1 Petro 3:3 - Mawu a Mulluku

³ Oreera wanyu ohikhalleke wa mooneyellove wonanko voolluwani meehi apaalle owara ddooreeriha dda golide apaalle ddoowara munawareenyu.

1 Petro 3:3 ပူးပေါင်းရင်းမြစ်များ

Aroma 12:2

Muhittakihereke makhallello a athu a va ellapo yavattheella. Koma mwaakhullelle wi Mulluku uutthattuseni vawuuvahani murima wanaanweene. Vano muneerodduwella eyo Mulluku anapaalleeye, yaphaama wunchichi, yoomuhakallalliha ni yoophwanellella.

Yesaya 61:10

Vano kineerohakallalla wunchichi mwa Apwiya, murimaaka oneerottaphuwa mwa Mullukwaaka. Vawi olliye ookiwariha ddoowara ddoovullusa ookiwariha mukanjo weechilungamo. Mi kiri wonanko ootthella oowara enduwira wonankottho ootthelliwa oowara ddooreeriha ddoowallamella mutengo.

Yeremiya 4:30

We Yerusalemu, woopasuliwa, kaambiiwa tini onawareewe ddoofiira, onawareewe ddooreeriha ddagolide, onamareewe otooto miitthwaawo? Oniireerihella nivuddo, awuukondaawo enimuunyemulla, enapaalla ewiiphe.

Yeremiya 2:32

Ethiyo namwalli ttuutiwalla ddawiireerihella ddaye apaalle ootthella ttuutiwalla ddoowara ddaye ddookwati? Komave athwaaka aakitiwalla wa mallapo ooheerengeya.

Yesaya 52:1

We Ziyoni, venya venya, llipa murima. We Yerusalemu, muzinda waweella, wara ddoowara ddawo ddaphaama, athu oohiphaddiwa ni ooripihiwa khewa evollowattho va millako ddawo.

Eksodo 33:4

Sika athu yiiwalliiwa mawu awoopihaalle, yahaamba winlla nave khaarivo naari mmodda awarille ddawiireerihana.

Genesis 24:53

Vano aakhumiha ddeko dda siliva ni dda golide ni ddoowara nave aaddivelleella wa Rebeka. Aavelleellattho emphaso ddoowallamella mutengo wa murokoriye a Rebekooyo ni wa amennya.

Genesis 24:47

Vano kaamukoha wi, ‘Ethiyo attiittho ttaani?’ Olliye aakaakhulla wi, ‘Attiitthaaka tti Betuele, mwaana a Nahori oyo amuyarelleeye Milika.’ Enthawi yeeyo kaamuwariha echipini vaphunani navettho ebangili vamuwononi.

Genesis 24:22

Namwalloolle amallihalle owiryiha ekamirannddo, mulletoolle aakhumiha echipini ya golide yoowallamella mutengo wonanko hafu ya sekeli, amuwariha Rebeka vaphunani vaye. Aamuwarihattho m'miwonini mwaye ebangili piilli ddoowallamella mutengo wonanko makobiri a golide khumi.

Masalimo 45:9

Anamwani aatthiyana a mwene eri variyari va atthiyanaanyu ooriiheya, onnattanatta nanyu wohiimella mwene aamutthiyana, oowara ddoowara dda golide a o Ofiri.

Eksodo 38:8

Nave aapanga nibeseni namukuwa noohapellamo ni yowiimeseravo yamukuwa. Aapangille ddenndda ni magalasi awiiweherana a atthiyana oorumeyella va mullako wa musasa wamutthukumano.

Eksodo 32:2

Sika Aroni ahaalleella athwaayo wi, “Arulleni awarinyu, aniinyu aallopwana ni aatthiyana endolo ddagolide ovenyera omaaruniiwa nave muweena wa miyaano.”

Ezekiele 23:40

Navettho yaanaaruma amithenga wi yawiithane athu awoorekama. Athwaayo ewiille atthiyanaalla yaahapa yiireeriha miittho ni otooto, ewara ddamankhaanga.

Estere 5:1

Va nllapo naneeraru na ohalla ocha,* Estere aawara mukanjwaaye woomwene nave aaya iimella munthatoni na muwari na mwene, voowehana ni echipinda yuullupalli ya mwene. Va enthawi ella mwene aari akeraatthille va mpandwaaye woomwene muwari mwa echipindeeyo, moowehana ni mullako woovollowella muchipindanimmo.

Eksodo 35:22

Nave yaawa allopwana ni atthiyana, attheene mwa opaalla wiwa yaawaana endolo, emphete, ogufu wamukohi ni ddooreeriha ddimodda ddagolide nave yaaddivelleella wa Apwiya.

Eksodo 3:22

Arive Muisraele aamutthiyana aneeromuveka Muiguputo awaatamanana enyumba apaalle oyo anakhalla ni Muiguputooyo mpa mwaye wi amuvahe ddeko ddawiireerihana ddasiliva ni ddagolide navettho ddoowara. Muneerowawariha ddeko ddenndda aniinyu aallopwana ni aatthiyana. Nave vaweerani ddiidda muneerowaakha Aiguputwaayo ddittheddene.”

2 Mamwene 9:30

Yehu aphiyalle o Yezireele, Yezebele ahiiwa nnddo ddeereyille. Nave aamara miitthwaaye ni otooto, alluwa meehaaye, anatthurumella va niwindo.

1 Petro 3:2

kaambiiwa enaawoone makhallellwaanyu oolemu ni aweella.