1 Samuele 16:13 - Mawu a Mulluku

¹³ Samuele aakusa yookusellamo makhura, amuzoza vamiitthoni va asinne. Nave Munepa wa Apwiya waamuvollowa Davide mwamasiva waambeella nllapo nenno oya muhoollo. Vatulli viwa Samuele aatimulla oya o Rama.

1 Samuele 16:13 ပူးပေါင်းရင်းမြစ်များ

1 Samuele 10:6

Vaavo Munepa wa Apwiya oneerewuuvollowa moollipa nave naweenettho oneerewaamba ollotella wonanko alliwaayo. Oneerotthattuwa muthu mmodda.

Aheberi 1:9

Munnakonda echilungamo nave munniitana ni ddoonanara. Miyaano Mullukwaanyu kuutthoonlleni ekaamba ya yeella nave kohuuriihani vawuuvahani ehakallallo yuullupalli ohiyana ni eyo kaavahilleemi akhwiinyu.”

Yohane 3:34

Vano oyo arumiwe ni Mulluku anallota mawu a Mulluku kaambiiwa Mulluku annamuvaha munepaaye mookwakhwanella.

1 Samuele 10:1

Vano Samuele aakusa yookusella makhura, aahella makhuraayo va muru va Saulo amukhupaarella allota wi, “Apwiya ahuuzoza wi okhalle mwene a athwaaye, Aisraele. Oneerewaalamulella athu a Apwiya ni waavullusa wa adaniiwa attheene. Echizindikiro yawi Apwiya ahuuzoza wi okhalle mwene a yoohallanaaye tti yawi,

Oweeruza 11:29

Vano Munepa wa Apwiya aamukitthella Yefita atimulla aweella o Giliyadi ni o Manase ahokollweella o Mizipa akhwaranyella wa Aamoni.

Oweeruza 3:10

Munepa wa Apwiya waakitthella mwa olliyooyo nave aatthattuwa oweeruza Aisraele nave aaya awana ekhoto nave Apwiya yaamuvelleella m'mattani mwaye Kushani Rishataimu, mwene a o Mesopotamiya.

Numeri 27:18

Apwiya yaamulleella Mose wi, “Mukuse Yoswa, mwaana a Nuni, muthu oyo ari ni murima waphaama nave omwiiyaatthi matta.

1 Samuele 16:18

Mmodda mwa allupa muttekwaayo aallota wi, “Koomoona mwaana aamullopwana a Yese o Betelehemu oyo ari ni eruso yoomwiipa gitala, muthu oollipa murima, ooreera, akhoto ni oochenjera voollotani. Nave Apwiya eri ni olliye.”

2 Mamwene 9:6

Vaavo Yehu avollowa mpa nave namallotella aahella makhura va muru va Yehu allota wi, “Apwiya Mulluku a Israele enallota wi, ‘Kinimuuzoza wi okhalle mwene a athwaaka Aisraele.

1 Samuele 11:6

Saulo iiwalleeye ddenndda, Munepa a Mulluku aamuvollowa mwamasiva nave aasha murima.

Oweeruza 14:6

Vano munepa a Apwiya aamukitthella Samisoni awukhaddulla mukangooyo wonanko mmo muthu anamukhaddullelleeye musaanaapuri. Koma khaawaalleelle attiitthinnya apaalle amennya nnddo eerilleeye.

Oweeruza 13:25

Vano munepa a Apwiya ahaamba omuvaha masiva akhalleeye omisasani dda Adani, variyari va Zora ni Eshitaoli.

Numeri 11:17

Miyaano kineerokittha wi killote ni weyaano wenko. Kineerewaakawella munepa mmoddamoddave yooyo kuuvahilleemi. Nave alliwa eneerewuukavihera wiireya katundu a athwaayo wi ohiireyeke weekha.

Mitteko 13:22

Mulluku amuvenyihalleeye omwene Saulo, ahaavaha Davide wi akhalle mweniiwa. Nndda sika allotille Mulluku dda olliyooyo wi, ‘Koomuphwanya Davide mwaana a Yese, muthu a vamurimani vaka, muthu oyo anaaweere nnddo kinaapaalleemi.’

Aheberi 11:32

Ethiyo killote tini vano? Enthawi yooyeva yawi killote dda athu amodda anchichi monga Gideoni, Balaki, Samisoni, Yefita, Davide, Samuele owaakattho anamallotella.

1 Samuele 2:35

Vatulli viwa kineeromutthoolla mullupa mukutho oyo anaakhalle oororomelleya wa miyaano ni weera nnddo ddiri m'murimani mwaka ni ddoopaalla ddaka. Kineeromwinnya edduullu nnddo ddinaarumeyelleke vamiitthoni va mwenaaka oozoziwa enthawi ddittheddene.

1 Samuele 18:12

Saulo aanamoova Davide vawi aadduwella wi Apwiya yaari ni Davide omuhiya olliye.

2 Samuele 2:4

Vano Ayuda yaawa nave wenko yaamuzoza Davide wi akhalle mweniiwa. Davide iiwalle wi athu a o etawoni ya Yabeshi mu echigawo ya Giliyadi sika yamuvitthalle Saulo mu mahame,

2 Samuele 5:3

Sika oohoollella attheene a Aisraele yaawa o Hebroni nave Davide aakeraatthihana echipangano wenko vamiitthoni va Apwiya. Nave yaamuzoza Davide wi akhalle mwene a Aisraele.

2 Samuele 12:7

Natani aallota wa Davide wi, “Muthooyothi tti nyuwaano. Apwiya Mulluku a Israele, enallota wi, ‘Miyaano kahuuzoza wi okhalle mwene a Aisraele nave kahuuvullusa m'mattani mwa Saulo.

2 Samuele 23:1

Mawu ookomihera a Davide tti awi, nna sika nchipo na Davide, mwaana a Yese, mawu a muthu oyo Apwiya yamweerilliiwa wi akhalle muullupalli oyo Mulluku a Yakobo amuzozilleeye wi akhalle mwene, muthu ooddivelliwa wiipa machipo aphaama a Israele.

Masalimo 89:20

Koomuphwanya Davide oorumeyellaaka, koomuzoza ni makhuraaka aweella.

1 Samuele 1:19

Osaka wene ohinase Elikana ni nibanja naye yaavenya yaallapella Apwiya. Vano yaahokollweella owaniwa o Rama. Elikana aakhalla ni Hana nipuro nimodda nave Apwiya yaamuupuwella Hana.

1 Epilli 11:3

Sika oohoollella attheene a Aisraele yaawa o Hebroni o Hebroni nave Davide aakeraatthihana echipangano wenko vamiitthoni va Apwiya. Nave yaamuzoza Davide wi akhalle mwene a Aisraele moollikana ni mawu a Apwiya yallotiwe ni Samuele.

Masalimo 89:21

Sika nnatta naka nineerekomuseera, muwonwaakattho oneerekomullipiha.