1 Samuele 1:9 - Mawu a Mulluku

⁹ Nllapo nimodda emallihalle ocha ni owirya o Shilo wulle, Hana aavenya aya woovekella. Eli, mullupa mukutho aari akeraatthille va mpando wa va mullako wa enyumba ya Apwiya.

1 Samuele 1:9 ပူးပေါင်းရင်းမြစ်များ

1 Samuele 3:3

Samuele aari akonaatthillettho vakhuviru ni nibokosi na echipangano mu enyumba ya Apwiya. Enthawi yeeyo enyali ya Mulluku yaari ehinathiime.

Masalimo 27:4

Kinaveka ello emodda wa Apwiya, ello yoopaalleya wunchichi, yawi kikhalleke mu enyumba ya Apwiya, mallapo mattheene a okumaaka, wi kihakallalleke ni oreera murima wa Apwiya, wi kaallapelleke alliwa mu enyumbiiwa.

Masalimo 5:7

Koma miyaano kineerovollowa mpa mwanyu, ekaamba ya echikondaanyu yoohisintheya. Kineerokokhora moowarama, owiitthoni wa enyumbaanyu yaweella nave kineerewuullapellani.

2 Samuele 7:2

Vano aallota wa namallotella Natani wi, “Mi kinakhalla mu enyumba yoomwene yoomakiwa ni miteekho ddamukunguza koma nibokosi na echipangano na Apwiya ninakhalla m'musasani.”

1 Samuele 3:15

Samuele aakona ophiyera ohinase. Aavenya ahulla machiwi a enyumba ya Apwiya. Ahoova omulleella Eli dda masomphenyaalle.

Masalimo 29:9

Mawu a Apwiya ennaapheelliha miteekho dda mwaaka ennavullulla makattha amiteekho ddittheddene muutthakoni. Attheene a mu enyumbiiwa ennakhuwa wi, “Otitimiheya!”

Eksodo 21:6

Vaavo apwinnyaayo eweena kaporooyo onipuroni noomullapella Mulluku. Eweena va mullako apaalle va Eferemu nave apwinnyaayo emphovolle naaru naye. Sika anaakhalle kaporo a apwinnyaayo okumaaye muttheene.

1 Samuele 1:10

Hana murima waanamuvoreya nave aavekella wa Apwiya inllaka moovoreyiwa murima.

1 Samuele 4:13

Aphiyalle, aamuphwanya Eli akeraatthille vampandoni museresere mwa musewu miittho eri omusewuni, akhupanyaka dda nibokosi na echipangano. Muthoolle allotilleeye nnddo ddeereyille okhotoni wulle athu anchichi a mutawoni mulle yahinlla.