1 Samuele 15:33 - Mawu a Mulluku

³³ Koma Samuele aallota wi, “Nsupada nawo nooweeriha atthiyana wi ehikhalle ni anamwani. Emoddamoddave yeeyo amaayo khekhalla ni anamwani, moophwanaphwana ni atthiyana amoddaayo.” Vano Samuele aamwiipha Agagi amuphadda enthuli enthuli vamiitthoni va Apwiya o Giligala.

1 Samuele 15:33 ပူးပေါင်းရင်းမြစ်များ

Oweeruza 1:7

Vano Adonibezekoolle aallota wi, “Mamwene 70 oophaddeya eyaalla dduullupalli dda m'mattani ni ddam'manyalloni yaanatota enyenyeri vatthi va tebulwaaka. Vano Mulluku ookihokollosella nnddo kaaweerelleemi,” Vano aakuselliwa o Yerusalemu. Nave aakhwella wenko.

Genesis 9:6

Arive muthu oomwiipha muthu, nayeenettho aneerewiiphiwa ni muthu vawi muthu aphatusiwe moophwanaphwana ni Mulluku.”

Mateyu 7:2

Vawi Mulluku aneeroweeruzani moophwanaphwana ni mmo munaaweeruzelleenyu athu amodda navettho aneerophariha mutteko mulingo woophwanaphwana ni oyo munaphariheenyu mutteko wa athu amodda.

Yawuupullulla 18:6

Mumuhokolloselle aweerenlleeyeni, mumullivellihe opiilli va ddittheddene enreeye. Mumuwiryihe opiilli kapwaaye a yoowirya yoowalli wonanko yoowirya uuvahilleni olliyooyo.

Yawuupullulla 16:6

Yaawiipha athu a Mulluku ni anamallotella nave sika mohaavaha nikhame wi ewirye. Enaakhella nnddo ddinaaphwanella!”

Yakobo 2:13

Vawi muthu aweeruza moohikhalla ni echifundo nayeenettho Mulluku aneeromweeruza moohikhalla ni echifundo. Koma oyo ari ni echifundo khanoova echiweruzo ya Mulluku.

Yeremiya 48:10

Ootembeleliwa oyo anaphara moolesi mutteko wa Apwiya. Ootembeleliwa oyo anahiiha nsupada naye waakakatha ni owiipha athu.

Yesaya 34:6

Nsupada na Apwiya noovona nikhame nave noomarelliwa makhura. Nikhame nene tti wonanko na anamwani a enkhosa ni a epuri nave makhureene tti wonanko a apellepetu a anankhoro a enkhosa. Vawi Apwiya aakhalla ni mukutho mu muzinda wa Bozira, sika wi wiiphiwa wa athu anchichi mu o Edomu.

1 Mamwene 18:40

Vaavo Eliya aalamula wi, “Aphareni anamallotella attheene a Baala. Ahithawe naari mmodda.” Sika yahaaphara attheenaayo nave Eliya aakitthellana o muhinje wa Kishoni, awiiphella wenko.

Numeri 14:45

Vano Aamaleke ni Akanani ayo yakhalla mu echigawo yamiyaangweeyo, yaakittha nave yahaagonjiha ni owiikariha ophiya o Horoma.

Eksodo 17:11

Mose atukhullella muddullu mattaaye, Aisraele yaanapambana ekhotweeyo koma akitthiha matta, Aamaleke sika yapambana.

1 Samuele 15:32

Vano Samuele aallota wi, “Wannani wuno Agagi, mwene Aamaleke.” Nave Agagi aaphiya wa Samuele moohakallalla allota mwa yeekhaaye wi, “Ovoreya wa okhwa woovira!”

Yeremiya 18:21

Koma vano allakeni aniiwa ni ettalla ni ekhoto. Awariwa ekhalle anaamukhwelle, ehikhallena anamwani. Amamuniwa ekhwe ni mullilli nave asombwiiwa ekhwe ni nsupada okhotoni.

Hoseya 6:5

Sika ekaambiiwa kuuphanddemini oweella mwa anamallotella, kiwiiphalleemini ni mawaaka. Okamulla waka tti wawooneya wonanko owala wa nndduwa.

Eksodo 21:24

niittho olliva niittho, niino olliva niino, nnatta olliva nnatta, nnyallo olliva nnyallo,

1 Samuele 10:8

Onaahoolle tti weyaano oya o Giligala. Okitiyere wa mallapo matthanu ni meelli vawi kineeroowa wi kivelleelle mukutho wooshellelliha ni wa eyaattano. Wenko kineerewuulangiza ddawi weere.”