1 Samuele 10:22 - Mawu a Mulluku

²² Vano athwaayo yahaakoha Apwiya wi, “Ethiyo Sauloolla ari weewuno?” Apwiya yahaakhulla wi, “Ee iipitthalle variyari va katundu.”

1 Samuele 10:22 ပူးပေါင်းရင်းမြစ်များ

Oweeruza 20:18

Aisraele yaatimulla eya o Betele yakoha wa Mulluku wi, “Ttaani mwa hiyaano anaawaambe owana ekhoto ni Abenjamini?” Apwiya yaawaakhulla wi, “Nlloko na Yuda sika ninaawaambe.”

Numeri 27:21

Vano aneerekoya wa Eleazara oyo anaamulleelleke nnddo Apwiya enapaalliiwa mwawoombesa voopharihani mutteko Urimu ni Tumimu.* Mmu sika anaamuhoollellekeeye Yoswa ni Aisraele attheene.”

Luka 14:11

Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”

1 Samuele 15:17

Samuele aallota wi, “Naari muddoonaka wi muri oohipaalleya wunchichi vamiitthoni va athu koma muri oohoollella malloko mattheene a Aisraele. Apwiya yahuuzozani wi mukhalle mwene owaalamulella Aisraele.

1 Samuele 9:21

Saulo ahaakhulla wi, “Mi tti a nlloko na Benjamini, nlloko ning'onong'ono variyari va malloko mattheene Aisraele. Nibanja naka tti nibanja ning'onong'ono mu nlloko na Benjamini. Kaambiiwa tini munakillotelleenyu ddawi ddiidda?”

Oweeruza 20:28

Finehasi mwaana a Eleazara, mwaana a Aroni, sika awehera nibokosinno mallapo yaayo. Sika Aisraele yaakoha wi, “Ethiyo niyettho nawanena ekhoto Abenjamini, abalaahu apaalle nihiyeewo?” Apwiya yahaakhulla wi, “Khawenittho vawi osiisello muneerewaagonjiha.”

Oweeruza 20:23

Vano Aisraelaayo yaaya yinlla vamiitthoni va Apwiya ophiyera misikuwa. Yahaakoha Apwiya wi, “Ethiyo niyeewo wiilli wi nawane ni Abenjamini, abalaahu?” Apwiya yahaakhulla wi, “Ee khaweni mwawanena.”

Oweeruza 1:1

Yoswa akhwille, Aisraele yahaakoha Apwiya wi, “Tti nlloko nene niivi ninaawaambe owana ni Akanani?”

Genesis 25:22

Koma anamwani eellaayo yaambeelliiwa ollipana m'mirimani mwaye, aallota wi, “Kaambiiwa tini nndda ddinakeereyelliiwa?” Sika ahaakoha Apwiya wi emwaakhulle.

1 Samuele 10:21

Samuele atthukumanihalle nlloko na Benjamini, nibanja ni nibanja nave nibanja na Matiri naatthoolliwa. Voomallihani ahaatthukumaniha athu a mu nibanja na Matiri mmoddammodda nave Saulo mwaana a Kishi sika atthoolliwe. Yaamwaashaasha koma kheyaamuphwanyille.

1 Samuele 14:37

Vano Saulo aamukoha Mulluku wi, “Ethiyo naathware Afilistaalla? Ethiyo moonivaha ekari wi niwiiphe?” Koma Mulluku khaamwaakhullalle nllapo nenno.

1 Samuele 22:10

Nave Ahimeleki ahaakoha Apwiya ddoophwanella wi Davide eere. Vano aamuvaha yoocha, amwinnyattho nsupada na Goliati, Mufilistoolle.”

1 Samuele 23:9

Koma Davide aadduwella wi Saulo anapaalla omwiipha. Vano aamulleella mullupa mukutho Abiyatara wi aweena efodi.

1 Samuele 30:7

Vano Davide aamulleella mullupa mukutho Abiyatara, mwaana a Ahimeleki wi, “Okinnye yoowara yoopangiwa ni ekuwo yaweella wuunchicheelle yookhalla ni efodi.”* Abiyatara aamwinnya.

1 Samuele 30:8

Vano Davide aaveka wa Apwiya voollotani wi, “Ethiyo kiwuthware mulloko wakhoto wa Aamaleke? Ethiyo kineerewaagonjiha?” Apwiya yaamwaakhulla wi, “Athware vawi oneerewaagonjiha nave oneerowaavullusa akaporwaayo,”

2 Samuele 2:1

Ddiviralle ddenndda Davide ahaakoha Apwiya wi, “Ethiyo kiye mu muzinda mmodda mwa mizinda dda Yuda?” Apwiya yaamwaakhulla wi, “Ee, khawe.” Vano Davide aakoha wi, “Kiye muzindeene oovi?” Apwiya yaallota wi, “Oye o Hebroni.”

2 Samuele 21:1

Enthawi ya omwene wa Davide waakhalla ettalla wa miyakha miraru ddoothwarana. Nave Davide aaveka ezeru wa Apwiya nave Apwiya yaamulleella wi, “Saulo ni nibanja naye aakhalla ni mullatu woowiipha Agibiyoni.”