1 Samuele 12:25 - Mawu a Mulluku

²⁵ Koma mwaavirellellaka weera ddoonanara mudduwelle wi nyuwaano ni mwenaanyu muneerewoonongeya.”

1 Samuele 12:25 ပူးပေါင်းရင်းမြစ်များ

Yoswa 24:20

Mwaahiya Apwiya Mullukwaanyu munarumeyella milluku ddeelleto, eneerewuurukunuwellani ni oweerellani yoonanara nave eneerewuutthollosani naari khalle yaweerelleni ddaphaama.”

Hoseya 10:3

Vano eneerollota wi, “Khaninna mwene ekaamba yawi khanaawooville Apwiya. Komave mwenooyo anaaneerelle tini?”

Yesaya 3:11

Koma otulli wa athu oonanara! Ddeko ddineerewaakatamiha vawi nnddo ekhanlliiwa eweerellaka akhwiiwa ddineerewaahokollweella.

Deuteronomo 28:36

“Apwiya eneeromwiikarihella o ellapo yeelleto mwenaanyu ni nyuwaano attheene nko muhinakhallekeenyuwo ovenyera khalle, nyuwaano ni makhollwaanyu. Wenko muneerekorumeyella milluku ddimodda, ddamiteekho ni ddamalluku.

1 Samuele 13:1

Saulo avollowille omwene ari ni miyakha 30 nave aalamulelle Aisraele miyakha 42.

Yesaya 1:20

Koma mwakhoota nave mwawukila, muneerewiiphiwa ni nsupada. Mi Apwiya koollota.”

Deuteronomo 8:19

Muhaatiwalleke Apwiya Mullukwaanyu ni orukunuwella wa milluku ddimodda wi muddillapelleke vawi kinuuchenjezani moollupella ollello wi mweera ddiiddo muneerotthollowa.

Yoswa 23:16

Mwayitathilla echipangano eyo Apwiya yuulamulalliiwani, mwaayaaka nave mwaarumeyellaka milluku ddimodda ni oddikokhorella, osha murima wa Apwiya oneerewuumorellani nave muneerotthollowa mu ellapo yaphaama yuuvahilliiwaneella.”

Yobu 36:12

Koma yaahiiwellella, enaatthollowe ni nsupada nave enaakhwe ehidduwellaka ello.