1 Samuele 13:5 - Mawu a Mulluku

⁵ Vano Afilisti yaatthukumana wi ewaneke ni Aisraele. Yahaatthukumaniha magareta akhoto 30,000, oowella va akavalo 6,000 ni akhoto awaata wonanko mihava dda mukhwipi mwa enyanja. Yaaya yamakaka misasa ddiwa o Mikimashi, wookhuma nndduwa wa Betaveni.

1 Samuele 13:5 ပူးပေါင်းရင်းမြစ်များ

1 Samuele 14:23

Nave ekhotweeyo yaawaniwa ophiyera yaakhwaranya muzinda wa Betaveni. Mmu sika Apwiya yaavulluselliiwa Aisraele nllapo nenno.

Yoswa 11:4

Mamwenaayo yaawa ni akhotwiiwa attheene nave waata wiwa wa akhotwaayo waari wonanko mihava dda mukhwipi mwa enyanja. Yaakhalla ni akavalo ni magareta manchichi.

Yoswa 18:12

Maliriiwa a ompoto yaambeelle o muhinje wa Yordani, ewella mutunda wa Yeriko ompoto ewella mu ellapo yamiyaango woovollowa nndduwa yakhumellella o echipululu ya Betaveni.

Hoseya 10:5

Athu a o Samariya eneerewoova nifano na musaanaang'ombe a o Betehaveni noonongiwa. Athwiiwa eneeroninllella navettho allupa mukuthwiiwa eneeromwinllella mullukwiiwooyo vawi ntitimiho naye noomuvenyeravo.

Hoseya 5:8

Ipani mapallapata akhoto o Gibea ni o Rama, achenjezeni athu a o Betaveni. Nyu athu a o Benjamini, hoollani!

Hoseya 4:15

Naari Aisraele ehiroromelleyaka, athu a o Yuda ehiphwanyeye ni mullatu. Ehiye woollapella o Giligala apaalle o Betaveni. Ehillupellettho vamiitthoni va Apwiya.

Yeremiya 15:8

Kawoonjerera anaamukhwelle okhwaranya mihava ddoonyanja. Amoowe kaawoonongella aniiwa eri asombwe, moorurumusa kahaamorihella otulli ni otathilla murima.

Yesaya 48:19

Anaawo yeerewaata wonanko mihava, edduullu ddawo wonanko nthupi. Nnddina niwa khanaavenyihiwe vamiitthoni vaka, khanaamwaramwasiwe.”

2 Epilli 1:9

Nyu Apwiya Mulluku, akhullellani wi mwalonjezilleenyu wa attiitthaaka Davide ekwakhwanihiwe vawi mookikhalliha mwene owaalamulella athu awaata wonanko nthupi na va ellapo yavatthi.

Oweeruza 7:12

Amidiyani ni Aamaleke ni athu oovenyera wookhuma nndduwa yaaddalla mutapo mutthemwene wonanko nazombe ekaamba ya waata wiwa. Nave ekamira* ddiwa ddaari ddawaata wonanko mihava dda mukhwipi mwa enyanja.

Yoswa 7:2

Egonjihalle muzinda wa Yeriko, Yoswa ahaaruma athu amodda wi yazonde muzinda wa Ai. Muzinda yooyo waari wookhuma nndduwa wa muzinda wa Betele vakhuviru ni Betaveni. Aarumalle wi yazonde muzindooyo, athwaalle yaheera ddiiddo o muzinda wa Ai.

Genesis 22:17

kineerewuudalisa wunchichi ni wuuvaha edduullu ddinchichi wonanko etheneeri dda oddullu navettho wonanko mihava dda mukhwipi mwa enyanja. Edduullu ddawo ddineerewaagonjiha adaniiwa attheene.

Aroma 9:27

Nave Yesaya aanakhuwa dda Israele wi, “Naari athu a o Israele tti anchichi wonanko mihava dda onyanja nave oohalla ooyevave sika enaavullusiwe,

1 Samuele 7:13

Sika Afilisti yaagonjihiwa nave kheyaawiille evollowattho mu ellapo ya Aisraele. Apwiya sika yallipana ni Afilisti enthawi ettheene Samuele aariiye mukumi.

1 Samuele 13:2

Enthawi emodda olliye ahaatthoolla Aisraele 3,000. Mwa athu yaalla, 2,000 yakhalla ni Saulo o Mikimashi ni o ellapo yamiyaango o Betele nave 1,000 yaari ni Yonatani o Gibea echigawo ya Benjamini. Athu amodda attheene oohallaayo ahaahokollosella owaniwa.

1 Samuele 13:11

Samuele aamukoha wi, “Ella weerilleewe tti tini?” Olliye ahaakhulla wi, “Koonilleemi wi athu enimapallalleya okihiya nave vawi khamwaaphiyalle enthawi mwallotilleenyu wi muneerophiya navettho wi Afilisti aatthukumana o Mikimashi,

1 Samuele 17:1

Afilisti yaatthukumaniha milloko ddiwa dda akhoto o Soko ellapo ya Yuda. Yaamaka misasa ddiwa variyari va Soko ni Azeka o Efesi Damimu.

2 Samuele 17:11

“Mi malangizo kiriimina tti awi, Aisraele attheene etthukumane wa nyuwaano wuno, waambeella o Dani ophiya o Beeresheba, ekhalle awaata wonanko mihava dda mu enyanja. Nave nyuwaano nyookhaanyu mwaakuse muyeena okhotoni.

1 Mamwene 20:27

Athu a o Israele yaatthukumana nave yahaakhella ddoopaalleya, eya woowana ni Asiriya. Sika yaatthipella misasa ddiwa ddakhoto moowehana ni Asiriya nave ddooneya wonanko milloko miilli dding'onong'ono ddapuri, mvo Asiriya yaddanlliiwa echigawo ettheeneeyo.

Yesaya 10:28

Adani aaphiya o Aiyati, aakhwaranya o Migironi nave katundwiiwa emusungalle o Mikimashi.

1 Samuele 14:52

Okumaaye muttheene wa Saulo akhallella owanave ekhoto ni Afilisti. Vano amoona muthu amasiva apaalle oollipa murima aanamukusa wi akhalle mu mulloko wa akhotwaaye.