1 Samuele 16:1 - Mawu a Mulluku

¹ Apwiya yaallota wa Samuele wi, “Ethiyo onaakhalle omwinllellaka Saulo ophiyera niini vawi koomukhoota wi ahikhalle mwene owaalamulella Aisraele? Oddallihe makhura mu yookusellaaweeyo. Oye wa Yese o Betelehemu vawi kohiiphwanyella mwene variyari va anaaye aallopwana.”

1 Samuele 16:1 ပူးပေါင်းရင်းမြစ်များ

2 Mamwene 9:1

Mallapo yaayo, Elisha namallotella aamwiithana mmodda mwa a mulloko wa anamallotella amulleella wi, “Khozekella olendo nave okuse moohellamo makhura, oye o Ramoti Giliyadi.

1 Samuele 15:23

Owukila tti ochimwa wonanko woombesa makhanga. Wiitukhulla tti ochimwa wonanko ollapella milluku ddooromolliwa terafimu. Vawi wookhoota weera nnddo Apwiya yuulleelliiwa, aaganizattho wi weyaano ohikhalle mwene.”

1 Samuele 15:35

Ovenyera vaavo Samuele khaamoonillettho Saulo ophiyera okhwa waye koma aanamwinllellave. Nave Apwiya yaamoriwa ethakaraka vawi yaamweeriha Saulo wi akhalle mwene a Aisraele.

Aroma 15:12

Namallotella Yesaya anallotattho wi, “Mmodda a edduullu dda Yese aneeroowa, aneeroowa wi aalamulelle athu a mitundu ddimodda nave alliwaayo enaatiyereke va olliyooyo.”

1 Samuele 16:15

Oomurumeyellaaye yaamulleella wi, “Vano munepa woonanara woorumiwa ni Mulluku onnukatamihani.

1 Samuele 10:1

Vano Samuele aakusa yookusella makhura, aahella makhuraayo va muru va Saulo amukhupaarella allota wi, “Apwiya ahuuzoza wi okhalle mwene a athwaaye, Aisraele. Oneerewaalamulella athu a Apwiya ni waavullusa wa adaniiwa attheene. Echizindikiro yawi Apwiya ahuuzoza wi okhalle mwene a yoohallanaaye tti yawi,

1 Samuele 15:26

Koma Samuele aamwaakhulla Saulo wi, “Khanithaanana vawi mwaakhoota wiiwellella mawu a Apwiya, alliwattho ahuukhootani wi muhikhalle mwene owaalamulella Aisraele.”

1 Samuele 9:16

“Osiisello enthawi wonanko yeella kinneerewuurumihella muthu ovenyera o nlloko na Benjamini, omuzoze ni makhura a olivi vamuru vaye wooniha wi anaakhalle mwene aathwaaka, Aisraele. Aneerewaavullusa athu wa Afilisti. Kohoona ollakiwa wiwa nave kohiiwa winlla wiwa.”

1 Samuele 15:11

“Kinamoriwa ethakaraka vawi kaamuvaha omwene Saulo. Oohokollweella mutulli ohiya okithwara miyaano vohiiwellellani malamulwaaka.” Samuele aasha murima nave ahinllella wa Apwiya mahiiyu mattheene.

Yeremiya 6:30

Alliwa tti wonanko siliva ootathilliwa vawi Apwiya ahaakhoota.”

2 Mamwene 9:6

Vaavo Yehu avollowa mpa nave namallotella aahella makhura va muru va Yehu allota wi, “Apwiya Mulluku a Israele enallota wi, ‘Kinimuuzoza wi okhalle mwene a athwaaka Aisraele.

1 Samuele 16:23

Vano erive enthawi munepa woonanara wamuphiyera Saulo, Davide aanamukusa gitalaaye anamwiipa. Eeddiiddo Saulo aanaphwanya phaama nave munepa woonanara waanamuhiya.

Yeremiya 7:16

Apwiya yaallota wi, “We Yeremiya, ohaavekellelle athu yaalla, ohaapepeselle wa miyaano apaalle waakhupanyella mookiwatihera kaambiiwa miyaano ngiwiiwellella.

Yesaya 55:4

Mudduwelle wi kaamutthoolla wi akhalle mbonaaka wa mitundu dda athu wi akhalle owahoollella ni owaalamulella athu anchichi.

Yesaya 11:10

Nllapo nenno musisi wa Davide enaakhalle embendera wa athu a mitundu ddittheddene. Attheene eneerotthukumana wa olliye nave nipuro naye ninaakhalle na ntitimiho.

2 Mamwene 9:3

Vano wahelle makhuraalla vamuruni vaye nave wallote wi, ‘Apwiya enimuuzoza wi okhalle mwene a o Israele.’ Weera ddiiddo wahulle nchiwi, othawe mwawaakuva.”

1 Yohane 5:16

Mwamoona mwanamunninyu apaalle murokorinyu eeraka machimo oohimukusella wookhwa, mumuvekelle wa Mulluku, sika wi amuvahe okumi. Alla tti yaayove machimwiiwa ehinaakusella wookhwa. Koma vookhalla machimo ookusella wookhwa nave nginallota wi mwavekelle wa Mulluku ekaamba ya yaayo.

Yeremiya 15:1

Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.

Yeremiya 11:14

We Yeremiya, ohaavekellelle athu yaalla, ohaapepeselle wa miyaano apaalle waakhupanyella mookiwatihera kaambiiwa miyaano ngiwiiwellella yaakiithanaka va enthawi ya ddoohoosa ddiwa.”

Yesaya 11:1

Enthambi eneerophuwa va nikoto na Yese nave yoophuwa eneerokhuma o misisi ddaye.

Aheberi 11:32

Ethiyo killote tini vano? Enthawi yooyeva yawi killote dda athu amodda anchichi monga Gideoni, Balaki, Samisoni, Yefita, Davide, Samuele owaakattho anamallotella.

1 Mamwene 8:16

Yaallota wi, ‘Ovenyera nllapo nno kaakhumihalleemi Aisraele, athwaaka mu Iguputo, ngawuutthoonlle orive muzinda variyari va malloko mattheene a Aisraele wi mumakiwe enyumba yoollapellamo nnddina naka. Koma kaamutthoolla Davide wi aalamulelleke athwaaka Aisraele.’ ”

1 Epilli 11:3

Sika oohoollella attheene a Aisraele yaawa o Hebroni o Hebroni nave Davide aakeraatthihana echipangano wenko vamiitthoni va Apwiya. Nave yaamuzoza Davide wi akhalle mwene a Aisraele moollikana ni mawu a Apwiya yallotiwe ni Samuele.

1 Epilli 28:4

Koma Apwiya Mulluku a Israele aakitthoolla variyari va attheene a mu nibanja mwahu wi kikhalle mwene a Israele wa enthawi yoohimalla vawi yaamutthoolla Yuda wi akhalle oohoollella a malloko mattheene nave ovenyera o nlloko na Yuda yaatthoollawo nibanja na attiitthaaka. Nave variyari va anamwani a attiitthaakaayo ddaamuhakallalliha Mulluku okitthoolla wi kikhalle mwene a Israele muttheene.

Zekariya 4:14

Sika aallota wi, “Alla tti athu eelli ayo Mulluku aatthoollilleeye ni waazoza wi emurumeyelle olliye, Apwiya a ellapo ettheene.”

1 Samuele 17:12

Davide aari mwaana a Yese, mu Efurati, o Betelehemu a o Yuda. Oyo aari ni anamwani aallopwana atthanu ni araru. Va enthawi ya mwene Saulo, Yese aari uulluvanlle wunchichi.