1 Samuele 10:19 - Mawu a Mulluku

¹⁹ Koma ollello, nyuwaano moomukhoota Mullukwaanyu oyo uuvullusalleni mu ddoohoosa ni ddookatamiha ddanyu. Munallota wi, ‘Iyaayi! Koma muninnye mwene oonilamulella.’ Vano mutthukumane vamiitthoni va Apwiya moollikana ni mallokwaanyu ni mabanjaanyu.”

1 Samuele 10:19 ပူးပေါင်းရင်းမြစ်များ

1 Samuele 12:12

Vano moonilleenyu wi Nahashi, mwene Aamoni aawa wi awane ni nyuwaano nave mwaakilleella wi ‘Iyaayi koma mwene sika anaanilamulelle.’ Koma ovenyera khalle amwenaanyu yaari Apwiya Mullukwaanyu.

1 Samuele 8:19

Koma athwaayo yaakhoota wiiwellella mawu a Samuele. Yaallota wi, “Iyaayi! Hiyaano ninamupaalla mwene oonilamulella.

Yoswa 24:1

Vano Yoswa aatthukumaniha malloko mattheene a Aisraele o Shekemu. Aawiithana attekweene, oohoollella, oweeruza ni akapitawo a Aisraele nave attheenaayo yaaphiya vamiitthoni va Mulluku.

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Numeri 17:2

“Ollote ni Aisraele wi ewinnye ekopo, nirive nlloko ekopo emodda. Oohoollelliiwa attheene vamodda ewinnye ekopo khumi ni piilli moollikana ni mabanja navettho makhollwiiwa. Olembe nnddina na arive muthu va ekopwaaye

Numeri 11:20

Muneeroyicha mweeri muttheene ophiyera yuukhumalleni mphunani nave muneerovoriiwana. Ddenndda ddineereweereya ekaamba yawi mohaakhoota Apwiya ayo enakhalla variyari vanyu nave mookhupanya vamiitthoni viwa voollotani wi, ‘Kaambiiwa tini nakhumalleehu o Iguputo?’ ”

Deuteronomo 17:14

Mwavollowa ni waakha ellapo eyo Apwiya Mullukwaanyu enuuvaheewani apaalle ttuupaalla wi mukhalle ni mwene wonanko ddikhallelle mitundu ddimodda nnddo ddiwaapheelleni.

Oweeruza 8:23

Koma Gideoni aawaakhulla wi, “Mi nguulamulellani, mwanakattho khuulamulellani. Apwiya sika enuulamulelleni.”

1 Samuele 10:20

Vano Samuele aatthukumaniha malloko mattheene a Aisraele nave Apwiya yaatthoolla nlloko na Benjamini.

1 Samuele 14:23

Nave ekhotweeyo yaawaniwa ophiyera yaakhwaranya muzinda wa Betaveni. Mmu sika Apwiya yaavulluselliiwa Aisraele nllapo nenno.

1 Samuele 14:38

Vano Saulo aallota wi, “Waani wuno nyu munaahoollella athu. Noone wi tti ochimwa wawiidde weereyille ollello

Miyambo 16:33

Athu ennoombesa koma ddoothwarellella ddinavenyera wa Apwiya.

1 Samuele 3:21

Apwiya yaavirellella odduupullulla weekhiiwa o Shilo. Yaanallota ni Samuele nave olliye aanallota ni Aisraele attheene.

1 Samuele 4:1

Mawu a Samuele yaaphiya wa Aisraele attheene. Vano Aisraele yaaya yawanaka ekhoto ni Afilisti. Yaamaka misasa ddiwa o Ebenezeri nave Afilisti yamakille o Afeki.

1 Samuele 8:5

emulleella wi, “Nyu mohuulluvalla nave aniinyu khenattakihera makhallellwaanyu. Vano munithoollelle mwene wi anilamulelleke wonanko ddineerella mitundu ddimodda dda athu.”