1 Samuele 10:10 - Mawu a Mulluku

¹⁰ Saulo ni mullupa muttekwaaye ephiyalle o Gibea, yaakumana ni mulloko wa anamallotella. Vano Munepa a Mulluku aamuvollowa Saulooyo, aamba ollotella.

1 Samuele 10:10 ပူးပေါင်းရင်းမြစ်များ

1 Samuele 2:35

Vatulli viwa kineeromutthoolla mullupa mukutho oyo anaakhalle oororomelleya wa miyaano ni weera nnddo ddiri m'murimani mwaka ni ddoopaalla ddaka. Kineeromwinnya edduullu nnddo ddinaarumeyelleke vamiitthoni va mwenaaka oozoziwa enthawi ddittheddene.

1 Samuele 11:6

Saulo iiwalleeye ddenndda, Munepa a Mulluku aamuvollowa mwamasiva nave aasha murima.

Oweeruza 3:10

Munepa wa Apwiya waakitthella mwa olliyooyo nave aatthattuwa oweeruza Aisraele nave aaya awana ekhoto nave Apwiya yaamuvelleella m'mattani mwaye Kushani Rishataimu, mwene a o Mesopotamiya.

Oweeruza 15:14

Samisoni aphiyalle o Lehi, Afilisti yaamuchingamella ekhuwaka. Enthawi yeeyo munepa a Apwiya aamukitthella mwamasiva nave aaphadda mikwe yamumakilliiwana miwono wonanko olusi wawunta. Ottotthowa omora m'mattani mwaye.

1 Samuele 16:13

Samuele aakusa yookusellamo makhura, amuzoza vamiitthoni va asinne. Nave Munepa wa Apwiya waamuvollowa Davide mwamasiva waambeella nllapo nenno oya muhoollo. Vatulli viwa Samuele aatimulla oya o Rama.