1 Samuele 16:21 - Mawu a Mulluku

²¹ Davide aphiyalle wa Saulo ahaamba muttekwaaye woomurumeyella. Saulo aamukonda wunchichi vawi amutthattusa akhalla ootukhulla ezipangizo ddaye ddakhoto.

1 Samuele 16:21 ပူးပေါင်းရင်းမြစ်များ

Miyambo 22:29

Ethiyo woomoona muthu eeruso ni muttekwaaye? Olliye aneerewiimella vamiitthoni va mamwene oohikhalla va athu shisha.

Genesis 41:46

Yosefe aari ni miyakha 30 mvo Farao amutthattusalleeye enduna yuullupalli ya Iguputo. Nave Yosefe aatimulla, aamba weetella ellapo ettheene.

Masalimo 146:3

Muhinaaroromellaka mamwene apaalle athu amodda ayo ehinawora ovullusa.

Masalimo 118:9

Othawella wa Apwiya tti waphaama, okhwaranya ororomella enduna.

Masalimo 62:9

Athu shisha tti mpweyave athu ootukhuwa tti awoottha, attheenaayo tti oohillemella vasikeloni ni oveveluwa okhwaranya mpweya.

1 Mamwene 10:8

Oodalisiwa tti athwaanyu! Oodalisiwa tti oorumeyellaanyu ayo eniimella vamiitthoni vanyu eniiwellella ezeru ddanyu.

Deuteronomo 10:8

Enthawi yeeyo Apwiya yahaatthoolla athu a nlloko na Levi wi etukhulleke nibokosi na echipangano, ekhalleke vamiitthoni va Apwiya ni orumeyella navettho wi yaadaliseke athu mu nnddina na Apwiya. Alliwa sika eneera ddenndda ophiyera ollello.

Deuteronomo 1:38

koma awuukaviheraawo Yoswa, mwaana a Nuni, sika anaavollowemo. Vano omullipihe murima vawi olliye sika anaahoollelle Aisraele voovollowani mwiillaponimmo.’

Oweeruza 9:54

Sika Abimelekooyo aamwiithana musombwe oyo amutukhullella ezida ddaye ddakhoto amulleella wi, “Hullulla nsupada nawo okikokhollena, nginapaalla wi athu yeereke wi, ‘Mutthiyana sika amwiiphalle.’ ” Musombooyo aamuhoma ni nsupada ophiyera naakhumellella otte, akhwa.

1 Samuele 16:22

Saulo aarumiha mawu wa Yese wi, “Davide akhalle ookirumeyellaaka vawi koomweerella echifundo.”

1 Samuele 17:15

Koma Davide aanaya omisasani dda Saulo eeddiiddo aanahokollweella o Betelehemu woochiha enkhosa dda attiitthinnya.

1 Samuele 17:55

Saulo amonne Davide ayaaka woowana ekhoto ni Mufilistoolle, aamukoha Abinere, akhoto muullupalli wi, “Ethiyo weyaano Abinere, musomboolla tti mwaana awani?” Abinere ahaakhulla wi, “Pepaani amwene, nginamudduwella”

1 Samuele 19:7

Vano Yonatani aamwiithana Davide amulleella ddittheddenendda. Aamukusa ayaana wa Saulo nave Davide aamurumeyella mwene Saulo wonanko eerelleeye khalle.