1 Samuele 15:13 - Mawu a Mulluku

¹³ Samuele aphiyalle wa Saulo, Saulooyo aallota wi, “Apwiya yuudaliseni. Koheera erive ello Apwiya yakilamulalliiwa.”

1 Samuele 15:13 ပူးပေါင်းရင်းမြစ်များ

Rute 3:10

Bowazi aallota wi, “Apwiya yuudalise, namwalli. Ddaphaama nndda weerilleewe ollello ddookhwaranya nnddo weerilleewe vawaambanndde wa akwegwawaawo vawi khokelle wa asombwe, oohoowa apaalle eeyuuma.

Oweeruza 17:2

Vano olliye ahaalleella amennya wi, “Muthu mmodda aawiiyerani makobiri a siliva 1,100 nave mwaamutembelela miyaano kiiwaka. Makobiraayo tti alla, eri ni miyaano. Tti miyaano kaakusalle.” Amennyaayo yaamulleella wi, “Apwiya yuudalise mwanaka.”

Luka 18:11

“Mufarisooyo ahiimella vayeekhaaye avekella wi, ‘Mulluku kinimuuthokozani vawi ngiri wonanko athu amoddaalla ayo eri a nrima, oohikhalla ni echilungamo, ooraruwa apaalle wonanko ookhomiha musonkhoolla.

Luka 17:10

Nyuwaanottho, mweera mulamulelliweenyu wi mweere, mulloteke wi, ‘Hiyaano niri mullupa mutteko oohiphwanella othokoziwa, neenre ninaphwanellaahu weera wonanko allupa mutteko.’ ”

Miyambo 31:31

Mumuriihe ekaamba ya ezipaso dda mattaaye nave mitteko ddaye ddimuvahe olemu onthatoni.

Miyambo 30:13

Vookhalla amodda awiitukhulla, ooddeesa aphaama wunchichi.

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

1 Samuele 15:11

“Kinamoriwa ethakaraka vawi kaamuvaha omwene Saulo. Oohokollweella mutulli ohiya okithwara miyaano vohiiwellellani malamulwaaka.” Samuele aasha murima nave ahinllella wa Apwiya mahiiyu mattheene.

1 Samuele 15:9

Koma Saulo ni athu ayo aariiyena, kheyaamwiiphalle mwene Agagi. Kheyaawiiphallettho enkhosa ni eng'ombe ddooreeresesa, asaanaang'ombe ni asaana a enkhosa ayo yaari ooneneva ni ddeko ddittheddene nnddo ddaari ddaphaama. Yoonongille ddennddove ddaari ddoohikhalla ni mutteko ni ddoohitthopoowa.

Genesis 14:19

Aamudalisa Abramooyo wi, “Mulluku Amasiva Mattheene, oophatusa oddullu ni ellapo yavatthi, uudalise weyaano Abramu.

Genesis 3:12

Vaavo mullopwana ahaakhulla wi, “Mutthiyana mwakivahilleenyoolle sika akinnyalle ezipasonnddo wi kiche nave kaacha.”

Miyambo 27:2

Muhiye muthu mmodda uutthamalle ohiri eyanwaawo. Muhiye mulleto uuriihe ohiri weekhaawo.

1 Samuele 13:10

Amallihalle ovelleella mukuthoolle, Samuele aaphiya. Vano Saulo aaya akumanana ni omullochella.

1 Samuele 15:20

Saulo aallota ni Samuele wi, “Iyaayi, miyaano kahaathwara mawu a Apwiya, kaayaawo keera nnddo Apwiya yakirumalliiwa. Kaamuphara Agagi mwene Aamaleke ni owiipha Aamaleke attheene.

1 Samuele 25:14

Vano mullupa mutteko mmodda aamulleella Abigaile, mwaara a Nabala wi, “Davide ahaaruma amithengaaye ovenyera ochipululuni wi ewaashelle apwiya ddaphaama koma apwiya yahaasimwella mookhuwa.

2 Samuele 2:5

ahaarumiha athu amodda ni othenga wawi, “Apwiya yuudaliseni vawi mohooniha ororomelleya wanyu vawaavitthani apwiinyu Saulo.

1 Samuele 23:21

Saulo aallota wi, “Apwiya yuudaliseni vawi mookeerella echifundo