1 Samuele 13:14 - Mawu a Mulluku

¹⁴ Koma vano omwenaanyu khollekella. Apwiya aaddaashella weekhiiwa muthu a vamurimani viwa wi akhalle mwene owaahoollella athwiiwa ekaamba yawi khamwaathwanre nnddo Apwiya yuulamulalleniiwa.”

1 Samuele 13:14 ပူးပေါင်းရင်းမြစ်များ

Mitteko 13:22

Mulluku amuvenyihalleeye omwene Saulo, ahaavaha Davide wi akhalle mweniiwa. Nndda sika allotille Mulluku dda olliyooyo wi, ‘Koomuphwanya Davide mwaana a Yese, muthu a vamurimani vaka, muthu oyo anaaweere nnddo kinaapaalleemi.’

1 Samuele 15:28

Samuele aamulleella wi, “Apwiya ahaahulla omwene wa Aisraele ovenyera wa nyuwaano ollello ewuuvelleella wa mukhwiinyu aphaama wuukhwaranyani nyuwaano.

Masalimo 78:70

Mulluku aamutthoolla Davide oorumeyellaaye, amukusalle omakhollani a enkhosa.

1 Samuele 16:1

Apwiya yaallota wa Samuele wi, “Ethiyo onaakhalle omwinllellaka Saulo ophiyera niini vawi koomukhoota wi ahikhalle mwene owaalamulella Aisraele? Oddallihe makhura mu yookusellaaweeyo. Oye wa Yese o Betelehemu vawi kohiiphwanyella mwene variyari va anaaye aallopwana.”

Mitteko 7:46

Mulluku aamukonda Davide nave olliyooyo aamukoha Mullukooyo wi amwaakhullelle wi am'makelle enyumba Mulluku a Yakobo.

1 Samuele 16:12

Vano yaamuruma muthu amukusa, awaana. Aari oofiira ni mooneyellwaaye yaari ooreera mookusa murima. Apwiya yaallota wi, “Timulla wamuzoze.”

2 Mamwene 20:5

“Hokollowa, wamulleelle Hezekiya, mwene a athwaaka wi, ‘Mi Apwiya Mulluku a nikhollo nawo Davide kohiiwa ovekella wawo nave kooddoona miitthori ddawo. Vano kineerewuuchiriha. Oneerowora ollapella o enyumba ya Apwiya omuroto vano.

2 Samuele 5:2

Ovenyera khalle naari Saulo aariiye mwenaahu nyuwaano mwaanaahoollella Aisraele okhotoni. Nave Apwiya yaallota ni nyuwaano wi, ‘Oneerokhalla wonanko mbusa a athwaaka Aisraele nave oneerokhalla mwene a Aisraele.’ ”

1 Samuele 9:16

“Osiisello enthawi wonanko yeella kinneerewuurumihella muthu ovenyera o nlloko na Benjamini, omuzoze ni makhura a olivi vamuru vaye wooniha wi anaakhalle mwene aathwaaka, Aisraele. Aneerewaavullusa athu wa Afilisti. Kohoona ollakiwa wiwa nave kohiiwa winlla wiwa.”

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.

Aheberi 2:10

Ddeko ddittheddene ddaphatusiwe ni Mulluku nave ekaamba ya olliyooyo. Vano waari waphaama wi Mulluku omweeriha Yesu wi akhalle aphaama oweella mu ddoohoosa wi Yesooyo aakuselle anamwani anchichi o ntitimiho naye nave wi akhalle oohoollella a yoovullusa.

1 Samuele 15:23

Owukila tti ochimwa wonanko woombesa makhanga. Wiitukhulla tti ochimwa wonanko ollapella milluku ddooromolliwa terafimu. Vawi wookhoota weera nnddo Apwiya yuulleelliiwa, aaganizattho wi weyaano ohikhalle mwene.”

1 Samuele 15:26

Koma Samuele aamwaakhulla Saulo wi, “Khanithaanana vawi mwaakhoota wiiwellella mawu a Apwiya, alliwattho ahuukhootani wi muhikhalle mwene owaalamulella Aisraele.”

1 Samuele 24:20

Vano ollello koodduwella wi oneerokhalla mwene nave omwene wa Aisraele oneerekokeraattheya m'mattani mwawo.

1 Samuele 25:30

Nyu apwiyaaka, Apwiya eneeroweerellani ddaphaama ddittheddene nnddo yuulonjezilliiwani nave eweerani wi mukhalle mwene a Aisraele.

2 Samuele 6:21

Davide aamwaakhulla Mikala wi, “Koheera ddenndda mowaatitimiha Apwiya ayo yakitthoollille miyaano waakhwaranya attiittho ni nibanja niwa nittheene. Nave aakeera wi kikhalle mwene a Aisraele, athu a Apwiya. Sika kineerekohakallalla ni waariiha Apwiya.

1 Epilli 10:13

Sika Saulo aakhwa ekaamba ya ohiroromelleya waye, khaawiiwellella Apwiya, mwawi khaasunga malamulo a Apwiya navettho aveka ezeru wa athu ayo yallota ni minepa dda athu ookhwa

Yesaya 39:5

Vaavo Yesaya aamulleella Hezekiya wi, “Apwiya Amasiva Mattheene enallota wi,

Miyambo 27:24

Eyuuma khenallekella omalla nave mibado kheddinallekellattho omalla.