1 Samuele 1:26 - Mawu a Mulluku

²⁶ Hana aallota wi, “Apwiya miyaano tti mutthiyana olle iimenlle vamiitthoni vanyu avekellaka wa Apwiya.

1 Samuele 1:26 ပူးပေါင်းရင်းမြစ်များ

2 Mamwene 4:30

Vano amennya a mwaanoolle yaallota wi, “Kinimallupella vamiitthoni va Apwiya ni vamiitthoni vanyu, mi nguuhiyani.” Sika Elisha aatimulla amuthwara.

2 Mamwene 2:6

Vatulli viwa Eliya aallota wa Elisha wi, “Pepaani khalla vaava vawi Apwiya aakiruma wi kiye o Yordani.” Koma Elisha aamulleella Eliyooyo wi, “Kinimallupella vamiitthoni va Apwiya ni va nyuwaano wi nguuhiyani Ata.” Sika athu eellaayo yaavirellella olendwiiwa.

2 Mamwene 2:4

Nllapo nenno Eliya aamulleella Elisha wi, “We Elisha, pepaani khalla vaava vawi Apwiya aakiruma o Yeriko.” Koma Elisha aallota wi, “Kinimallupella vamiitthoni va Apwiya ni va nyuwaano wi nguuhiyani.” Sika athu eellaayo yaaya o Yeriko.

2 Mamwene 2:2

Eliya aamulleella Elisha wi, “We Elisha, pepaani khalla vaava vawi Apwiya aakiruma o Betele.” Koma Elisha aallota wi, “Kinimallupella vamiitthoni va Apwiya wi nguuhiyani.” Sika eellaayo yaaya o Betele.

2 Samuele 11:11

Uriya aamulleella Davide wi, “Nibokosi na echipangano, Aisraele ni Ayuda eri m'musasani. Nave apwiyaaka Yowabu ni akhoto a mwene enakona ohakani. Vano miyaano kiye owaani wi kache ni owirya nave kakone ni mwaaraka? Kinimallupella miyaano ngini keere ddennddo.”

1 Samuele 20:3

Koma Davide aallupellattho wi, “Kinimallupella vamiitthoni va Mulluku! Attiittho ennadduwella wi onnakeerella echifundo sika yaaganiza wi, ‘Yonatani ahidduwelle ddenndda woova wi ttuumoriwa ethakaraka.’ Koma vamiitthoni va Apwiya nave vamiitthoni vawo variyari va miyaano ni okhwa viri wonanko nnyallo nimodda.”

1 Samuele 17:55

Saulo amonne Davide ayaaka woowana ekhoto ni Mufilistoolle, aamukoha Abinere, akhoto muullupalli wi, “Ethiyo weyaano Abinere, musomboolla tti mwaana awani?” Abinere ahaakhulla wi, “Pepaani amwene, nginamudduwella”

2 Samuele 14:19

Vano mwenoolle aakoha wi, “Ethiyo ddenndda Yowabu khanaddidduwella?” Mutthiyanoolle ahaakhulla wi, “Voollotani ddawoona apwiyaaka amwene, khaavo muthu oyo anaalephele waakhulla erive ello eyo munaakoheenyu. Oorumeyellaanyu Yowabu sika akilleelle wi keere ddenndda. Olliyooyo sika akilleelle mi mullupa muttekwaanyu aamutthiyana mawu mattheenaalla.

Genesis 42:15

Vano kinapaalla kiweeseni mwawi ddiidda, kinallupella mu okumi wa Farao! Nyuwaano khamurowa ophiyera Mung'onong'onwaanyooyo awiille wuno.

1 Samuele 25:26

Vano apwiyaaka, tti Apwiya ayo yuuvaanyihalleni wi muhiwiiphe adanaanyu ni mattaanyu. Kinnallupella vamiitthoni va Apwiya wi adanaanyu attheene enapaalla oweerellani yoonanara ellakiwe wonanko Nabala.

1 Epilli 4:10

Yabezi aavekella wa Mulluku a Israele wi, “Mukidalise nave muyinnuwihe ellapwaaka. Nnatta nanyu namasiva nikhalle ni mi nave mukisunge wi yoonanara ehikimorelle ni okihoosa.” Sika Mulluku aamuvaha nnddo avekilleeye.