1 Samuele 15:35 - Mawu a Mulluku

³⁵ Ovenyera vaavo Samuele khaamoonillettho Saulo ophiyera okhwa waye koma aanamwinllellave. Nave Apwiya yaamoriwa ethakaraka vawi yaamweeriha Saulo wi akhalle mwene a Aisraele.

1 Samuele 15:35 ပူးပေါင်းရင်းမြစ်များ

1 Samuele 19:24

Nayeenettho aarulla ddoowara ddaye anallotella vamiitthoni va Samuele. Aakonaatthi ahiwanre nndduwa nittheene, otthaana ni mahiiyu. Sika vahaambeya ollota wawi, “Ethiyo Saulo ari m'mullokoni wa anamallotella?”

1 Samuele 15:11

“Kinamoriwa ethakaraka vawi kaamuvaha omwene Saulo. Oohokollweella mutulli ohiya okithwara miyaano vohiiwellellani malamulwaaka.” Samuele aasha murima nave ahinllella wa Apwiya mahiiyu mattheene.

1 Samuele 16:1

Apwiya yaallota wa Samuele wi, “Ethiyo onaakhalle omwinllellaka Saulo ophiyera niini vawi koomukhoota wi ahikhalle mwene owaalamulella Aisraele? Oddallihe makhura mu yookusellaaweeyo. Oye wa Yese o Betelehemu vawi kohiiphwanyella mwene variyari va anaaye aallopwana.”

Afilipi 3:18

Kahuulleellani yeella khalle enthawi ddinchichi, vano kinnuulluulla yeella moowinlla. Athu anchichi enakhalla wonanko adani a okhwa wa Khrisitu vamutandani.

Genesis 6:6

yaamoriwa ethakaraka wi yahaaphatusa athu ni waahiya va ellapo yavatthi. Vawi murima wahaavoreya wunchichi,

Masalimo 119:158

Ddinnakinanara kaawaawehaka athu oohiroromelleya vawi khenathwara malamulwaanyu.

Masalimo 119:136

Miitthwaaka ennetellella miitthori wonanko muhinje, kaambiiwa athu khenathwara malamulwaanyu.

2 Samuele 6:23

Vano Mikala, mwaana a Saulo aaphiyera okhwa ahinna mwaana.