1 Samuele 13:6 - Mawu a Mulluku

⁶ Aisraele yoonilliiwa wi aapaneya vawi yaananyingallelliwa wunchichi, yaaya yiipittha m'makhunguni, m'mallitini, m'mallukuni, m'mitthipiddani ni mwiihimeni.

1 Samuele 13:6 ပူးပေါင်းရင်းမြစ်များ

Oweeruza 6:2

Amidiyani yaari amasiva ni awoopiha waakhwaranya Aisraele. Vano Aisraele yaaniipittha m'makhunguni ni m'mallitini a m'miyaangoni ni omaka mipanda ddoollipa.

Aheberi 11:38

Athu yaalla yaari aphaama nave kheyaaphwanenlle okhalla ellapo yavattheella, yaamoona weeteeta muchipululuni ni m'miyaangoni yiipitthaka m'makhunguni ni m'mallitini.

Afilipi 1:23

Kinnasimwella yaweera. Kinnapaalla wunchichi okhwa wi kakhalle ni Khrisitu oyo ari ello yaphaama wunchichi.

Yesaya 42:22

Koma vano athu yaalla ahiiyeriwa ni waakhiwa ddeko ddiwa. Attheenaayo aamorella munllitini aavitthiwa mundende. Ahaakhiwa oohikhallavo mmodda owaavullusa, ahiiyeriwa oohikhallavo mmodda oollota wi, “Hokollosani!”

2 Samuele 24:14

Davide aallota wa Gadi wi, “Mi kinimakhupanya wunchichi, ahiyeni Apwiya ekillake weekhiiwa vawi echifundwiiwa tti yuullupalli koma ohiri killakiwe ni athu.”

1 Samuele 24:3

Yaaphiya omakhollani a enkhosa museresere mwa musewu mvo vaari nikhungu. Saulo aavollowa onikhunguninko wi iimellelle. Davide ni athwaaye yaari yiipitthalle muwariwari mwa nikhungunno.

1 Samuele 23:19

Vano athu a o etawoni ya Zifi yaaya wa Saulo o Gibea, yamulleella wi, “Davide aniipittha embali yoowanihu m'makhunguni a Horeshi vamwaangoni wa Hakila olle ori omwera wa Yeshimoni.

1 Samuele 14:11

Sika athu eellaalla yahiimella vaweella wi akhoto Aafilistaalle ewoone. Vano Afilisti yaallota wi, “Aheberi ahaamba okhuma m'mallitini yiipitthalliiwa.”

Oweeruza 20:41

Vano Aisraele yaahokollowa nave Abenjamini yahaamba woova nave yaatathilla murima vawi yahoona wi ddawoopiha ddahanlle vang'ono oweereyella

Oweeruza 10:9

Nave Aamoni yaallapuwa muhinje wa Yordani yawana ekhoto ni a nlloko na Yuda, na Benjamini ni na Efuremu, sika Aisraele yaahoowa wunchichi.

Yoswa 8:20

Athu a o Ai erukunuwalle oweha mutulli yahoona mwiisi oyaaka muddullu. Khayaarina woothawella kaambiiwa Aisraele alle yathawella ohakani yaahokollowa enawiipha athu a o Ai.

1 Samuele 7:7

Afilisti yiiwalle wi Aisraele aatthukumana o Mizipa, mamwene a Afilisti yaaya wi yawanena ekhoto. Aisraele yiiwalle ddenndda yahoova.

1 Samuele 13:15

Samuele aavenyawo o Giligala aya o Gibea, echigawo ya Benjamini. Athu ayo yahanlle yamuthwara Saulo okhotoni. Aweerengille aphwannye wi eri 600.

1 Samuele 14:22

Emoddamoddave yeeyo Aisraele ayo yiipitthalle mu ellapo yamiyaango ya Efuremu, yiiwalle wi Afilisti enimathawa, naalliwanittho yahaamba owiikariha Afilistaayo.

Yeremiya 41:9

Ehime eyo Ishmaele aatathillelleeyemo athu awiiphalleeyaalle yaari ehime yuullupalli akante mwene Asa oopopihiwe ni Baasha mwene a o Israele. Ishmaele mwaana a Netaniya aayiddalliha ni mitembo.

Ezekiele 33:27

Waalleelle wi mi Apwiya Mulluku kinallota wi, kinimallupella vamiitthoni vaka wi athu ayo yahanlle m'matepeni a mizinda eneerewiiphiwa ni nsupada. Ayo yahanlle m'mizi kineerewaavelleella o enama ddamuhakani wi ddaattakhune. Ayo yiipitthalle m'mwaangoni ni m'makhunguni eneerokhwa ni millilli.

1 Samuele 31:7

Aisraele ayo yaari ekhopella emodda ya ntapo na Yezireele owaaka amodda yaari ekhopella emodda ya Yordani, yoonilliiwa wi Aisraele aathawa nave Saulo ni anaaye aakhwa, yaahiya mizinda ddiwa ethawa. Vano Afilisti yaaphiya enakhallamo.