1 Samuele 1:19 - Mawu a Mulluku

¹⁹ Osaka wene ohinase Elikana ni nibanja naye yaavenya yaallapella Apwiya. Vano yaahokollweella owaniwa o Rama. Elikana aakhalla ni Hana nipuro nimodda nave Apwiya yaamuupuwella Hana.

1 Samuele 1:19 ပူးပေါင်းရင်းမြစ်များ

Genesis 21:1

Apwiya yaamuupuwella Sara voomweerellani nnddo yamulonjezilliiwa.

1 Samuele 1:11

Hana aallupella wi, “Apwiya Amasiva Mattheene, miyaano kiri mullupa muttekwaanyu, moone ohoowa waka nave mukaakhullelle ovekella waka, kinallota ddawoona wi mwakivaha mwaana aamullopwana kineeromuvelleella wa nyuwaano, Apwiya, mallapo mattheene a okumaaye nave ngimuchema.”

Genesis 30:22

Vano Mulluku aamuupuwella Rakele nave ahiiwa ovekella waye vawaakhullellani wi aayare anamwani.

Genesis 4:1

Adamu aakona ni mwaariye Heva nave mutthiyanooyo aakusa erukullu. Sika aamuyara mwaana aamullopwana nave aallota wi, “Koomwaakhella mwaana mookaviheriwa ni Apwiya.” Sika mwaanooyo yaamuvaha nnddina nawi Kaini.

Luka 23:42

Nave aallota wa Yesu wi, “Yesu, mwakuupuwelle mwawa muphiya mu omwenaanyu!”

Mariko 1:35

Ohinase nndduwa nihinakhume Yesu aavenya akhuma mpammo. Aaya onipuroni nayeekha nave wenko aamavekellawo.

Masalimo 119:147

Kinnavenya mutthupi ohininlle, wi kiveke nikavihero. Kinnaroromella mawaanyu.

Masalimo 55:17

Misikuwa, ohinase ni otthaana kinnakhupanya ni winlla, alliwa eneerewiiwa mawaaka.

Masalimo 25:7

Muhinuupuwella machimo a esombwaaka ni ovudduwa waka koma mukeerelle echifundo, nyu Apwiya ekaamba ya echikondaanyu yoohisintheya vawi nyuwaano tti aphaama.

1 Samuele 9:26

Vano Saulo aakonille vaavo. Oyaaka ni osa Samuele amwiithana Saulo vaddullumvo wi, “Venya, kuuvelleelle, kuuhiye mvo.” Saulo aavenya. Olliye ni Samuele yaatimulla oya omusewuni.

Genesis 8:1

Vano Mulluku aamuupuwella Nowa ni enama ddittheddene ddamuhakani ni eziweto nnddo ddaari ni olliye muchombonimmo. Aalamula ephevo wi yoope va ellapo yavatthi, enthawi yeeyo maaddi yahaamba owelleella.

Masalimo 136:23

Yaanuupuwella navevuwalleehu, echikondiiwa yoohisintheya tti ya enthawi yoohimalla.

Masalimo 5:3

Apwiya, ohinase munniiwa mawaaka, nndduwa naakhumaka kinnavekella wa nyuwaano nave kinnatiyerella wi mukaakhulle.

1 Samuele 2:11

Vano Elikana ni Hana yaahokollweella owaniwa o Rama. Koma musomboolle Samuele aahalla o Shilo anaarumeyella Apwiya vamiitthoni va mullupa mukutho Eli.

1 Samuele 1:1

Waakhalla muthu mmodda nnddina naye aari Elikana oovenyera mu nlloko na Efuremu o etawoni ya Rama eyo yaari mu ellapo yamiyaango ya Efuremu. Olliye aari mwaana a Yerohamu edduullu ya Elihu, edduullu ya Tohu, edduullu ya Zufu, a nlloko na Efuremu.

1 Samuele 7:17

Eeddiiddo aanahokollowella o Rama vawi sika waari owaniwa. Wenkottho aanaweeruzawo Aisraele nave ahaamakellawo Apwiya nikuwa.

Yoswa 18:25

Vaakhallattho Gibiyoni, Rama, Beeroti,

1 Samuele 8:4

Vano attekweene a Aisraele yaatthukumana eya wa Samuele o Rama,

1 Samuele 15:34

Vano Samuele aaya o Rama koma mwene Saulo ayiille owaniwa o Gibea.

1 Samuele 16:13

Samuele aakusa yookusellamo makhura, amuzoza vamiitthoni va asinne. Nave Munepa wa Apwiya waamuvollowa Davide mwamasiva waambeella nllapo nenno oya muhoollo. Vatulli viwa Samuele aatimulla oya o Rama.

1 Samuele 19:18

Davide aathawella wa Samuele o Rama nave aamulleella nnddo eerille Saulo. Vano Samuele ni Davidooyo yaaya yakhalla o Nayoti mu Rama nko wakhalla anamallotella.

1 Samuele 25:1

Samuele aakhwa nave Aisraele attheene yaatthukumana enamwinllella. Yaamuvittha owaniwa o Rama Davide aatimulla aya o echipululu ya Parani.

2 Mamwene 4:17

Koma mutthiyanooyo aakhalla ni erukullu nave muyakha woothwarellella, enthawi wonanko yeeyo, aamuyara mwaana aamullopwana moollikana ni mmo Elisha amulleellelleeye.