1 Samuele 16:5 - Mawu a Mulluku

⁵ Samuele ahaakhulla wi, “Ee, kaweella waarera. Kaweella waaheraatthella mukutho Apwiya. Muddeellihe nave niye naheraatthi mukutho.” Samuele aamupatula Yese ni anaaye aallopwana nave aamwiithana wi yavelleellena mukutho.

1 Samuele 16:5 ပူးပေါင်းရင်းမြစ်များ

Yoswa 3:5

Yoswa ahaalleella athu attheenaalle wi, “Muddeellihe kaambiiwa osiisello Apwiya enapaalla yeere ddoottikhiniha vamiitthoni vanyu.”

Eksodo 19:10

Apwiya yaamulleella Mose wi, “Khawe wa athwaayo waalleelle wi eddeellihe ollello ni osiisello. Echape ddoowara ddiwa,

1 Akorinto 11:28

Sika vano, muthu anaphwanella wi aambeke oddoona yeekhaaye nave amucheke buledooyo ni omuwiryella kapu.

Yoswa 7:13

Venya, weellihe athu ollote wi ddeelliheni osiisello kaambiiwa miyaano Apwiya Mulluku a Aisraele, kineerewaalleella wi, ‘Nyu Aisraele, variyari vanyu vookhalla ddeko nndde kuulleelleemini wi ddoophwanella woonongiwa. Nyuwaano khemuwora ollipana ni adanaanyu ophiyera muvenyihallevo ddeko ddenndda.’

Yowele 2:16

Atthukumaniheni athu, alleelleni wi yiipatule. Atthukumaniheni awuulluvalla, anamwani ni akantchewa. Mulamule wi naari ootthellana wene ekhumemo muzipindani mwiwa.

Yobu 1:5

Vano mallapo a machellello yamalla, Yobu aanavenya ohinase ovelleella mikutho ddooshellelliha nave aanaddivelleella moollikana ni waata wa anamwanaayo wi yeellihiwe. Eera ddenndda vooganizani wi apaalle mmodda mwa anaaye aachimwa nave oomullotella epewe Mulluku m'murimani mwaye. Yobu aaneera ddenndda enthawi ddittheddene.

Numeri 11:8

Athu yaanaya yaatotaka manaayo, enaasilla apaalle waatthitta nave yaanawaapeya enaapanga buledi. Oddiva wiwa waari wonanko buledi awaapeyiwa m'makhurani.

Genesis 35:2

Sika Yakobo ahaalleella a mu nibanja naye nittheene ni athu attheene aariiyena wi, “Tathillani milluku ddeelleto nnddo ddiri variyari vanyu. Muddeellihe nyookhaanyu nave muware ddoowara ddaphaama.

1 Samuele 20:26

Koma Saulo khaallotille erive ello nllapo nenno. Aganiza wi, “Yookhallavo eyo emweereyelle Davide apaalle khaphwanelle okhalla ni va ehakallallweella kaambiiwa khari aweella moollikana ni malamulo a Mose.”

Zefaniya 1:7

Khurumuwani vamiitthoni va Apwiya Mulluku! Nllapo na Apwiya nohaatamella. Apwiya aakhoza mukutho nave ahaapatula khalle awiithaniwa.

1 Mamwene 2:13

Nllapo nimodda Adoniya mwaana a Hagiti aawa wa Batesheba, amennya a Solomoni. Nave Batesheba aamukoha wi, “Ethiyo oweelle murendelle?” Ahaakhulla wi, “Ee, tti murendelle”

1 Epilli 12:18

Vaavo Munepa a Mulluku aamukitthella Amasai, oohoollella athu makhumi mararwaalle nave aallota wi, “Nyu Davide, hiyaanothi niri aanyu, niri nimodda ni nyu mwaana a Yese. Murendelle okhalle ni nyuwaano ni athu ayo enuukaviherani vawi Mullukwaanyu annuukaviherani.” Vano Davide aawaakhella nave ahaatthattusa oohoollella a milloko ddaye ddakhoto.