1 Samuele 12:23 - Mawu a Mulluku

²³ Komattho miyaano nginapaalla waachimwella Apwiya voohiyani wuuvekellani nyuwaano, kineerewuuhuddihani nnddo ddiri ddaphaama ni ddawoona wi muddeereke.

1 Samuele 12:23 ပူးပေါင်းရင်းမြစ်များ

Akolose 1:9

Ekaamba ya yeella ninnuuvekellani enthawi ddittheddene, waambeella niiwalleehu dda nyuwaano. Ninamuveka Mulluku wi aweeriheni wi muddalle ni odduwella wa opaalla waye, oweella mwa ezeru ddittheddene ni wiiwesesa ottheene nnddo Munepa anavaheeye.

Aroma 1:9

Mulluku, oyo kinamurumeyelleemi ni murimaaka muttheene voollalleyani othenga waphaama wa Mwanaye, sika mbonaaka wi kinnawuupuwellani erive enthawi kaavekellaka.

2 Timoteo 1:3

Kinnamuthokoza Mulluku oyo kinamurumeyelleemi ni yawuupusella murima yaweella wonanko mmo yeerella makhollwaaka. Kinnamuthokoza kaawuupuwellaka weyaano enthawi ddittheddene m'mavekelloni mwaka otthaana ni mahiiyu.

1 Atesalonika 3:10

Ninnamuveka otthaana ni mahiiyu ni murimaahu muttheene wi niwooneni nyuwaano vamiitthoni wi noonjerere ddooyelleella mu echikhulupilwaanyu.

1 Mamwene 8:36

vano mwiiweke oddullunko ni okhululukella machimo a oorumeyellaanyu, Aisraele attheene. Nyuwaano mwaahuddiheke makhallello aphaama awi yeereke nave mumurupihe murimu mu ellapo eyo mwaavahilleenyu wi ekhalle yoohallaniiwa.

Mitteko 12:5

Petro ahiyiwe mundende mpingoolle waanamuvekella wa Mulluku moohihiya.

Masalimo 34:11

Waawoni anaaka, kiiwellelleni, kineerewuuhuddihani owoova Apwiya.

Yeremiya 6:16

Apwiya yaallota ni athwiiwa wi, “Imellani va makhullukano nave wehani. Mukohe nko ori ettilla ddakhalle nave nko ori ettilla yaphaama. Vano muhitathille ettilla yaphaameeyo wi mukhalle ni murendelle.” Koma mwaallota wi, “Khaniwa nithwara!”

2 Epilli 6:27

vano mwiiweke oddullunko ni okhululukella machimo a oorumeyellaanyu, Aisraele attheene. Nyuwaano mwaahuddiheke makhallello aphaama awi yeereke nave mumurupihe murimu mu ellapo eyo mwaavahilleenyu wi ekhalle yoohallaniiwa.

Akolose 1:28

Sika ninnallalleya dda Khrisitu wa arive muthu. Ninnachenjeza ni ohuddiha ni ezeru ddittheddene wi niweena arive muthu vamiitthoni va Mulluku ari oowaraalla mu eyaattano ni Khrisitu.

Mitteko 20:20

Munnadduwella wi ngaawiipitthihalle ello yawi yaawerowukaviherani kallalleyeemi ni ohuddiha vamiitthoni va athu ni m'mampa mwanyu.

Oollalleya 12:10

Oollalleyooyo aanaashaasha mawu oophara murima nave ahaalemba mawu awoona ni oolungama.

Miyambo 4:11

Kohuuhuddiha ettilla ya ezeru, kohuuhoollella mu meetello oolungama.

1 Akorinto 9:16

Koma kaallalleyaka khe ello yookiphwanelliha okota. Vawi miyaano koolamuliwa weera ddenndda. Otulli onaakhalle wa miyaano kaahillalleya othenga waphaama yoolla!

Eksodo 32:30

Osaka wene Mose ahaalleella athu wi, “Nyu mwaachimwa wunchichi. Koma vano kineerooya wa Apwiya omwaangoni nave kuuvekellellani apaalle eneerewuukhululukellani machimwaanyu.”

1 Samuele 12:19

Nave athu attheene yaawa wa Samuele ellota wi, “Pepaani, munivekelle hiyaano oorumeyellaanyu wa Apwiya Mullukwaanyu wi nihikhwe. Noodduwella wi nookhalla nichimwaka mutullimmu nave nohaanjereravo nichimo nimodda voovekani wi nikhalle ni mwene.”

Yeremiya 15:1

Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.

Yeremiya 27:18

Alliwa yaarimi eri anamallotellanamallotella nave yaarimi eri ni mawu a Apwiya, evekellettho wa Apwiya Amasiva Mattheene wi embale nnddo ddahanlle mu enyumba ya Apwiya navettho mu enyumba yoomwene o Yerusalemu ddihaakhiwe oya o Babiloni.

Yeremiya 42:4

Sika namallotella Yeremiya ahaalleella wi, “Kohiiwa nnddo mullotilleenyu, kineerovekella wa Apwiya Mullukwaanyu wonanko munapaallelleenyu. Nave ddittheddene Apwiya enaallotiiwa kineerewuulleellani, nguukhuwellani erive ello.”

1 Samuele 8:6

Mawu yaalla awi, “Nivaheni mwene ni oohoollellaahu” kheyaamuhakallallihalle Samuele. Ella sika ekaambiiwa avekenlleeye wa Apwiya.

Masalimo 34:12

Ttaani mwa nyuwaano anapaalla okumi, anaashaasha okhalla mallapo manchichi wi ahakallalle ni ddeko ddaphaama?

Masalimo 122:6

Vekellani murendelle wa Yerusalemu voollotani wi, “We Yerusalemu, athu ayo enuukonda ddeko ddiweetelleke phaama.

Yesaya 30:21

Mwaahapuwellaka onnattanatta apaalle onyotthoni, muneerewiiwa otulli wanyu mawu owuutthoonyihellani ettilla awi, “Ettilla tti yeella, muthwareke yeella.”