1 Epilli 9:22 - Mawu a Mulluku

²² Attheene ayo yatthoolliwe wi ekhalle alonda yaari 212. Yalembiwe voothwarani mibado ddiwa o mizi ddiwa. Davide ni namallotella Samuele sika yaahiyalle m'mapuroni mwiwa a mutteko ekaamba ya ororomelleya wiwa.

1 Epilli 9:22 ပူးပေါင်းရင်းမြစ်များ

1 Samuele 9:9

(Khalle o Israele muthu aayaaka wa muthu a Mulluku, wooveka ezeru allota wi, “Tiyeni niye wa oollohella.” Muthu oyo aneeriwa namallotella, khalle yamweera oollohella.)

1 Epilli 28:13

Nave aamuvahattho mapulani ookawella milloko dda allupa mukutho ni Alevi navettho mitteko ddittheddene dda mu enyumba ya Apwiya. Aamulangizattho dda ezipangizo ddittheddene ddoophariha mutteko mu enyumba ya Apwiya.

Nehemiya 12:44

Nllapo nenno waatthoolliwa athu oolamulella ezipinda ddoosungellamo ddeko o enyumba ya Mulluku wonanko ddoovelleella, ezipaso ddawaamba ni ddaneekhumi. Athwaayo yaatthukumaniha ddoovelleella ovenyera mu emata ddawaapheella mizinda wi ekhalle echigawo ya allupa mukutho ni Alevi moollikana ni malamulo. Vawi Ayuda attheene yaahakallalla ni allupa mukutho ni Alevi yarumeyellaayo.

Nehemiya 11:36

Milloko ddimodda dda Alevi nnddo ddakhalla mu echigawo ya Yuda ddatthaamelle o echigawo ya Benjamini.

2 Epilli 31:18

Allupa mukutho yaalembiwa ni aniiwa ang'onong'ono, awariwa, aniiwa aallopwana ni aatthiyana sika wi athu attheene a mu nibanja mwiwa vawi yaari oororomelleya vooddeellihani.

2 Epilli 31:15

Nave Edeni, Miniyamini, Yeshuwa, Shemaya, Amariya ni Shekaniya sika yamukavihera moororomelleya m'mizindani dda allupa mukutho. Yaanakawa ddeko ddoovelleelliwa wa abaliiwa, attekweene ni ang'onong'ono moollikana ni milloko ddiwa,

1 Epilli 28:21

“Vano ngoona, milloko dda allupa mukutho ni Alevi, ddoophwanella ophara mitteko ddittheddene dda o enyumba ya Mulluku ddookhozeka nave we, va mutteko muttheenooyo oneerokhalla ni athu eeruso awiivelleella va muttekwiiwa nave athu shisha attheene ni oohoollelliiwa we sika onaalamulelleke yaweera.”

1 Epilli 9:31

Matitiya, mmodda mwa Alevi, mwaana awaamba a Shalumu a nibanja na Kora aawehera athu awaapeya makeke oophuttantteya.

1 Epilli 9:16

Waarittho Obadiya, mwaana a Shemaya, mwaana a Galali, mwaana a Yedutuni ni Berekiya, mwaana a Asa, mwaana a Elikana oyo akhalla omizini ddawaatamana ni etawoni ya Anetofati.

1 Epilli 9:23

Mwawi alliwa ni edduullu ddiwa yawehera ni owehera va millako dda enyumba ya Apwiya monga yeerelliiwa o musasa wamutthukumanoolle.

2 Epilli 23:19

Olliye ahaahiya alonda va mullako wa enyumba ya Apwiya wi arive muthu ooheellihiwa ahivollowe.

1 Epilli 29:29

Vano mitteko dda mwene Davide ovenyera vawaamba ophiyera omamallihello wiwa ddoolembiwa mu nibukhu na epilli ya namallotella Samuele ni mu nibukhu na epilli ya namallotella Natani ni mu nibukhu na epilli ya namallotella Gadi.