1 Samuele 10:1 - Mawu a Mulluku

¹ Vano Samuele aakusa yookusella makhura, aahella makhuraayo va muru va Saulo amukhupaarella allota wi, “Apwiya ahuuzoza wi okhalle mwene a athwaaye, Aisraele. Oneerewaalamulella athu a Apwiya ni waavullusa wa adaniiwa attheene. Echizindikiro yawi Apwiya ahuuzoza wi okhalle mwene a yoohallanaaye tti yawi,

1 Samuele 10:1 ပူးပေါင်းရင်းမြစ်များ

1 Samuele 16:13

Samuele aakusa yookusellamo makhura, amuzoza vamiitthoni va asinne. Nave Munepa wa Apwiya waamuvollowa Davide mwamasiva waambeella nllapo nenno oya muhoollo. Vatulli viwa Samuele aatimulla oya o Rama.

Masalimo 78:71

Amukusalle nko achiheeyewo enkhosa nnddo ddaari ni asaana, wi akhalle mbusa a Yakobo, athwaaye, a Israele, yoohallanaaye.

1 Samuele 9:16

“Osiisello enthawi wonanko yeella kinneerewuurumihella muthu ovenyera o nlloko na Benjamini, omuzoze ni makhura a olivi vamuru vaye wooniha wi anaakhalle mwene aathwaaka, Aisraele. Aneerewaavullusa athu wa Afilisti. Kohoona ollakiwa wiwa nave kohiiwa winlla wiwa.”

Masalimo 2:12

Mukokhorelleni moomugonjella mwanaye, wi ahuunanariwelleni, wi muhoonongeye, vawi khanallekella osha murima. Oodalisiwa tti ayo enathawella wa olliye.

Mitteko 13:21

Vano yaaveka wi evahiwe mwene nave Mulluku ahaavaha Sauli, mwaana a Kishi, muthu a nlloko na Benjamini wi akhalle mweniiwa, wa miyakha 40.

1 Samuele 26:11

Koma wakhalla wooworeya Apwiya ekikavihere wi kihimweerelle yoonanara mwene, oozoziwa ni Apwiya. Koma vano nikuse nivaka ni muno wa maaddi nnddo ddiri omuruni waye nave niroweke.”

Deuteronomo 32:9

Koma yoohallaniiwa ya Apwiya tti athwiiwa, edduullu dda Yakobo sika yoohallaniiwa yoopatuleya.”

2 Mamwene 20:5

“Hokollowa, wamulleelle Hezekiya, mwene a athwaaka wi, ‘Mi Apwiya Mulluku a nikhollo nawo Davide kohiiwa ovekella wawo nave kooddoona miitthori ddawo. Vano kineerewuuchiriha. Oneerowora ollapella o enyumba ya Apwiya omuroto vano.

2 Mamwene 9:1

Mallapo yaayo, Elisha namallotella aamwiithana mmodda mwa a mulloko wa anamallotella amulleella wi, “Khozekella olendo nave okuse moohellamo makhura, oye o Ramoti Giliyadi.

Yawuupullulla 5:8

Eerilleeye ddiiddo, ddoophatusiwa ddookumi ddisesenndde ni attekweene 24 yaakokhora vamiitthoni va mwaanaankhosooyo. Attheene yaakhalla ni magitala owaakattho embale dda golide ddooddalla ni mukutho wa lubani.* Ddawunkhellihanndda sika mavekello a athu a Mulluku.

Aheberi 2:10

Ddeko ddittheddene ddaphatusiwe ni Mulluku nave ekaamba ya olliyooyo. Vano waari waphaama wi Mulluku omweeriha Yesu wi akhalle aphaama oweella mu ddoohoosa wi Yesooyo aakuselle anamwani anchichi o ntitimiho naye nave wi akhalle oohoollella a yoovullusa.

1 Atesalonika 5:26

Muvahaneke mooni mwa echikondi ya ookhulupilila.

Hoseya 13:2

Vano enimachimwave, enniipangella mafano awoopiwa ni siliviiwa. Mafano mattheenaayo tti mitteko dda athu eeruso. Ennallota wi, ‘Velleellani mikutho wa yaalla nave mwaallapelle asaanang'ombaalla vawaakhupaarellani.’

Yeremiya 10:16

Koma Mulluku a Yakobo khari wonanko mafanwaalla, olliye sika oophatusa a ddittheddene. Israele tti mutundu wa yoohallanaaye, nnddina niwa tti Apwiya Amasiva Mattheene.

Masalimo 135:4

Ahiitthoollella Yakobo wi akhalle ayiwa, Israele wi akhalle yoohallaniiwa.

1 Mamwene 19:18

Komave o Israele kohaahiyawo athu 7,000 ayo ehinamukokhorella Baala apaalle opsopsona mafanwaaye.”

2 Samuele 19:39

Sika athu attheene yaallapuwa muhinje wa Yordani nave mwenooyo aallapuwattho. Vano mwene aamukhupaarella Barizilai amudalisa nave olliye aahokollweella owaniwa.

2 Samuele 5:2

Ovenyera khalle naari Saulo aariiye mwenaahu nyuwaano mwaanaahoollella Aisraele okhotoni. Nave Apwiya yaallota ni nyuwaano wi, ‘Oneerokhalla wonanko mbusa a athwaaka Aisraele nave oneerokhalla mwene a Aisraele.’ ”

1 Samuele 24:6

Vano ahaalleella athwaaye wi, “Wakhalla wooworeya Apwiya ekikavihere wi kihimweerelle yoonanara mwene Saulo, apwiyaaka oozoziwa* ni Apwiya. Kihinamuvoreya vawi tti oozoziwa ni Apwiya.”

1 Samuele 13:14

Koma vano omwenaanyu khollekella. Apwiya aaddaashella weekhiiwa muthu a vamurimani viwa wi akhalle mwene owaahoollella athwiiwa ekaamba yawi khamwaathwanre nnddo Apwiya yuulamulalleniiwa.”

1 Samuele 8:19

Koma athwaayo yaakhoota wiiwellella mawu a Samuele. Yaallota wi, “Iyaayi! Hiyaano ninamupaalla mwene oonilamulella.

1 Samuele 8:9

Sika owiiwellelle nnddo enuulleelliiwa. Koma waachenjeze wunchichi nave waalleelle makhallello a mwene anaawaalamulellekooyo.”

1 Samuele 2:10

Apwiya Mulluku muullupalli eneerewaanyenya adaniiwa, eneerowoopopiha ni ogugudeya wa murimu woovenyera oddullu. Apwiya eneeroweeruza ophiyera omalla wa ellapo yavatthi ettheene, mweniiwa eneeromwinnya masiva, eneerowunnuwiha masiva a mweniiwa oozoziwa.”*

Eksodo 30:23

“Okuse ddawunkhella phaama makilogaramu matthanu ni nimodda a mure* amaaddi, makilogaramu mararu a Sinamoni, makilogaramu mararu a mihalli ddoonang'aneya,

1 Samuele 9:27

Ephiyalle omalireni a muzindooyo, Samuele aamulleella Saulo wi, “Omulleelle mullupa muttekwaawooyo ahoolle. Weyaano wiimelle vang'ono wi kuulleelle mawu evenyere wa Mulluku. Mullupa muttekoolle aahoolla.”

1 Samuele 12:3

Kuukoheni apaalle yookhallavo eyo kichimwalleemi wa nyuwaano? Yaarivo kiivaanyiheni vamiitthoni va Apwiya ni va mwenaanyu oozoziwa.* Ethiyo ttaani kamwaakhillekeemivo eng'ombe? Ttaani kamwaakhillekeemivo bulu? Ttaani kamoottotthillekeemivo apaalle omuhoosa. Ethiyo kaakhenlle ddamukaphwani ddawani wi mullatwaaye weete phaama? Oyo anaavelleelle omboni wawoona, kineeromuhokollosella ddittheddene kakusalleemi.”

1 Samuele 15:1

Nllapo nimodda Samuele aamulleella Saulo wi, “Apwiya yaakiruma wi kuuzozeni wi mukhalle mwene a athwiiwa Aisraele. Vano iwellani othenga woovenyera wa Apwiya.”

1 Samuele 16:1

Apwiya yaallota wa Samuele wi, “Ethiyo onaakhalle omwinllellaka Saulo ophiyera niini vawi koomukhoota wi ahikhalle mwene owaalamulella Aisraele? Oddallihe makhura mu yookusellaaweeyo. Oye wa Yese o Betelehemu vawi kohiiphwanyella mwene variyari va anaaye aallopwana.”

1 Samuele 26:9

Koma Davide aamulleella Abishai wi, “Iyaayi ohinamwiipha. Vawi Apwiya eneeromullaka oyo anaamuvoreye mwene, oozoziwa* a Apwiya.”

2 Samuele 1:14

Davide aamukohattho wi, “Yahiwoovihalle tti tini owiipha apwiya, oozoziwa* ni Apwiya?”

1 Mamwene 1:34

Wenko mullupa mukutho Zadoki ni namallotella Natani yamuzoze wi akhalle mwene a Israele. Vatulli viwa moope nipallapata ni okhuwa wi, ‘Mwene Solomoni akhalle ni okumi woorekama!’

Ezekiele 16:13

Waawara ddooreerihella ddagolide ni ddasiliva. Ddoowara ddawo ddaari ddabafuta, ddoowallamella mutengo ni ekuwo ddoopeta. Waanacha othu waphaama, enwi ni makhura a olivi. Wahunnuwa mooreera nave waatthattuwa wonanko mwaaramwene.

1 Samuele 15:17

Samuele aallota wi, “Naari muddoonaka wi muri oohipaalleya wunchichi vamiitthoni va athu koma muri oohoollella malloko mattheene a Aisraele. Apwiya yahuuzozani wi mukhalle mwene owaalamulella Aisraele.

2 Samuele 20:19

Hiyaano tti athu amurendelle ni oororomelleya mu ellapo ya Israele. Nyuwaano munapaalla woononga etawonaahu eyo tti wonanko nikhollo na ellapo ya Israele. Kaambiiwa tini munapaalleenyu woononga eyo eri yoohallana ya Apwiya?”

2 Mamwene 9:12

Koma alliwa yaallota wi, “Iyaayi, nilleelleni.” Vaavo Yehu aallota wi, “Olliye ookilleella mawu a Apwiya awi, ‘Kohuuzoza wi okhalle mwene a o Israele.’ ”