1 Samuele 15:26 - Mawu a Mulluku

²⁶ Koma Samuele aamwaakhulla Saulo wi, “Khanithaanana vawi mwaakhoota wiiwellella mawu a Apwiya, alliwattho ahuukhootani wi muhikhalle mwene owaalamulella Aisraele.”

1 Samuele 15:26 ပူးပေါင်းရင်းမြစ်များ

Hoseya 4:6

Athwaaka ennoonongeya ekaamba ya ohidduwella. Kineerewuukhootani wi muhikirumeyelle wonanko allupa mukutho ekaamba yawi mookhoota ohuddera dda miyaano. Mootiwalla malamulo a Mullukwaanyu vano miyaanottho kineerewaatiwalla aniinyu.

1 Samuele 16:1

Apwiya yaallota wa Samuele wi, “Ethiyo onaakhalle omwinllellaka Saulo ophiyera niini vawi koomukhoota wi ahikhalle mwene owaalamulella Aisraele? Oddallihe makhura mu yookusellaaweeyo. Oye wa Yese o Betelehemu vawi kohiiphwanyella mwene variyari va anaaye aallopwana.”

1 Samuele 13:14

Koma vano omwenaanyu khollekella. Apwiya aaddaashella weekhiiwa muthu a vamurimani viwa wi akhalle mwene owaahoollella athwiiwa ekaamba yawi khamwaathwanre nnddo Apwiya yuulamulalleniiwa.”

2 Yohane 1:11

Vawi oyo aanaavaha mooni annaattana ni mitteko ddiwa ddoonanara.

Yeremiya 6:19

Nyu ookhalla va ellapo yavatthi, apellani maaru. Kineerowoononga moollikana ni ddawoottha ddiwa kaambiiwa kheyiiwellenlle mawaaka nave yaakhoota malamulwaaka.

1 Samuele 15:23

Owukila tti ochimwa wonanko woombesa makhanga. Wiitukhulla tti ochimwa wonanko ollapella milluku ddooromolliwa terafimu. Vawi wookhoota weera nnddo Apwiya yuulleelliiwa, aaganizattho wi weyaano ohikhalle mwene.”

1 Samuele 15:31

Sika Samuele aahokollowa athaanana ni Saulo nave Saulooyo ahaallapella Apwiya.

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.

Genesis 42:38

Koma Yakobo aallota wi, “Mwanakoolla khathaanana ni nyuwaano iyaayi, valle mwanamunne aakhwa nave ahanlle yeekha. Apaalle ttuukumana ni otulli nave miyaano kuulluvallelleemimmu ethakaraka sika ddinaakiiphe.”

Mitteko 13:22

Mulluku amuvenyihalleeye omwene Saulo, ahaavaha Davide wi akhalle mweniiwa. Nndda sika allotille Mulluku dda olliyooyo wi, ‘Koomuphwanya Davide mwaana a Yese, muthu a vamurimani vaka, muthu oyo anaaweere nnddo kinaapaalleemi.’

1 Samuele 28:18

Apwiya aaweerella nndda ollello ekaamba yawi khawaawiiwellelle mawiiwa nave khewaawoonongille Aamaleke ni ddeko ddiwa ddene.

2 Samuele 12:9

Kaambiiwa tini ovevullalleewe mawu a Apwiya vaweerani ddoonanara vamiitthoni viwa? Woomwiipha Uriya Muhiti ni nsupada nave woomutthella mwaariye. Woomweeriha wi Aamoni emwiiphe.

Hoseya 13:11

Kahuuvahani mamwene moosha murima nave kahaavenyihavo moowalli.

2 Samuele 7:15

Koma ngivenyiha echikondaaka yoohisintheya wa olliye wonanko kamuvenyihelleemi Saulo oyo kamukhootilleemi wi weyaano okhalle mwene.