1 Samuele 14:50 - Mawu a Mulluku

⁵⁰ Mwaara a Saulo aari Ahinowamu mwaana a Ahimaazi. Nave akhoto muullupalli a Saulo aari Abinere mwaana a Nere, mwanamunniwa a attiitthinnya Saulo.

1 Samuele 14:50 ပူးပေါင်းရင်းမြစ်များ

2 Samuele 2:8

Enthawi yeella Abinere mwaana a Nere, oyo aari akhoto muullupalli a Saulo aari amukusalle Ishibosheti mwaana a Saulo, oyaana okhopella, o Mahanaimu.

2 Samuele 3:27

Vano Abinere ahokollweelleeye o Hebroni, Yowabu aamukusella vakhwipi waatamella va mullako wa etawoneeyo, anakhalla wonanko anaaka akambiranena ddeko ddawi athu amodda ehiiwe. Vano Yowabu aamuhoma Abinere vamirimani, akhwella vaavo. Yowabu enre ddenndda kaambiiwa Abinere aamwiipha Asahele mwanamunne a Yowabu.

1 Samuele 17:55

Saulo amonne Davide ayaaka woowana ekhoto ni Mufilistoolle, aamukoha Abinere, akhoto muullupalli wi, “Ethiyo weyaano Abinere, musomboolla tti mwaana awani?” Abinere ahaakhulla wi, “Pepaani amwene, nginamudduwella”

1 Samuele 10:14

Mwanamunniwa a attiitthinnya Saulo, amonne Saulo ni mullupa muttekwaayoolle, ahaakoha wi, “Mwaari wuuwi?” Saulo ahaakhulla wi, “Nawaashaasha abulu. Noonille wi khenaphwanyeya, naaya wa Samuele.”

1 Samuele 26:5

Vano Davide aatimulla enthawi yeeyo aya aphiya omisasani wa Saulo. Nave ahoona mvo Saulo akonilleeye ni Abinere mwaana a Nere, akhoto muullupalli a Saulo. Saulooyo akona muwari mwa musasa mmo mwaari muwari mwa misasa dda akhotwaaye.

1 Epilli 26:28

Shelemoti ni abalaaye sika yawehera emphaso ddittheddene ddoopatuleya ddoovelleelliwa ni namallotella Samuele, Saulo mwaana a Kishi, Abinere mwaana a Nere navettho ni Yowabu mwaana a Zeruya nave ddeko ddimodda ddittheddene ddoovelleelliwa ni arive muthu.

2 Samuele 3:6

Athu a Saulo ni athu a Davide yawaniiwa, Abinere aaddinnya yeekhaaye masiva variyari va athu a Saulo.

2 Samuele 3:38

Vano Davide ahaakoha akhotwaaye wi, “Ethiyo khamunadduwella wi ollello mu ellapo ya Aisraelaalla mookhwa oohoollella muullupalli?

1 Epilli 27:21

Oohoollella a nlloko na hafu na Manase na wookhuma nndduwa, nipuro na Giliyadi, aari Ido mwaana a Zekariya. Oohoollella a Abenjamini aari Yasiyele mwaana a Abinere.