1 Epilli 9:19 - Mawu a Mulluku

¹⁹ Nave Shalumu, mwaana a Kore, mwaana a Ebiyasafu, mwaana a Kora ni abalaaye a o nibanja na makhollwaaye, yawehera va mullako wa musasa wamutthukumano, monga yeerella makhollwiiwa va mullako wa musasa wa Apwiya.

1 Epilli 9:19 ပူးပေါင်းရင်းမြစ်များ

Masalimo 84:10

Okhalla nllapo nimodda mu nipuro nanyu tti waphaama wunchichi okhwaranya okhalla mallapo manchichi orive weko. Ddeerokiddivella okhalla va mullako wa enyumba ya Mullukwaaka okhwaranya okhalla mpa mwa athu oonanara.

Masalimo 49:1

Nyu athu a mitundu ddittheddene, iwani nndda, nyu attheene ookhalla va ellapo yavatthi, apellani maaru,

Masalimo 44:1

Nyu Mulluku, nahiiwa ni maarwaahu, makhollwaahu yaanilleella nnddo mwaweerelleenyu mu enthawiiwa, mallapo akhalle.

Masalimo 42:1

Monga mmo epaalla enapaallelliiwa muhinje wa maaddi, tti mwemmo murimaaka onuupaallelliiwani, nyu Mullukwaaka.

2 Mamwene 11:15

Vano mullupa mukutho Yehoyada ahaalamula oohoollella a akhoto wi, “Mukhumiheni yoolla m'mizereni mmo mutthattanneenyu. Nave arive muthu anaamuthware mmwiiphe ni nsupada!” Mullupa mukuthooyo aalamula mwawi ddiidda wi ehimwiiphelle mu enyumba ya Apwiya.

2 Mamwene 11:9

Oohoollellaayo yaheera ddittheddene moollikana ni mmo mullupa mukutho Yehoyada aalamulelleeye. Arive muthu aawaana athwaaye ayo yaamba muttekwiiwa va nllapo na Sabata vamoddattho ni ayo yaworowa o muttekwiiwa woolonda va nllapo na Sabata. Attheene yaaphiya wa Yehoyada mullupa mukutho.

1 Epilli 9:18

nave ophiyera enthawi yeeyo, athu a nlloko nenna yaakeraatthihiwa va mullako woovollowella wa mwene embali ya wookhuma nndduwa. Alla sika yaari alonda a misasa dda Alevi.

1 Epilli 9:20

Nave Finehasi, mwaana a Eleazara, sika aahoollella. Apwiya yaari ni olliye.

Yeremiya 52:24

Sika Nebuzaradani muullupalli a alonda aamuphara Seraya muullupalli a allupa mukutho, Zefaniya, aneepiilli wa muullupalli a mullupa mukutho ni alonda araru a va mullako wa enyumba ya Apwiya.

2 Mamwene 12:10

Enthawi ddittheddene yoona wi mu nibokosimmo mookhalla makobiri manchichi, namalembella a mwene ni muullupalli a allupa mukutho aanaweerengella ni waamaka m'mathumbani makobiri ayo yaari mu enyumba ya Apwiya.

Yeremiya 35:4

Kaawaana o enyumba ya Apwiya, o echipinda ya oohuddera a Hanani mwaana a Igadaliya, muthu oomwiiwellella Mulluku. Echipinda yeella yaari vakhuviru ni echipinda ya enduna, vaddullu va echipinda ya Maaseiya mwaana a Shalumu, mulonda a vamullakoni.