1 Samuele 16:14 - Mawu a Mulluku

¹⁴ Enthawi yeeyo Munepa wa Apwiya waavenyamo mwa Saulo. Nave munepa woonanara, woovenyera wa Apwiya wahaamba omukatamiha.

1 Samuele 16:14 ပူးပေါင်းရင်းမြစ်များ

Masalimo 51:11

Muhinakiikariha vamiitthoni vanyu, muhinavenyiha munepaanyu Waweella mwa miyaano.

1 Samuele 18:12

Saulo aanamoova Davide vawi aadduwella wi Apwiya yaari ni Davide omuhiya olliye.

1 Samuele 28:15

Samuele aamukoha Saulo wi, “Kaambiiwa tini onakihooseewe vookikhumihani wi kiwe wuno?” Saulo ahaakhulla wi, “Koopaneya wunchichi vawi Afilisti aawa wi niwaneke nave Mulluku ookillutuwella, khanakaakhulla naari oweella mwa anamallotella apaalle muullohani. Ella sika ekaambiiwa kiwiithanilleemini wi mukilleelle yawi keere.”

Oweeruza 16:20

Vatulli viwa Delila aakhuwa wi, “Nyu amamunaka, Afilistaalle enimawa.” Samisoni aavenya aganizaka wi, “Kineerokhuma wonanko mmo kineerelleemi erive enthawi nave kineerottaphuwa.” Koma khaadduwella wi Apwiya aamuhiya.

Oweeruza 9:23

Koma Mulluku aamwiitaniha Abimeleki ni athu a o Shekemu nave athu a o Shekemwaayo kheyaaroromelleyille wa Abimeleki.

1 Samuele 18:10

Osaka wene Apwiya yaheeriha wi munepa woonanara omukitthelle Saulo nave ahaamba otokollolla yeekha mpa mwaye. Davide aawa anamwiipella gitala monga mwa mallapo mattheene koma Saulo aakhalla ni nivaka m'mattani mwaye.

Hoseya 9:12

Naari erimaayara anamwani kineerowoononga, khekhallana naari mmodda. Eneerokhalla ni otulli kaahiya.

1 Mamwene 22:22

Vano Apwiya yaawukoha wi, “Onaamulleke mwawiidde?” Munepooyo waawaakhulla wi, “Kinaya kalloteke ddawoottha oyeella mwa anamallotellaaye attheene.” Sika Apwiya yaallota wi, “Weera ddiiddo, oneeropambana. Khawe wamulleke.”

1 Samuele 11:6

Saulo iiwalleeye ddenndda, Munepa a Mulluku aamuvollowa mwamasiva nave aasha murima.

Oweeruza 16:29

Enthawi yeeyo Samisoni ahaaphara apoto eelli a variyari ayo yachirikullalle enyumbaayo. Ahaahameella ni masivaaye mattheene, nnatta naye noonnattanatta niri va opoto mmodda nave nnatta naye noonyottho niri va opoto mmodda.

1 Samuele 16:15

Oomurumeyellaaye yaamulleella wi, “Vano munepa woonanara woorumiwa ni Mulluku onnukatamihani.

1 Samuele 16:16

Nyu Apwiya, nilamulelleni hiyaano allupa muttekwaanyu wi namwaashe muthu eeruso yoomwiipa gitala. Munepa woonanaroolla wuuphiyerani muthooyo amwiipeke gitala nave muneerekophwanya phaama.”

1 Samuele 16:23

Vano erive enthawi munepa woonanara wamuphiyera Saulo, Davide aanamukusa gitalaaye anamwiipa. Eeddiiddo Saulo aanaphwanya phaama nave munepa woonanara waanamuhiya.

2 Samuele 7:15

Koma ngivenyiha echikondaaka yoohisintheya wa olliye wonanko kamuvenyihelleemi Saulo oyo kamukhootilleemi wi weyaano okhalle mwene.

1 Mamwene 22:19

Vano Mikaya aallota wi, “Sika iwellellani mawu a Apwiya. Mi kaawoona Apwiya ekeraatthille va mpandwiiwa woomwene ni angelo attheene yiimenlle onnattanatta ni wuunyotthoni wiwa.”