1 Samuele 14:36 - Mawu a Mulluku

³⁶ Saulo aallota wi, “Hankoni niyeewo mahiiyu naathware Afilisti, nawiiphe athu attheene nave nawaakhe ddeko ddiwa ophiyera ohinase.” Athwaayo yaallota wi, “Mweere eyo munapaalleenyu.” Koma mullupa mukutho aallota wi, “Hankoni naambe oveka ezeru wa Mulluku.”

1 Samuele 14:36 ပူးပေါင်းရင်းမြစ်များ

Yakobo 4:8

Mumwaatamelleke Mulluku nave olliye aneerowaatamellani. Muddeellihe, nyu athu oochimwa! Ellihani mirima ddanyu, nyu athu a mirima miilli!

Malaki 2:7

“Vawi tti mutteko wa mullupa mukutho osunga ehuddiho yawoona nave athu yaasheke malangizo ovenyera wa olliye vawi olliye sika amithenga a Apwiya Amasiva Mattheene.

Yeremiya 6:5

Hankoni vano niwuhelle ekhoto mahiiyu, noononge mipanda ddiwa.”

Yesaya 58:2

Ennakaashaasha nllapo ni nllapo voopaallani wi edduwelle ettilla ddaka. Wonanko mutundu waweera ddoolungama oohihiya malangizo a Mullukwiiwa, alliwa ennakiveka malangizo oolungama nave ennahakallalla okaatamella miyaano Mullukwiiwa.”

Masalimo 73:28

Koma okhalla vakhuviru ni Mulluku onnakiddivella, koosimikiza wi Apwiya Mulluku sika woothawella waka, kineerollalleya mitteko ddiwa ddittheddene.

1 Samuele 14:3

Vaakhallattho Ahiya, mullupa mukutho oyo awara yoowara yoopangiwa ni ekuwo yaweella wunchichi yookhalla ni efodi.* Olliyoolla aari mwaana a Ahitubi, mwanamunne a Ikabodi mwaana a Finehasi. Finehasooyo aari mwaana a Eli, mullupa mukutho muullupalli a o Shilo. Vano athu kheyaadduwella wi Yonatani oovenyavo.

1 Samuele 11:11

Mahiiyu, Saulo ahaakawa athwaalle milloko miraru nave oyaaka ni osa yaaya yaamba owana ni Aamoni. Yaawiipha Aamonaayo ovenyera enthawi yeeyo ophiyera otthaana. Vano ayo yavulluwalle yaapallalleya, arive muthu athawenlle wa yeekhaaye.

Yoswa 11:14

Vano Aisraele yahaakha ddeko ddittheddene ddaphaama dda m'mizindani ddennddo monga eng'ombe eddisunga wi ddikhalle ddayiwa. Koma yaawiipha ni nsupada niwa nawiisha adaniiwa oohimuhiya naari muthu mmodda oovuma.

Yoswa 10:19

Koma nyu muhiimelle, wiikarihekeni adanaayo nave muwiipheke oohalla mutulli. Muhaakhullelle wi yaphiye omizindani ddiwa. Apwiya Mullukwaanyu ahaavelleella m'mattani mwanyu”

Numeri 27:21

Vano aneerekoya wa Eleazara oyo anaamulleelleke nnddo Apwiya enapaalliiwa mwawoombesa voopharihani mutteko Urimu ni Tumimu.* Mmu sika anaamuhoollellekeeye Yoswa ni Aisraele attheene.”

1 Samuele 1:23

Elikana aamwaakhulla wi, “Onnadduwella oneereewe halla ophiyera ohiyalle omwaamwiha. Apwiya eneerewuukavihera ophiyera okwakhwanihalle nnddo walonjezilleewe.” Hana khaayiillewo o Shilo ophiyera amuhiihalle waamwa Samuele.