1 Samuele 12:15 - Mawu a Mulluku

¹⁵ Koma mwaahiiwellellaka mawu a Apwiya, munawukila malamulwiiwa, mudduwelle wi eneerewuullakani nyuwaano ni mwenaanywiine.

1 Samuele 12:15 ပူးပေါင်းရင်းမြစ်များ

Yoswa 24:20

Mwaahiya Apwiya Mullukwaanyu munarumeyella milluku ddeelleto, eneerewuurukunuwellani ni oweerellani yoonanara nave eneerewuutthollosani naari khalle yaweerelleni ddaphaama.”

Yesaya 1:20

Koma mwakhoota nave mwawukila, muneerewiiphiwa ni nsupada. Mi Apwiya koollota.”

Yesaya 3:11

Koma otulli wa athu oonanara! Ddeko ddineerewaakatamiha vawi nnddo ekhanlliiwa eweerellaka akhwiiwa ddineerewaahokollweella.

1 Samuele 12:9

Koma makhollwaanywaayo yahaatiwalla Apwiya Mullukwiiwa. Nave Apwiya yaamuvaha ekari Sisera, oohoollella a akhoto a muzinda wa Hazori wi awiiphe. Yahaavahattho ekari Afilisti ni mwene a o Mowabu wi ewiiphe. Adani attheenaayo yaawana ekhoto ni makhollwaanyu.

1 Samuele 5:9

Koma ephiyallena o Gati, Apwiya yahaallaka, yahaahoosa mwawoopiha athu a m'muzindanimmo, anamwani ni attekweeneene vawi athu attheenaayo etthuku ddahaakhuma mwiilli muttheene.

Maliro 1:18

Vaavo Apwiya aheera phaama, ekaamba yawi miyaano kaawukila malamulwiiwa. Ngiiwani, nyu athu a mitundu ddittheddene, ngoonani ohoowa waka. Anamwallaaka ni asombwaaka aapharelliwa wuukaporoni.

Deuteronomo 31:27

Vawi kinnadduwella phaama dda owukila ni wumma murima wanyu. Mwaambille khalle waawukila Apwiya, munaawukille okavi miyaano kakhwa!

Oweeruza 2:15

Yaya okhotoni, Apwiya yaanaawukila alliwaayo moollikana ni mmo yallotelliiwa ni mmo yallupellelliiwa. Sika Aisraelaayo yaahoowa wunchichi.

2 Epilli 15:2

nave aakumana ni Asa allota wi, “We Asa, kaapelle maaru, nyu Ayuda ni Abenjamini attheene, Apwiya eri ni nyuwaano enthawi ddittheddene mwaawaaroromellaka. Mwaawaashaashaka muneerewaaphwanya koma mwaahiya eneerewuuhiyani.”