1 Samuele 15:8 - Mawu a Mulluku

⁸ Yaamukusa Agagi, mwene Aamaleke, ari mukumi koma athu amodda attheene yaawiipha.

1 Samuele 15:8 ပူးပေါင်းရင်းမြစ်များ

1 Samuele 30:1

Viviralle mallapo mararu, Davide ni athwaaye yaaphiya o Zikilagi. Vano yaaphwanyille Aamaleke yoonongille embali ettheene yoomwera wa Yuda ni owana ni athu a mu etawoni ya Zikilagi. Yahaagonjiha athu a mu etawoneeyo, eyihella munllo.

Estere 3:1

Ddiviralle nndda, mwene Ahasuwero aamuwelliha odindo mullopwana ooromolliwa wi Hamani Mwagagi, mwaana a Hamedata. Aamunnuwiha ni omuvaha mpando wa vaddullu, okhwaranya enduna ddittheddene ddaari ni olliye.

Numeri 24:7

Maaddi eneerekottekhuma mu ddoorikella maaddi ddawo mmiddwaawo oneerokhalla ni maaddi manchichi. Mwenaawo aneerovuwa omukhwaranya Agagi nave omwenaaye oneerowellihiwa.

1 Mamwene 20:30

Amodda oohalla yaathawella o muzinda wa Afeki nko esiri yaamorenlliiwa athu oohalla 27,000. Benihadadi olliyettho aathawa, iipittha mu echipinda yamuwari m'muzindanimmo.

1 Samuele 15:3

Khaweni vano mwawanena ekhoto Aamalekaayo, moononge ddeko ddiwa ddittheddene oohihiya naari mmodda. Mwawiiphe allopwana, atthiyana, anamwani ni akantcheweene. Mwiiphettho eng'ombe, enkhosa ni abulu attheene.”

Yoswa 11:12

Yoswa ahaaphara mamwene mattheene ni mizinda ddiwa ddene awiipha ni nsupada nawiisha, awoononga attheenaayo moollikana ni mmo Mose oorumeyella a Apwiya alamulelleeye.

Yoswa 10:39

Yaamwiipha ni nsupada mwene ni athwaaye attheene a m'muzindanimmo ni athu attheene a m'matawoniiwa mattheene khaavo naari muthu mmodda avulluwalle. Yoswa aaweerella muzinda wa Hebroni wonanko mmo eerelleeye mizinda dda Debiri ni Libina ni mamweniiwa.

1 Samuele 15:20

Saulo aallota ni Samuele wi, “Iyaayi, miyaano kahaathwara mawu a Apwiya, kaayaawo keera nnddo Apwiya yakirumalliiwa. Kaamuphara Agagi mwene Aamaleke ni owiipha Aamaleke attheene.

2 Samuele 8:12

Athwaayo yaari Aedomu, Amowabu, Aamoni, Afilisti ni Aamaleke. Ddimodda ddaari nnddo aakhilleeye wa Hadadezere, mwaana a Rehobu, a o Zoba.

1 Epilli 4:43

Alliwa yaawiipha Aamaleke oohalla nave enakhalla wenko ophiyera ollello.

Levitiko 27:29

Naari ari muthu oyo avelleelliwe ni murima muttheene, ahoopolliwe koma iiphiwe.

Yoswa 8:23

Koma mwene a o Ai yaamuphara mukumi emuvelleella wa Yoswa.

1 Samuele 22:19

Vano Saulo aalamula wi athu attheene a o Nobu, muzinda olle wakhalla allupa mukuthwaalle yiiphiwe. Sika allopwana ni atthiyana, anamwani ni akantchewa, eng'ombe, abulu ni enkhosa, ddittheddenndda ddahiiphiwa ni akhotwaaye.