1 Samuele 15:23 - Mawu a Mulluku

²³ Owukila tti ochimwa wonanko woombesa makhanga. Wiitukhulla tti ochimwa wonanko ollapella milluku ddooromolliwa terafimu. Vawi wookhoota weera nnddo Apwiya yuulleelliiwa, aaganizattho wi weyaano ohikhalle mwene.”

1 Samuele 15:23 ပူးပေါင်းရင်းမြစ်များ

Yeremiya 28:16

Sika Apwiya enallota wi, ‘Ochenjere vawi eneerewuuvenyihavo va ellapo yavatthi. Onaakhwe muyakhoolla ohinamalle ekaamba yawi onallalleya ddookiwukila miyaano Apwiya.’ ”

1 Samuele 13:14

Koma vano omwenaanyu khollekella. Apwiya aaddaashella weekhiiwa muthu a vamurimani viwa wi akhalle mwene owaahoollella athwiiwa ekaamba yawi khamwaathwanre nnddo Apwiya yuulamulalleniiwa.”

Levitiko 20:6

“Muthu oollota ni minepa dda athu ookhwa apaalle amanyaka, anaddoonihella ohiroromelleya wa miyaano voowaathwarani alliwaayo, kineeromureya etulli nave kineeromuvenyiha variyari va Aisraele akhwaaye.

Agalatiya 5:20

mu ollapella mafano ni okhwiri. Athu enniitana nave ennawana; ennakhallellana ehache, osha murima ni wiikonda. Ennakawaneya millokomilloko;

Yeremiya 29:32

Mi Apwiya kineeromullaka Shemaya ni edduullu ddaye. Munibanjani nayenno khaavo muthu oyo anaakhalle variyari va mutundu olla wa athu onoone ddaphaama nnddo kinaaweerelleemi athwaaka kaambiiwa olliye oollalleya ddookiwukila. Mi Apwiya koollota.’ ”

2 Akorinto 6:16

Enyumba ya Mulluku enaattane ni mafano mwawiidde? Vawi hiyaano tti enyumba ya Mulluku Ookumi. Mulluku yeekhaaye aallota wi, “Kineerokhalla mwa alliwa, nave kineereweeteeta variyari viwa. Kineerokhalla Mullukwiiwa, nave alliwa beneerokhalla athwaaka.”

Masalimo 107:11

Vawi yaawukila mawu a Mulluku, Yaavevulla malangizo a Amasiva Mattheene.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

Eksodo 22:18

“Muthu aamutthiyana oweera ddookhwiri, iiphiwe.

Genesis 31:34

Rakelooyo aari asunge millukunnddo vatthi va saduro ya ekamira nave olliyooyo aakeraatthella vaavo. Labani ahaashaasha m'musasani koma khaaphwanyillemo.

Genesis 31:19

Labani aari akelle woochema enkhosa. Nave ari wenko, Rakele ahiiya milluku dda mpa mwa Labani attiitthinnya.

Yobu 34:37

Va nichimo naye annoonjereravo owukila, anniitukhulla ni mitteko ddaye vamiitthoni vahu, annoonjerera mawu oomuvevulla Mulluku.”

Deuteronomo 9:7

“Upuwellani nave muhitiwalle mulle mwaashihelleenyu murima Apwiya Mullukwaanyu muchipululuni. Ovenyera nllapo nne mwakhumalleenyu mu Iguputo ophiyera nllapo nno mwaphiyalleenyu wuno mookhalla mwaawukila Apwiya Mullukwaanyu.

Levitiko 20:27

“Mullopwana apaalle mutthiyana oollota ni minepa dda athu ookhwa apaalle amanyaka yiiphiwe voovokhiwani malluku nave nikhame niwa nikhalle va muru viwa.”

Yawuupullulla 22:15

Koma otte wa muzindooyo wookhalla anapwa, ayo eri athu aweera ddookhwiri, ddooraruwa ni ddawiipha, ayo enallapella nifano nave ayo eri awoottha mu mawu ni m'mittekoni ddiwa.

Yesaya 19:3

Kineerolepheliha ddoolinga dda Aiguputo mwawi eneerotathilla murima nave eneerekoveka ezeru wa mafano, oollota ni minepa, awoombesa ni amanyaka.

Yesaya 8:19

Vano athu eneerewuulleellani wi, “Khaweni mwakohe wa oollota ni minepa ni wa awoombesa ayo enamwinlla namame nngu etokollollaka. Ethiyo athu khenaveka ezeru wa athu a milluku ddiwa? Ethiyo athu ennaya wa ookhwa wi yaavekella ezeru athu ookumi,

1 Samuele 16:1

Apwiya yaallota wa Samuele wi, “Ethiyo onaakhalle omwinllellaka Saulo ophiyera niini vawi koomukhoota wi ahikhalle mwene owaalamulella Aisraele? Oddallihe makhura mu yookusellaaweeyo. Oye wa Yese o Betelehemu vawi kohiiphwanyella mwene variyari va anaaye aallopwana.”

Deuteronomo 9:24

Mookhalla mwaawukilaka Apwiya ovenyera nllapo nno kuudduwenlleemini.

Numeri 14:9

Koma muhiwiinyullulle Apwiya. Muhinawoova athu a mwiillaponimmo vawi nineerewaagonjiha. Muhiwoove vawi alliwa khenna owaaseera nave Apwiya eri ni hiyaano.”

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.

Mitteko 13:22

Mulluku amuvenyihalleeye omwene Saulo, ahaavaha Davide wi akhalle mweniiwa. Nndda sika allotille Mulluku dda olliyooyo wi, ‘Koomuphwanya Davide mwaana a Yese, muthu a vamurimani vaka, muthu oyo anaaweere nnddo kinaapaalleemi.’

1 Samuele 28:3

Enthawi yeella Samuele aari akhwille khalle nave Aisraele attheene emwinllelle nave emuvitthalle owaniwa o Rama. Vano Saulo aari aavenyihallewo athu oollota ni minepa owaakattho athu attheene awoombesa makhanga a mwiillaponimmo.

2 Samuele 7:15

Koma ngivenyiha echikondaaka yoohisintheya wa olliye wonanko kamuvenyihelleemi Saulo oyo kamukhootilleemi wi weyaano okhalle mwene.

2 Samuele 12:9

Kaambiiwa tini ovevullalleewe mawu a Apwiya vaweerani ddoonanara vamiitthoni viwa? Woomwiipha Uriya Muhiti ni nsupada nave woomutthella mwaariye. Woomweeriha wi Aamoni emwiiphe.

1 Epilli 10:13

Sika Saulo aakhwa ekaamba ya ohiroromelleya waye, khaawiiwellella Apwiya, mwawi khaasunga malamulo a Apwiya navettho aveka ezeru wa athu ayo yallota ni minepa dda athu ookhwa

Yeremiya 16:12

Komattho nyuwaano mwaachimwa wunchichi okhwaranya makhollwaanyu arive muthu mwa nyuwaano anathwara ddoonanara ni murimaaye wawumma munipuroni mookiiwellella miyaano.

Hoseya 3:4

Vawi Aisraele eneerokhalla mallapo manchichi ehinna mamwene apaalle enduna, oohivelleella mikutho apaalle wiimesa apoto oopatuleya, oohikhalla ni milluku dda mpa apaalle efodi.*

Yoswa 22:15

Ephiyalle o ellapo ya Giliyadi, yaallota ni athu a nlloko na Rubeni, na Gadi ni hafu a nlloko na Manase wi,

Hoseya 13:11

Kahuuvahani mamwene moosha murima nave kahaavenyihavo moowalli.