1 Samuele 14:6 - Mawu a Mulluku

⁶ Yonatani aamulleella musombwaayoolle wi, “Hanko nillapuwe niye omisasani dda akhoto a Afilisti oohiphaddiwaalla. Apaalle Apwiya ttuunikavihera. Vawi kheyiivo yowaavaanyiha Apwiya onikavihera wi naagonjihe naari nihaatille.”

1 Samuele 14:6 ပူးပေါင်းရင်းမြစ်များ

Mateyu 19:26

Yesu ahaawehesesa allota wi, “Ddenndda tti ddoohiworeya ni athu koma ddittheddene ddinaworeya ni Mulluku.”

Aroma 8:31

Ethiyo vano mu ddittheddenenndda, ninaallote tini? Mulluku akhalla ni hiyaano, anaanivaanyihe ttaani?

Zekariya 4:6

Vano olliye aakilleella wi kimulleelle Zerubabele mawu a Apwiya awi, “Ddawoona, oneeropambana koma ohiri ni ekhoto apaalle ni masivaawo koma ni munepaaka. Mi Apwiya Amasiva Mattheene koollota.

Deuteronomo 32:30

Ethiyo muthu mmodda aagonjihalle mwawiidde athu 1,000, athu eelli yaagonjihalle mwawiidde athu 10,000? Ethiyo khehiyo ekaamba yawi Nlluku niwa ohaareya etulli, ekaamba yawi Apwiya ahaatathilla?

2 Epilli 14:11

Nave Asa aakhuwella wa Apwiya Mullukwaaye wi, “Nyu Apwiya, khaavottho mmodda monga nyuwaano awi ttuunikavihera hi oofooka owana ni akhoto amasiva. Nyu Apwiya Mullukwaahu, nikavihereni vawi ninnuuroromellani. Niwiille wi niwane ni akhotwaalla mu nnddina nanyu, muhaakhullelle wi mmodda uugonjiheni.”

Yeremiya 9:26

Kineerewaallaka Aiguputo, Ayuda, Aedomu, Aamoni, Amowabu ni attheene ayo enakhalla mu echipululu oophaddera mphattamaaru. Mitundu ddimodda ddittheddenenndda tti ddoohiphaddiwa naari mutundu muttheene wa Aisraele tti woohiphaddiwattho m'murimani.”

2 Samuele 16:12

Apaalle Apwiya eneerewoona ddookatamiha ddaka nave eneerokihokollosella ddaphaama ekaamba ya oruwaniwanngu.”

Zefaniya 2:3

Nyu attheene awiiyeviha, waashaasheni Apwiya, nyu muniiwellella malamulwiiwa. Ashaashani echilungamo ni wiiyeviha apaalle ttuuvulluwa va nllapo na osha murima wa Apwiya.

Amosi 5:15

Mwiitaneke ni yoonanara, mukondeke yaphaama, mukeraatthihe echilungamo m'mathatoni. Sika Apwiya Mulluku Amasiva Mattheene ttuuweerellani echifundo nyu oohalla mwiillaponi.

Yeremiya 9:23

Apwiya enallota wi, “Muthu eezeru ahiitukhulle ni ezeru ddaye, naari muthu amasiva ni masivaaye, naarittho muthu eeyuuma ni eyuumaaye.

2 Mamwene 19:4

Mwene a o Asiriya endunaaye wi emuvevulle Mulluku Ookumi. Apaalle Apwiya Mullukwaanyu ahiiwa ovevullanngu nave eneerewaallaka athu yaavevullallaayo. Sika mwaavekellelle athu oohalla ayo eri ni okumi.”

2 Samuele 1:20

Muhinallalleya ddenndda o Gati, muhinanivuwiha m'misewuni dda Ashikeloni wi atthiyana a Afilisti, oohiphaddiwa, ehinittheye.”

1 Samuele 17:36

Miyaano kaporwaanyu kohiiphavo mikango ni ezimbalangondo ddene. Vano Mufilisti oohiphaddiwoolla, kineeromwiipha wonanko kiiphelleemi enamanndde vawi anavevulla milloko dda akhoto a Mulluku Ookumi.

1 Samuele 17:26

Vano Davide ahaakoha akhoto ayo yaari vakhuviru ni olliyooyo wi, “Ethiyo muthu anaamwiiphe Mufilistoolla ni waavenyiha owulliwa muru Aisraelaalla enaamwinnye tini? Mufilisti oohiphaddiwoolla ttaani wi aavevulleke akhoto a Mulluku Ookumi.”

Oweeruza 15:18

Vano Samisoni aavolliwa nthona wunchichi nave ahaaveka Apwiya wi, “Nyu mwaavelleella masiva oovullusa manchichi wa mi oorumeyellaanyu. Ethiyo vano kikhwe ni nthona nave kiphariwe ni oohiphaddiwaalla?”

Afilipi 3:3

tti hiyaano, ohiri alliwaayo koma hiyaano sika niphaddiwe mwawoona vawi ninamullapella Mulluku mwa munepaaye nave ninnahakallalla ekaamba ya Khrisitu Yesu ohiri ekaamba yookhulupilila ddaweereya dda mwiilli.

1 Samuele 14:5

Nlluku nimodda naari ompoto moowehana ni Mikimashi nave nimodda naari omwera noowehana ni Geba.

1 Samuele 14:7

Musomboolle aallota wi, “Mweere ddittheddene moollikana ni mmo murimaanyu onapaallelliiwa. Miyaano kiri ni nyuwaano, mmo munaganizereenyu miyaanottho kinaganiza ddiiddo.”

1 Samuele 17:46

Ollello vaava Apwiya eneerokikavihera wi kuugonjihe. Kineerewuukuha ni wuuphadda murwaawo. Mitembo dda akhoto a Afilisti, kineeroddivahella epallame ddamuddullu ni enama ddamuhakani wi athu a ellapo ettheene edduwelle wi wookhalla Mulluku o Israele.

1 Samuele 17:47

Nave athu attheene etthukumannaalla eneerodduwella wi Apwiya khenavullusa ni nsupada apaalle nivaka. Apwiya sika mwaneena ekhoto nave eneerewuuvelleellani m'mattani mwahu.”

1 Samuele 31:4

Nave Saulo aamulleella ootukhulla ezida ddaye ddakhoto wi, “Hullulla nsupada nawo, okihomena, woova wi oohiphaddiwa ttuukihoma nave ttuukittheelliha.” Koma ootukhulla ezidooyo, aakhoota vawi aamoova. Sika Saulo aakusa nsupada naye, amorellavo.

Masalimo 135:6

Erive ello Apwiya enapaalliiwa weera enneera oddullu ni va ellapo yavatthi, mu enyanja ni moowallamella mutthemwene.

Yeremiya 9:25

Apwiya enallota wi, “Mallapo enimawa mvo kinaallakeemi attheene oophaddiwa ayo m'murimani mwiwa ehinapwathawo.

Numeri 10:32

Wathaanana ni hiyaano, ddittheddene ddaphaama nnddo Apwiya enaaneerelliiwa, nineeroweerella ddennddo.”

Numeri 31:4

Mwaarumihe okhotoni athu 1,000 ovenyera mu nirive nlloko na Aisraele.”

Yoswa 14:12

Vano mukikawelle ellapo yamiyaango moollikana ni mmo Apwiya yakilonjezelliiwa. Valle mwahiiwa wi Aanaki, athu amasiva, aakhallawove wenko m'mizindani dduullupalli ni ddamipanda. Koma apaalle Apwiya ttuukhalla ni miyaano nave kineerowiikariha moollikana ni mmo Apwiya yallotelliiwa.”

2 Epilli 14:10

Vano Asa aatimulla wi akumanena nave attheenaayo yaatthattana embali ddittheddene wi ewane ekhoto va ntapo na Zefati o Maresha.