1 Samuele 14:47 - Mawu a Mulluku

⁴⁷ Saulo aariiye mwene owaalamulella a Aisraele, aawana ekhoto ni adanaaye attheene. Aawana ni Amowabu, Aamoni, Aedomu, mamwene o Zoba owaakattho Afilisti. Orive weko ayeeyewo aanaagonjiha.

1 Samuele 14:47 ပူးပေါင်းရင်းမြစ်များ

2 Samuele 10:6

Vano Aamoni yoonilliiwa wi aamullika Davide yahaaruma athu wi yaalembe mutteko Asiriya a o Beterehobu ni a o Zoba, akhoto aweeta vatthi 20,000. Yaamulembattho mwene a o Maaka ni athwaaye 1,000 owaakattho athu a o Tobu 12,000.

1 Samuele 14:52

Okumaaye muttheene wa Saulo akhallella owanave ekhoto ni Afilisti. Vano amoona muthu amasiva apaalle oollipa murima aanamukusa wi akhalle mu mulloko wa akhotwaaye.

2 Mamwene 14:27

Koma Apwiya kheyaallotille wi eneerewoononga omwene wa Israele va ellapo yavatthi. Sika yahaavullusa Aisraele oyeella mwa Yerobowamu mwaana a Yowashi.

1 Mamwene 11:23

Mulluku aamurumihellattho Solomoni mudani mmodda, Rezoni mwaana a Eliyada oyo athawenlle wa apwinnya Hadadezere mwene a o Zoba.

2 Samuele 8:3

Davide aamugonjihattho Hadadezere, mwaana a Rehobu, mwene a o Zoba, Davidooyo ayeeye omutundani wa muhinje wa Yufurate wi akeraatthihewo omwenaaye.

1 Samuele 13:1

Saulo avollowille omwene ari ni miyakha 30 nave aalamulelle Aisraele miyakha 42.

1 Samuele 12:2

Vano mwene sika anuuhoollellekeni. Miyaano kohuulluvalla, meehaaka tti alla eri ni embwi nave anaaka tti yaayo muriinyuna nimodda. Kookhalla kuuhollellakani waambeella kiri musombwe.

1 Samuele 14:46

Saulo aahiya waathwara Afilisti. Nave Afilistaayo yahokollweella owaniwa.

1 Samuele 21:7

Nllapo nenno muthu mmodda mwa allupa mutteko a Saulo aari vaavo vawi aaphwanella waallapellana Apwiya. Muthooyo nnddina naye aari Doegi a o Edomu. Aari mbusa muullupalli a Saulo.

Genesis 19:37

Mwaana muullupallooyo aamuyara mwaana aamullopwana, aamuvaha nnddina nawi Mowabu. Olliyooyo sika nikhollo na Amowabu.

Genesis 19:38

Mwaana mung'onong'onooyo olliyettho aamuyara mwaana aamullopwana, aamuvaha nnddina nawi Benami. Olliyooyo sika nikhollo na Aamoni.

Genesis 36:1

Nna sika ntthopoollo na edduullu dda Esau oyo aromolliwattho Edomu.

Genesis 36:8

Sika Esau oyottho aromolliwa wi Edomu, aaya akhalla mu ellapo yamiyaango dda Seiri.

Genesis 36:19

Nndda sika edduullu dda Esau oyottho aromolliwa wi Edomu navettho sika mamweniiwa.

2 Samuele 1:22

“Muura wa Yonatani khonayeeke okhotoni, ohokollowa ohaaphoriihalle, ohaahomille athu amasiva, nsupada na Saulo khaninayeeke okhotoni, niwaawo nihiwiiphalle athu.”

2 Samuele 8:15

Vano Davide aalamulella ellapo ettheene ya Israele nave aaneetiha ddittheddene mweechilungamo ni moohiweha ekhove.