1 Samuele 10:27 - Mawu a Mulluku

²⁷ Koma athu amodda oonanara murima yaallota wi, “Ethiyo muthu yoolla anaawore onivullusa mwawiidde?” Sika yahaamba omuvevulla Saulooyo vawi kheyaamwinnyattho emphaso ddaye. Koma Saulo khallota ello.

1 Samuele 10:27 ပူးပေါင်းရင်းမြစ်များ

Deuteronomo 13:13

wi athu amodda oonanara amutundwaanyu yohaahollosa athu a mapuro mamodda vawaallapelliha milluku nnddo nyuwaano muhinaddillapellekeenyu waambeella khalle.

2 Epilli 17:5

Sika Apwiya yaawukeraatthiha omwenooyo m'mattani mwaye. Athu attheene a o Yuda yakhoma musonkho wa Yehoshafati. Sika aakhalla ni eyuuma yinchichi nave aanavahiwa olemu.

1 Mamwene 10:25

Arive muthu aanawaana emphaso ddaye ddinchichi, ddeko ddoopangiwa ni siliva ni golide, ddoowara, mure,* makhura awunkhella, akavalo ni enyuru.* Nndda ddaaneereya orive muyakha.

1 Samuele 2:12

Anamwani a Eli yaari oonanara, oohaadduwella Apwiya.

Mitteko 7:35

“Mose tti olle akhootiwe ni Israele emukohaka wi, ‘Ttaani aweerille wi okhalle muullupallaahu nave aweeruzaahu?’ Tti oyottho Mulluku amurumalleeye mungelo amoneyella vamakukhuni ookhara munllo wi akhalle muullupalliiwa nave wi awoopolle.

Yesaya 36:21

Koma athu yaarimi ellapo tuu, oohaakhullavo ello ekaamba yawi mwene Hezekiya ahaalamula wi, “Muhimwaakhulle.”

Masalimo 72:10

Mamwene a o Tarishishi ni a o ezilumba eneerowaana mituka navettho mamwene o Sheba ni o Seba eneerowaana emphaso.

Masalimo 38:13

Koma miyaano kiri wonanko muthu oohiiwa, oyo ahinawora wiiwa, kiri wonanko muthu oohillota oyo ahinawora ollota.

2 Epilli 13:7

Vano athu amodda oohikhalla ni mutteko yaatthukumana wa olliye emunyaambusa Rehobowamu mwaana a Solomoni ari mung'onong'ono ni oohillipa murima wi ttuullipanana athwaalle.

1 Mamwene 4:21

Solomoni aanalamulella moomwene mattheene ovenyera o muhinje wa Yufurate ophiya o ellapo ya Afilisti, o malire a Iguputo. Moomwene mattheene yaanakhoma misonkho ni omurumeyella Solomoni mallapo mattheene a okumaaye.

2 Samuele 20:1

Vano waakhalla muthu oohitthopoowa, nnddina naye Sheba, mwaana a Bikiri a nlloko na Benjamini. Olliye nllapo nimodda ahoopa nipallapata allota wi, “Hi khaninna echigawo mu omwene wa Davide, khaniinnattho yoohallana mu omwene wa Yese! Nyu Aisraele, arive muthu ayeeke o enyumbaaye.”

2 Samuele 8:2

Davide ahaagonjihattho Amowabu. Ahaalamula wi ekonaatthi vatthi m'mizereni miraru orive mulloko. Nave orive mulloko aanawiipha athu ayo yaari m'mizereni miilli ddawaamba anaahiya athu a muzere waneeraru. Sika Amowabu attheene yaakhalla akaporo a Davide nave yahaamba okhoma musonkho wa olliye.

1 Samuele 11:12

Vano athu yaamukoha Samuele wi, “Ttaani allota wi, ‘Ethiyo Saulo ttuukhalla mwene a hiyaano?’ Wannani athwaayo wi niwiiphe.”

Mateyu 2:11

Yavollowilliiwa mpa, yaamoona mwaanooyo ari ni amennya, Mariya. Vano yaakokhora emullapella. Yaattaphulla eyuumiiwa emuvaha emphaso dda golide, lubani* ni makhura a nthuko naphaama na mure.*

1 Samuele 11:13

Koma Saulo aallota wi, “Khaavo ollellova muthu anaawiiphiwe vawi ollello Apwiya aaphara mutteko wowaavullusa Aisraele.”

1 Samuele 16:20

Yese aamukusa bulu, amumakellellavo buledi, nthumba nooddalla ni vinyo owaaka musaanaapuri. Ddittheddenennddo aamwinnya Davide mwanaye wi avelleelle wa Saulo.

1 Samuele 25:17

Vano kapaalla wi mwiiwe ddenndda nave muganizere yawi mweere. Vawi aasimikiza oweerella yoonanara apwiya ni nibanja niwa nittheene. Emoddattho tti yawi apwiyaalle tti ookatamiha vawi khaavo anaawore ollotana wi yiiwe.”

1 Mamwene 5:1

Mwene Hiramu a o Tiro ahaarumiha oomurumeyellaaye wa Solomoni iiwalleeye wi oozoziwa* omwene wa attiitthinnya vawi ahaattana ni Davide.

Oollalleya 7:21

Ohinapwathaka ddittheddene ddinallota athu wi ohimwiiwe mullupa muttekwaawo uuruwanaka