wawiithaalla ni woomaalleya vawi nndda sika ddoopaalleya wunchichi ni ddoohimalla vamiitthoni va Mulluku.

Miyambo 16:2

Erive ettilla wa muthu tti ddaphaama vamiitthoni vaye koma Apwiya enneesa ddoolinga ddaye.

Miyambo 31:30

Ekhove yookusa murima tti yoolleka, oreera wiwa khonallekella koma mutthiyana oowoova Apwiya sika anariihiwa.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

1 Mamwene 8:39

mwiiwe mavekellwiiwa oddullu munakhalleenyuwo, mwaakhululukelle ni waakavihera. Mumweerelleke arive muthu moollikana ni makhallellwaaye vawi nyuwaano munnadduwella murima wa arive muthu.

Mitteko 1:24

Yaavekella wi, “Apwiya, nyuwaano sika munadduwella mirima dda athu attheene. Vano munoonihe oyo mumutthoonlleenyu va eellaalla

2 Epilli 16:9

Miittho a Apwiya ennoona ddittheddene dda va ellapo yavatthi wooniha masiviiwa wa athu ayo enaaroromella. Nyu mookarangeyathi. Vano ekaamba ya yeella waambeella ollello munaakhallelleke owana ekhoto.”

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

Yeremiya 20:12

Nyu Apwiya Amasiva Mattheene, munnaweeruza athu moolungama. Kinnavelleella mullatwaaka wa nyuwaano wi mwaahokolloselle ddoonanara adanaaka.

Masalimo 139:2

Munnadduwella kaakeraatthiki, kaavenyaka, munnadduwella maganizwaaka muri wuuteete.

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

2 Akorinto 10:10

Vawi amodda enallota wi, “Makalata a Paulo tti amasiva ni oowalli. Koma akhalla ni hiyaano, anakhalla oofooka nave mawaaye tti oohikhalla ni mutteko.”

1 Petro 2:4

Waani wa Apwiya, nlluku nookumi nno naakhootiwe ni athu wonanko noohikhalla ni mutteko koma naatthoolliwa ni Mulluku wonanko nookhalla ni mutteko.

Yobu 10:4

Ethiyo miitthwaanyu tti oomuthu apaalle munoona wonanko anoonella muthu?

2 Samuele 14:25

Mu Israele mutthemwene khamwaari muthu ooreera wonanko Abishalomu. Waambeella omanyalloni ophiyera omuruni khevaarivo vanananre.

1 Samuele 9:2

Olliyoolla aakhalla ni mwaana nnddina Saulo, musombwe ooreera. Variyari va Aisraele attheene khevaari musombwe ooreera omukhwaranya olliyoolla. Aari oorekama vawi athu amodda attheene yamukomella m'mathurini.

Yeremiya 11:20

Sika kaavekella wi, “Nyu Apwiya Amasiva Mattheene ayo muneeruza moolungama, ayo muneesa murima ni maganizo, onesesani wi mohaahokollosella ddoonanara vawi kahiivelleella m'mattani mwanyu!”

Miyambo 15:11

Ellapo ya ookhwa ni woonongeya ddiri vamiitthoni va Apwiya. Yookatamiha ttiivi ni mirima dda athu?

Masalimo 7:9

Pepaani, mallihani ddoonanara dda oochimwa, koma aphaama mwaakeraattheyihe. Munnadduwella maganizo ni mirima ddene, nyu tti Mulluku oolungama.

2 Akorinto 10:7

Onani ddawoona ddiwa. Aarimi arivo muthu anasimikiza wi tti aaye a Khrisitu, olliyooyo iimolleelle yeekha? Vawi hiyaanottho niri aaye a Khrisitu wonanko olliyooyo.

Yohane 8:15

Nyuwaano muneeruza wonanko mmo athu eneeruzelliiwa koma miyaano nginamweeruza arive muthu.

Genesis 4:5

Koma Apwiya kheyaahakallallille ni Kaini ni mukuthwaaye. Ekaamba ya yeella Kaini aasha murima wunchichi, mwawi ekhovaaye yaamora navettho yaawa mahinyare.

1 Samuele 2:3

Nyu athu, muhinallotaka mwawiitthamalla, vayanoni vanyu vihinallotaka ddawiitukhulla vawi Apwiya tti Mulluku eezeru, olliye sika aneeruza mitteko dda athu.

2 Samuele 7:20

“Vano mi Davide ttuullota tini wa nyuwaano vawi mookivaha olemu mi oorumeyellaanyu? Vawi munnadduwella phaama dda mi oorumeyellaanyu, nyu Apwiya Mulluku.

2 Epilli 6:30

mwiiwe mavekellwiiwa oddullu munakhalleenyuwo, mwaakhululukelle. Mumweerelleke arive muthu moollikana ni makhallellwaaye vawi nyuwaano munnadduwella murima wa arive muthu.

Miyambo 24:12

Ohillote wi, “Ngoonani, khenaayidduwella.” Ethiyo aweesa mirima khanaddidduwella ddenndda? Ethiyo oosunga okumaawo khanaddidduwella? Ethiyo khanamuhokollosella muthu moollikana ni meerellwaaye?

1 Epilli 17:18

Vano mi Davide ttuullota tini wa nyuwaano, vawi mookivaha olemu, oorumeyellaanyu? Vawi munnamudduwella phaama ddene.

Yobu 35:5

Ngawehani oddullu moone, onani asimirapo muddullu mwanyummo.