1 Samuele 12:20 - Mawu a Mulluku

²⁰ Samuele ahaalleella wi, “Muhoove, ochimwa moochimwa koma muhinahiya waathwara Apwiya. Mwaarumeyelleke ni murimaanyu muttheene.

1 Samuele 12:20 ပူးပေါင်းရင်းမြစ်များ

Deuteronomo 11:16

Muchenjere nave muhikuseye murima ni orukunuwella wa milluku ddimodda wi muddillapelleke ni oddirumeyella

1 Petro 3:16

Nave mweere yeella mwawiithaallella ni moolemu. Khallani ni yawuupusella murima yaphaama wi mwaallotelliwaka epewe, ayo enallota ddoonanara dda makhallellwaanyu aphaama oomuttakihera Khrisitu, ewulliwe muru ekaamba ya ddoollota ddiwannddo.

Yeremiya 3:1

Apwiya enallota wi, “Muthu amwallana ni mwaariye nave mutthiyanooyo avenyavo atthelliwa ni mullopwana mmodda, ethiyo mullopwana awaambooyo ttuumuhokollweella? Ethiyo eera ddenndda, ellapo kheripihiwa wunchichi? Koma we Israele, woheera ddoohule ni ookondiwa anchichi. Ethiyo ttuuhokollweella wa miyaano?

Masalimo 125:5

Koma athu ayo enathwara ettilla ddiwa ddookhoromana, Apwiya eneerowiikarihella nko ori athu oochimwa. Murendelle okhalle ni Israele.

Masalimo 101:3

miitthwaaka khekhalla va ddeko ddoohikhalla ni mutteko. Kinniitanana ddaweera dda athu awuuhiyani, kheddinakiddivella naari vang'ono.

Masalimo 40:4

Oodala tti muthu oyo anaaroromella Apwiya, muthu oyo ahinahapuwella o mafano, othwara milluku ddawoottha.

Yoswa 23:6

Sika mullipe murima wunchichi, osunga ni weera ddittheddene ddilembiwe mu nibukhu na malamulo a Mose, oohihapuwella onnattanatta apaalle nnatta noonyottho.

Deuteronomo 31:29

Kinnadduwella wi miyaano kakhwa, attheenenyu muneeronanara murima nave muneerohiya ettilla kinuulamuleemininndda. Koma vatulli viwa, muneerokumana ni ddoohoosa ddawoopiha ddinchichi ekaamba yaweera ddoonanara vamiitthoni va Apwiya ni ottatthamulla owalliiwa ni mafano munaapangeenyu.”

Eksodo 23:25

Mwaallapelleke Apwiya Mullukwaanyu wi kuudaliseni vawuuvahani yoocha ni maaddi nave kineerewuuchirihani ereta ddittheddene.

Eksodo 32:30

Osaka wene Mose ahaalleella athu wi, “Nyu mwaachimwa wunchichi. Koma vano kineerooya wa Apwiya omwaangoni nave kuuvekellellani apaalle eneerewuukhululukellani machimwaanyu.”

1 Samuele 12:19

Nave athu attheene yaawa wa Samuele ellota wi, “Pepaani, munivekelle hiyaano oorumeyellaanyu wa Apwiya Mullukwaanyu wi nihikhwe. Noodduwella wi nookhalla nichimwaka mutullimmu nave nohaanjereravo nichimo nimodda voovekani wi nikhalle ni mwene.”

Deuteronomo 10:12

“Vano nyu Aisraele, ngiiwani nnddo Apwiya Mullukwaanyu enuulleelliiwani wi muwooveke ni weeta ettilla ddiwa ddittheddene, mwaakondeke nave mwaarumeyelleke ni murimaanyu muttheene ni okumaanyu muttheene.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

Hagai 2:5

Nndda sika kuulonjezilleemini mukhumaka mu Iguputo. Munepaaka orive ni nyuwaano sika muhoove.