1 Samuele 14:15 - Mawu a Mulluku

¹⁵ Vano Afilisti attheene yahaapheella miru ni woova wuullupalli. Akhoto a omisasani wulle ni awoononga yaatthukumella wunchichi. Ellapo yaatikheya nave otikheyanko wahoonjerera woova wa Afilistaalle.

1 Samuele 14:15 ပူးပေါင်းရင်းမြစ်များ

1 Samuele 13:17

Awoononga a Afilisti yaakhuma omisasani wiwa ekawaneyille milloko miraru. Mulloko mmodda wayiille o Ofura, echigawo ya Shuwala.

Genesis 35:5

Yakobo ni anaaye yatimulliiwa, athu attheene a mizinda ddawaapheella yahoova wunchichi vawi yaalephela waathamakella.

2 Samuele 5:24

Vano wiiwa onyakulla wa etthoka dda miteekhonnddo sika vaavo mukhozeke kaambiiwa Apwiya ahuuhoollellani wi mwiiphe mulloko wa Afilistooyo.”

Eksodo 19:18

Mwaango muttheene wa Sinai waahuruwelliwa ni mwiisi, ekaamba yawi Apwiya yaakitthella vamwaangonimvo mwa munllo. Mwiisooyo waanawella muddullu wonanko mwiisi wa ufuni nave mwaango muttheenoolle waheengereya wunchichi.

Mateyu 24:6

Nyuwaano muneerewiiwa dda ekhoto ni epilli ya ekhoto. Muhinahoowa m'murimani mwanyu vawi tti ddoophwanella wi ddeereye koma emallihello khenaphiye.

Daniele 5:6

Vano ekhove ya mwene yaatthattuwa nave ahaapheella muru. M'makumanello mwa makhuva a eyuunwaaye mwaakurukunyuwa nave makutthaaye yaheengereya.

Masalimo 14:5

Yaallathi eneerewoova wunchichi vawi Mulluku anakhalla embali ya oolungama.

Yobu 18:11

Ddawoopiha ddinnamutthukumelliha erive embali, ddinnamuthwara manyallo.

1 Samuele 13:23

Vano Afilisti yaaruma mulloko wakhoto wi wawehereke vampatani wa o Mikimashi.

Oweeruza 7:21

Arive muthu ahiimella vanipuroni vaye moowaapheella misasannddo nave akhoto a m'misasanimmo yahaamba othawa ekhuwaka.

Yoswa 2:9

aalleella wi, “Koodduwella wi Apwiya ahuuvahani ellapo ettheeneella nave attheenehi ninnoova, mirima ddahu ddinnatthukumella!

1 Samuele 7:10

Samuele avelleellaka mukutho wooshellelliha Afilisti yaaphiya vakhuviru wi ewane ni Aisraele. Koma Apwiya yaawoopopiha Afilistaayo ni mawu ookhalla wonanko ogugudeya wa murimu woovenyera oddullu, ahaasimelliha nave yaathawa vamiitthoni va Aisraele.

1 Samuele 13:18

Mulloko mmodda wakusalle ettilla yooya o Betehoroni nave mmoddooyo ettilla yooya omalireni moowehana ni va ntapo na Zeboimu muchipululuni.

1 Samuele 14:14

Athu ayo Yonatani ni musomboolle yawiiphalliiwa vawaamba valle yaakwakhwana 20, yawiiphelle vanipuroni nooyeva wonanko hafu a ekala.

1 Samuele 14:16

Alonda a Saulo a o Gibea, echigawo ya Benjamini yahoona mulloko wa adanaalle opallalleyellaka nngu ni nngu.