1 Samuele 14:1 - Mawu a Mulluku

¹ Nllapo nimodda Yonatani mwaana a Saulo, aamulleella musombwe oyo atukhulla ezipangizo ddaye ddakhoto wi, “Hanko nillapuwe niye omisasani dda akhoto a Afilisti okhopella wulle.” Koma khaawaalleelle attiitthinnya.

1 Samuele 14:1 ပူးပေါင်းရင်းမြစ်များ

Mika 7:5

Ohimuroromelleke munasaawo apaalle mukhwaawo a vamurimani. Ohaaheyeke okawana ddawiipittheya naari ni ookona omirimani wawo.

1 Samuele 25:19

Vano ahaalleella allupa muttekwaaye wi ehoolleke nave aneerewaaphwanya. Koma khaamulleelle mamune Nabala.

1 Samuele 13:22

Vano nllapo nakhotonno khaavo naari mmodda a Aisraele ayo yamuthwara Saulo ni Yonatani, akusalle nsupada apaalle nivaka. Saulo ni mwanaye sika yakusalle.

1 Samuele 13:2

Enthawi emodda olliye ahaatthoolla Aisraele 3,000. Mwa athu yaalla, 2,000 yakhalla ni Saulo o Mikimashi ni o ellapo yamiyaango o Betele nave 1,000 yaari ni Yonatani o Gibea echigawo ya Benjamini. Athu amodda attheene oohallaayo ahaahokollosella owaniwa.

Oweeruza 14:6

Vano munepa a Apwiya aamukitthella Samisoni awukhaddulla mukangooyo wonanko mmo muthu anamukhaddullelleeye musaanaapuri. Koma khaawaalleelle attiitthinnya apaalle amennya nnddo eerilleeye.

Oweeruza 6:27

Sika Gideoni ahaakusa athu khumi mwa oorumeyellaaye nave aheera moollikana ni mmo Apwiya yamulleellelliiwa. Koma vawi aanawoova wunchichi athu a munibanjani naattiitthinnya owaakattho athu a m'muzindanimmo, khaaweerille nndda otthaana koma mahiiyu.

1 Samuele 13:23

Vano Afilisti yaaruma mulloko wakhoto wi wawehereke vampatani wa o Mikimashi.

1 Samuele 14:2

Saulo akeraatthesa m'malireni a Gibea, vatthi va muteekho wa makangaza o migironi. Athu yaari ni olliye yaari 600.

Oweeruza 14:9

Samisoni aavavulla enweeyo, ayikusella m'mattani mwaye anacha eetaka. Aphiyalle wa attiitthinnya ni wa amennya ahaavaha makallapha echa. Koma khaawaalleelle wi ayivavullalle mumukangoni wookhwa.