1 Petro 4:3 - Mawu a Mulluku

³ Mootathilla enthawi yinchichi khalle vaweerani nnddo eneera athu oohimullapella Mulluku. Okhalla wanyu waari wa oraruwa, minkhella ddoonanara, olezela, machellello ni olezela nave ollapella mafano moonanariha.

1 Petro 4:3 ပူးပေါင်းရင်းမြစ်များ

1 Akorinto 6:11

Amodda a nyuwaano mwaari awi ddiidda. Koma machimwaanyu yaakhululukiwa, mwaheellihiwa nave mwaheeriwa oolungama vamiitthoni va Mulluku mwa nnddina na Apwiya Yesu Khrisitu navettho Munepa wa Mullukwaahu.

Aefeso 5:18

Muhilezeleke ni vinyo kaambiiwa olezela onneeriha ddeko ddoonanara koma muhoollelliwe ni Munepa Waweella.

1 Atesalonika 4:5

ohiri okhalla ni minkhella ddoonanara, wonanko oohikhulupilila ayo ehinamudduwella Mulluku.

1 Petro 1:14

Mumwiiwellelleke Mulluku, okumaanyu ohilamulelliweke ni minkhella mwathwareenyu khalle moohidduwella.

Agalatiya 5:21

ennakhalla eehache, oolezela, ennakhalla vamachellelloni ni olezela ni weera ddeko ddimodda ddawi ddiidda. Kinimuuchenjezani vano wonanko kenreemi vawaamba wi ayo eneera ddeko ddenndda kheyaakhella omwene wa Mulluku.

Agalatiya 5:19

Mitteko dda omuthu tti ddawooneya. Ddinooneya mu oraruwa, onanara nave okhallella minkhella ddoonanara;

Ezekiele 45:9

“Mi Apwiya Mulluku kinallota wi, nyu oolamulella a Aisraele ddookikwakhwana, Hiyani ekuku ni waahoosa athwaaka. Mwiiwellelleke malamulo nave mweereke echilungamo. Ahiyeni athwaaka nave muhinaavenyihaka mwiillaponi mwiwa. Mi Apwiya Mulluku koollota.

Yuda 1:4

Vawi athu amodda oohikhulupilila yaavollowa variyari vanyu mwawiitta. Yaalla tti athu ayo enaanganyera echisomo ya Mullukwaahu wi ephwanyellevo yaweerella machimo oorarawu, ayo enamukhoota Yesu Khrisitu, yooyove ari ooholleellaahu ni Apwiihu. Ddaalembiwa khalle mu mawu a Mulluku wi athu yaalla eneerollakiwa.

Mitteko 17:30

Mulluku khalle ahaahiya athu oohaallaka vawi kheyaamudduwella koma vano annaalamulella athu attheene orive weko wi erukunuwe murima.

Ezekiele 44:6

Waalleelle athu a mutundu weekuku wa Israele mawaaka awi, ‘Nyu Aisraele, hiyani ddoonanara ddanyu ddittheddene.

Yesaya 28:7

Naarittho anamallotella ni allupa mukutho ennahahareya ni vinyo, ddoowirya ddoowalli ddohaalezeliha. Attheenaayo miru ddiwa ddoopallalleya ekaamba ya vinyo nave ennahahareya ekaamba ya ddoowirya ddoowalli. Enniiwesesa moolakwa nnddo enooniiwa m'masomphenya nave kheneeruza millatu mweechilungamo.

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

2 Akorinto 12:21

Kinoova wi kawattho Mullukwaaka aneerokiwulliha muru vamiitthoni vanyu nave kineerowinllella athu anchichi ayo yachimmwe nave khenarukunuwe murima o machimwiiwa, minkhella ddoonanara ni oraruwa.

1 Akorinto 12:2

Munnuupuwella wi mwaariinyu athu oohimullapella Mulluku, mwaahollosiwa mu ettilla ddoohiyanahiyana ollapella mafano ddoohikhalla ni okumi.

Aroma 13:13

Sika makhallellwaahu ekhalle aphaama wonanko a athu ayo enakhalla mu owala. Vihikhalle machellello oonanara apaalle olezela, oraruwa apaalle echigololo, owana apaalle okhallellana ehache.

Mariko 7:22

echigololo, nrima, ddittheddene ddoonanara, olleka, makhallello oonanara, ehache, ollotella amodda epewe wiitukhulla ni okarangeya;

Yeremiya 16:18

Kineerewaahokollosella ddoonanara mookhwaranya ekaamba ya onanara wiwa ni machimwiiwa ekaamba yawi aaripiha ellapwaaka ni mafanwiiwa ayo tti wonanko mitembo nave ellapo eyo eri yoohallanaaka yaaddallihamo mafanwiiwa oonanara.”

Yesaya 65:4

Mahiiyu ennaseddera o mahame ni o mapuro awiipittheya nave ennacha enama ya ekumba ni owirya ephwaddi ya enama ddoovelleelliwa mikutho ddeelleto.

Yesaya 5:11

Otulli wa athu ayo enavenya ohinase enathamakella yoowirya yoolezeliha, ayo enawirya ophiyera mahiiyu nave ophiyera elezenle wunchichi.

2 Epilli 15:8

Asa iiwalle ollotella wa Azariya mwaana a Odedi, aallipa murima nave aavenyihawo mafano oonanara o ellapo ettheene ya Yuda ni ya Benjamini. Aavenyihawottho mafano o mizinda nndde aakhilleeye o ellapo yamiyaango ya Efuremu nave aapotokosa nikuwa na Apwiya nno naari vahoollo va nikhote na enyumba ya Apwiya.

1 Mamwene 21:26

Olliye aheera machimo oowullihesesa muru voollapellani mafano wonanko yeerella Aamori ayo Apwiya yaaveyihalliiwamo voophiyani Aisraele.

2 Samuele 13:28

Vano Abishalomu ahaalamula allupa muttekwaaye wi emuweheseseke Aminoni enthawi eyo anaalezeleeye ni vinyo. Kuulleellani wi, “Mwiipheni, mumwiiphe muhoove vawi tti miyaano kuulleelleni wi mweere yeeyo. Mullipe murima nave mukhalle wonanko allopwana.”

Yeremiya 16:11

Vano weyaano waakhulle wi, ‘Ekaambiiwa tti yawi makhollwaanyu yaakihiya mi Apwiya. Yaathwara milluku ddimodda enaddirumeyella ni oddillapella. Yaakihiya miyaano nave kheyiiwellenlle malamulwaaka.