1 Samuele 12:19 - Mawu a Mulluku

¹⁹ Nave athu attheene yaawa wa Samuele ellota wi, “Pepaani, munivekelle hiyaano oorumeyellaanyu wa Apwiya Mullukwaanyu wi nihikhwe. Noodduwella wi nookhalla nichimwaka mutullimmu nave nohaanjereravo nichimo nimodda voovekani wi nikhalle ni mwene.”

1 Samuele 12:19 ပူးပေါင်းရင်းမြစ်များ

Eksodo 9:28

Ddoottepa! Vekella wa Apwiya wi ehiihe ogugudeya wa murimu ni marallallaalla. Kineerowaakhullellani wi muvenyewo. Khemukhallattho wuno iyaayi.”

1 Yohane 5:16

Mwamoona mwanamunninyu apaalle murokorinyu eeraka machimo oohimukusella wookhwa, mumuvekelle wa Mulluku, sika wi amuvahe okumi. Alla tti yaayove machimwiiwa ehinaakusella wookhwa. Koma vookhalla machimo ookusella wookhwa nave nginallota wi mwavekelle wa Mulluku ekaamba ya yaayo.

1 Samuele 12:23

Komattho miyaano nginapaalla waachimwella Apwiya voohiyani wuuvekellani nyuwaano, kineerewuuhuddihani nnddo ddiri ddaphaama ni ddawoona wi muddeereke.

Eksodo 10:17

Koma vano pepaani, mukikhululukelle va enthawi yeellave nave muvekelle wa Apwiya Mullukwaanyu wi ekivenyihelle ollaka wawoopihanngu.”

Yakobo 5:15

Nivekello nenna naweeriwa mu echikhulupililo nineeromuchiriha oovoriiwooyo. Apwiya eneeromuvenyiha nave aari achimwalle, aneerokhululukelliwa.

Mitteko 8:24

Simoni aallota wa Petro ni Yohane wi, “Kivekellelleni wa Apwiya wi ehikhallevo ello emodda ya ddeko ddenndda mullotilleenyunndda enaakeereyelle.”

Malaki 1:9

Vano nyu allupa mukutho, muvekeni Mulluku wi aneerelle echifundo. Ethiyo ni emphaso ddiri m'mattani mwanyunndda, olliye ttuuweerellani echifundo? Mi Apwiya Amasiva Mattheene koollota.”

Yeremiya 15:1

Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.

Yesaya 26:16

Nyu Apwiya, va enthawi ya ddoohoosa, athwaanyu yaawaashaashani. Enthawi eyo mwaallakeenyu, yaavekella wa nyuwaano.

Yobu 42:8

Sika vano kusani anankhoro a eng'ombe atthanu ni eelli ni anankhoro a enkhosa atthanu ni eelli nave muyeena wa oorumeyellaaka Yobu wi mwiivelleellelle mukutho. Nave oorumeyellaaka Yobu aneerewuuvekellani vawi kineerewaakhullella ovekella waye wi kihiweerelleni ello moollikana ni okarangeya wanyu. Vawi nyuwaano khemwaallonte ddaphaama dda miyaano wonanko eerelle oorumeyellaaka Yobu.”

1 Samuele 7:8

Vano Aisraele yaamulleella Samuele wi, “Muhinahiya onivekellella wa Apwiya Mullukwaahu wi anivulluse wa Afilistaalla.”

1 Samuele 7:5

Vano Samuele aallota wi, “Atthukumaniheni Aisraele attheene a o Mizipa nave miyaano kineerewuuvekellani wa Apwiya.”

Genesis 20:7

Koma vano, omuvelleelle mutthiyanoolla wa mamune. Mullopwanooyo tti namallotella nave aneerewuuvekellella wi ohikhwe. Koma waahimuvelleella, ddawoona, kinimuuchenjezeraatu wi onimakhwa weyaano ni nibanja nawo nittheene.”

Numeri 21:7

Vano athu yaawa wa Mose emulleella wi, “Pepaani naachimwa voowiinyullullani Apwiya ni nyuwaano. Muvekelle wa Apwiya wi enivenyihellevo enowanndda.” Sika Mose ahaavekellella athwaayo.

1 Samuele 12:13

“Vano olla sika mwene mwamutthoonlleenyu, oyo mwamvekilleenyu nave Apwiya yuuvahilleewani.

1 Samuele 12:17

Ethiyo ella khehiyo ellimwe, enthawi yoomuhata tirigu? Koma kinapaalla kaaveke Apwiya wi emurupihe murimu oowa ni ogugudeya. Moona ddenndda mudduwelle wi ochimwa wanyu tti wuullupalli, voovekani wi mukhalle ni mwene.”

1 Samuele 12:20

Samuele ahaalleella wi, “Muhoove, ochimwa moochimwa koma muhinahiya waathwara Apwiya. Mwaarumeyelleke ni murimaanyu muttheene.

Yobu 37:13

Annavumiha murimu wi ahellelle ellapo wi anillake hiyaano apaalle wi anoonihelle echikondaaye.

Yeremiya 27:18

Alliwa yaarimi eri anamallotellanamallotella nave yaarimi eri ni mawu a Apwiya, evekellettho wa Apwiya Amasiva Mattheene wi embale nnddo ddahanlle mu enyumba ya Apwiya navettho mu enyumba yoomwene o Yerusalemu ddihaakhiwe oya o Babiloni.

Yeremiya 42:2

“Apellani maaru o oveka wahu. Pepaani, munivekelle ooyevahi wa Apwiya Mullukwaanyu. Nihanlle athu ooyevave mwa athu anchichi monga munanoonelleenyummu.

Eksodo 32:30

Osaka wene Mose ahaalleella athu wi, “Nyu mwaachimwa wunchichi. Koma vano kineerooya wa Apwiya omwaangoni nave kuuvekellellani apaalle eneerewuukhululukellani machimwaanyu.”

1 Samuele 8:6

Mawu yaalla awi, “Nivaheni mwene ni oohoollellaahu” kheyaamuhakallallihalle Samuele. Ella sika ekaambiiwa avekenlleeye wa Apwiya.

Yeremiya 37:3

Vano mwene Zedekiya aamuruma Yehukala mwaana a Shelemiya ni mullupa mukutho Zefaniya mwaana a Maaseiya wa namallotella wi amulleelle wi, “Munivekelle wa Apwiya Mullukwaahu.”