1 Mamwene 2:3 - Mawu a Mulluku

³ Wiiwellelleke malangizo a Apwiya Mullukwaawo, ni weeta mu ettilla ddiwa, osungeke malembiiwa, malamulwiiwa, weeruza wiwa ni omboniiwa moollikana ni mmo ddilembelliwiiwa mu malamulo a Mose wi weereke mweezeru erive ello. Mwawi ddiidda oneerekopambana nave ddineerekoweetella phaama orive weko onaayeekeewe.

1 Mamwene 2:3 ပူးပေါင်းရင်းမြစ်များ

Deuteronomo 29:9

Sika musungeke mawu mattheene a echipanganwaalla wi ddeko ddanyu ddittheddene ddiweetellekeni phaama.

Masalimo 119:2

Oodala tti ayo enasunga malamulo a Apwiya, ayo enawaashaasha ni murimiiwa muttheene,

1 Epilli 29:19

Muvaheni Solomoni mwanaka murima wawiivelleella wi asungeke malamulwaanyu, ehuddihwaanyu ni malangizwaanyu navettho opaalla weera erive ello wi amake enyumba eyo kiyikhozekelleemi.”

Masalimo 119:111

Malamulwaanyu tti yoohallanaaka yoohimalla, ddawoona, enahakallalliha murimaaka.

Malaki 4:4

“Upuwellani ehuddiho ya Mose oorumeyellaaka, malamulo ni malangizo kamwinnyalleemi va mwaango wa Horebu wi Aisraele attheene yiiwellelleke.

Masalimo 119:138

Malamulo munivahilleenyu, tti oolungama nave oororomelleya.

1 Samuele 18:14

Davide aanapambana va ddeko ddittheddene eereeye vawi Apwiya yaari ni olliye.

Yoswa 22:5

Mupwatheke phaama wiiwellella malamulo ni malangizo ayo Mose oorumeyella a Apwiya uuvahilleeyeni, waakonda Apwiya Mullukwaanyu ni weeta mu ettilla ddittheddene ni osunga malamulwiiwa ni waawanddeellella alliwa nave mwaarumeyelleke ni murimaanyu muttheene ni okumaanyu muttheene.”

Masalimo 19:7

Malangizo a Apwiya tti aphaama wunchichi, ennahihimulla okumi. Omboni wa Apwiya tti woororomelleya, onnaavaha ezeru ayo ehinna.

2 Mamwene 18:7

Sika ekaambiiwa Apwiya yaariiwa ni olliye nave orive wenko eeteeye, ddaanamweetella phaama. Hezekiya aamuwukila mwene a o Asiriya mwawi khaamurumeyellattho.

2 Samuele 8:14

Vano aatthipella misasa ddakhoto virive veko mu ellapo ya Edomu. Mu Edomu mutthemwene mwaakhalla misasa ddakhoto, sika Aedomu attheene yaakhalla oomurumeyella Davide. Vano Apwiya yaanampambaniha Davide orive weko ayeeyewo.

2 Samuele 8:6

Vatulli viwa Davide aatthipella misasa ddakhoto o Damasiko mu ellapo ya Siriya. Nave Asiriya yaakhalla oorumeyella a Davide nave yahaamba okhoma musonkho wa olliye. Sika Apwiya yaanampambaniha orive weko ayeeyewo.

1 Samuele 18:30

Vano Afilisti yaanakhuma enawana ekhoto ni Aisraele, Erive enthawi Davide aanapambana waakhwaranya oohoollella ekhoto attheene a Saulo. Sika nnddina na Davide naavuwa wunchichi.

1 Samuele 18:5

Vano orive weko Davide arumiwaayewo ni Saulo wi awanewo ekhoto, aanaagonjiha adanaaye. Vawi Saulo aamutthoolla Davide wi akhalle oohoollella akhoto. Yeella yahaahakallalliha athu attheene naari oohoollella ekhoto a Saulo.

Deuteronomo 5:1

Mose ahaatthukumaniha Aisraele attheene aalleella wi, “Nyu Aisraele, iwellellani malamulo ni malangizo mattheene kinuulleelleemini ollello. Mwaahuddere nave moonesese wi munnaasunga.

Deuteronomo 4:45

Alla sika malamulo, mawu ni malangizo ayo Mose aalleelleeye Aisraele ekhumalle mu Iguputo.

Deuteronomo 4:8

Nave ethiyo tti mutundu muullupalli oovi oyo ori ni malamulo ni malangizo oolungama wonanko alla kuuhuddihalleemini ollello?

Deuteronomo 4:5

“Kahuuhuddihani malamulo ni malangizo mattheene moollikana ni mmo Apwiya Mullukwaaka yaakilamulelliiwa. Mwiillaponi eyo munaavolloweenyumo ni waakha, mwiiwellelleke malamulo yaalla.

Deuteronomo 4:1

“Vano nyu Aisraele mwiiwellelleke malamulo ni malangizo mattheene kinuuhuddiheemini wi mukhalle ni okumi. Nave muneerovollowa ni waakha ellapo eyo Apwiya Mulluku a makhollwaahu enuuvaheewani.

Levitiko 8:35

Mukhalleke va mullako wa musasa wamutthukumano otthaana ni mahiiyu, mallapo matthanu ni meelli nave mweereke nnddo Apwiya yuulamulalliiwani wi muhikhwe. Ddenndda tti nnddo Apwiya ekilamulalliiwa.’ ”

1 Mamwene 3:3

Solomoni aanaakonda Apwiya nave aaniiwellella malangizo a attiitthinnya Davide. Komave aanavelleella mikutho ni woosa ddawunkhella omapuroninko.

Deuteronomo 29:8

Nahaakha ellapwiiwa nave naayikawella variyari va malloko a Rubeni ni Gadi owaaka hafu a nlloko na Manase wi ekhalle wonanko yoohallaniiwa.

Yoswa 23:6

Sika mullipe murima wunchichi, osunga ni weera ddittheddene ddilembiwe mu nibukhu na malamulo a Mose, oohihapuwella onnattanatta apaalle nnatta noonyottho.

Oollalleya 12:13

Voomallihani, ddittheddene ddillotiwe tti ddawi omooveke Mulluku nave osungeke malamulwaaye vawi yeella sika yoophwanella weera muthu.