1 Samuele 16:4 - Mawu a Mulluku

⁴ Samuele aheera nnddo Apwiya yamulamulalliiwa, aphiya o Betelehemu. Oohoollella a m'muzindanimmo yamuchingamella etthukumellaka nave yamukoha wi, “Ethiyo mwaweella waarera?”

1 Samuele 16:4 ပူးပေါင်းရင်းမြစ်များ

1 Mamwene 2:13

Nllapo nimodda Adoniya mwaana a Hagiti aawa wa Batesheba, amennya a Solomoni. Nave Batesheba aamukoha wi, “Ethiyo oweelle murendelle?” Ahaakhulla wi, “Ee, tti murendelle”

Luka 5:8

Nave Simoni Petro oonilleeye ddeereyillennddo, aakokhora moomuvaha olemu Yesu, allota wi, “Apwiya, mukivenyerevo kaambiiwa miyaano tti muthu oochimwa!”

2 Mamwene 9:22

Yoramu amoonille Yehu aamukoha wi, “We Yehu, ethiyo tti ddamurendelle?” Olliye ahaakhulla wi, “Ttuukhallattho ddamurendelle mwawiidde ollapella mafano ni dda okhwiri nnddo yaambille amaayo ddivirillellakave?”

1 Samuele 21:1

Davide aaphiya wa mullupa mukutho Ahimeleki o Nobu. Ahimeleki aamuchingamella atthukumellaka amukoha wi, “Kaambiiwa tini muriinyu nyookhaanyu, woohikhalla ni muthu naari mmodda awuuvelleellani?”

1 Mamwene 17:18

Naamukhwellooyo aamukoha Eliya wi, “Nyu muthu a Mulluku, ethiyo kuulakwelleni tini? Ethiyo muwiille wa miyaano wi mumuupuse Mulluku machimwaaka ni okiiphella mwanaka?”

Luka 8:37

Vano athu attheene a o echigawonko yaamuveka Yesu wi avenyewo kaambiiwa yaamoova wunchichi. Sika Yesu aawella ekallawa wi ahokollweelleke okhopella.

Luka 2:4

Yosefe avenyera o etawoni ya Nazareti o Galileya, aya o etawoni ya Betelehemu o Yudeya, wayarelliwe Davide kaambiiwa Yosefooyo aari edduullu ya Davide.

Hoseya 11:10

“Kineerewaathurumella wonanko mukango nave athwaaka eneerokithwara. Kineerothuruma nave eneerokithamakella etthukumellaka ovenyera woovollowa nndduwa.

Hoseya 6:5

Sika ekaambiiwa kuuphanddemini oweella mwa anamallotella, kiwiiphalleemini ni mawaaka. Okamulla waka tti wawooneya wonanko owala wa nndduwa.

2 Samuele 6:9

Vano nllapo nenno Davide aawoova Apwiya nave aakoha wi, “Ethiyo nibokosi na echipangano na Apwiya ninaaphiye mwawiidde owanihu?”

Genesis 48:7

Kenre ddenndda ekaamba yawi enthawi kavenyereemi o Mesopotamiya, amaayo Rakele yakhwenlle mu ellapo ya Kanani, vihanlle mwanamutunda wi niphiye o Efurata. Ethakaraka ddaakimora wunchichi. Vano nahaavittha wenko mukhwipi mwa musewu wooyeella o Efurata.” (Efurata tti Betelehemu.)

Genesis 35:19

Rakele akhwilleeye, avitthiwe mukhwipi mwa musewu wooya o Efurata, sika wi o Betelehemu.