1 Samuele 12:12 - Mawu a Mulluku

¹² Vano moonilleenyu wi Nahashi, mwene Aamoni aawa wi awane ni nyuwaano nave mwaakilleella wi ‘Iyaayi koma mwene sika anaanilamulelle.’ Koma ovenyera khalle amwenaanyu yaari Apwiya Mullukwaanyu.

1 Samuele 12:12 ပူးပေါင်းရင်းမြစ်များ

Oweeruza 8:23

Koma Gideoni aawaakhulla wi, “Mi nguulamulellani, mwanakattho khuulamulellani. Apwiya sika enuulamulelleni.”

1 Samuele 10:19

Koma ollello, nyuwaano moomukhoota Mullukwaanyu oyo uuvullusalleni mu ddoohoosa ni ddookatamiha ddanyu. Munallota wi, ‘Iyaayi! Koma muninnye mwene oonilamulella.’ Vano mutthukumane vamiitthoni va Apwiya moollikana ni mallokwaanyu ni mabanjaanyu.”

Hoseya 13:10

Nyu mwallota wi, ‘Nivaheni mwene ni oohoollellaahu.’ Ethiyo mwene awi uuvullusenooyo ari wuuwi? Ethiyo oohoollellaanyu awi yuutetezenaayo eri wuuwi?

Yesaya 33:22

Vawi Apwiya sika ooneeruzaahu, Apwiya sika oonilamulellaahu, Apwiya sika mwenaahu nave alliwa sika enaanivulluse.

Masalimo 74:12

Koma nyu Mulluku tti mwenaaka ni Mullukwaaka waambeella khallekhalle. Munnaphara mutteko woovullusa va ellapo yavatthi.

1 Samuele 8:3

Koma anamwanaalla kheyaarina makhallello aphaama wonanko a attiitthiiwa. Yaanahapuwella o ddoonanara, enathwara opindula. Yaanaakhella ddamukaphwani, yaaneeruza millatu mookhoromaniha.

Oweeruza 9:18

Koma ollello moowukila nibanja na attiitthaaka, muwiipha anaaye 70 vanllukuni nimodda. Nave moomuvollochiha omwene Abimeleki, mwaana a mwaariwa mung'onong'ono wi aalamulelleke aneetthi a o Shekemu ekaamba yawi tti mbalaanyu a vanikutthani.

Numeri 23:21

Kheyiivo yoonanara yooneyille mwa Yakobo, apaalle yookatamiha ephwanyeyille mwa Israele. Apwiya Mullukwiiwa ari ni alliwa, erina okhuwa wi olliye tti mweniiwa.

Genesis 17:7

Nave kineerokeraatthiha echipangano variyari va miyaano ni weyaano ni edduullu ddawo muhoollommo nave echipanganweella enaakhalle yoohimalla. Sika miyaano kinaakhalle Mullukwaawo ni Mulluku a edduullu ddawo.

Yeremiya 40:11

Ayuda a o Mowabu, a o Amoni ni a o Edomu ni a o ellapo ddimodda, alliwattho yahiiwa wi mwene a o Babiloni ahaahiyawo athu amodda o Yuda nave wi ahaahiyera Gedaleya mwaana a Ahakimu, edduullu ya Shafani, akhalle awaalamulella.