1 Epilli 9:1 - Mawu a Mulluku

¹ Vano Aisraele attheene yaalembana mu nibukhu na epilli ya mamwene a o Israele voothwarani mibado ddiwa. Athu a o Yuda yaaphariwa okaporo oya o Babiloni ekaamba yawi yaari oohiroromelleya.

1 Epilli 9:1 ပူးပေါင်းရင်းမြစ်များ

Nehemiya 7:64

Yahaashaasha manddiniiwa mu nibukhu na ntthopoollo na mallokwiiwa koma kheyaaphwanyeyemo. Sika yaachosiwa ollupa mukutho ekaamba yawi yooniwa wonanko ooripihiwa.

Nehemiya 7:5

Vano Mulluku aakivaha maganizo awi kaatthukumanihe oohoollella, attekweene ni athu attheene wi elembiwe manddina moollikana ni mabanjiiwa. Nave kaaphwanya nibukhu mmo mwalembiwe manddina a mabanja a athu ayo yaari awaamba ohokollowa wuukaporoni.

Ezara 2:59

Athu ayo yavenyenre o Telemela, Teleharisha, Kerubi, Adani ni Imeri yahiwonre osimikizella wi makhollwiiwa yaari Aisraele,

Daniele 1:2

Apwiya yaamuvelleella m'mattani mwaye Yehoyakimu mwene a o Yuda vamodda ni ezipangizo ddimodda dda mu enyumba ya Mulluku. Nave aayaana o enyumba ya milluku ddaye o Babiloni addihiya mu ezipinda moosungellamo eyuuma.

Yeremiya 39:9

Voomallihellani Nebuzaradani, muullupalli a alonda akhoto ahaapharella wuukaporoni o Babiloni athu attheene oohalla m'muzindani ni ayo yiivelleelle wa olliye.

2 Epilli 33:11

Sika ekaambiiwa Apwiya yaarumalliiwa oohoollella akhoto a mwene a o Asiriya ayo yamphanre Manase emukola mphunani, emmaka ni onyolo, emuyaana o Babiloni.

1 Epilli 8:40

Anamwani aallopwana a Ulamu yaari akhoto amasiva, athu amiira. Yaakhallattho ni anamwani ni edduullu 150. Attheenaalla yaari Abenjamini.

1 Mamwene 14:19

Ddittheddene Yerobowamu enreeye, ekhoto awanneeye navettho mmo alamulenlleeye, ddoolembiwa mu nibukhu na epilli ya mamwene a o Israele.

2 Mamwene 24:14

Ahaaphara athu attheene a o Yerusalemu monga enduna ddittheddene ni athu attheene amasiva ookwakhwana 10,000. Ahaapharattho athu attheene eeruso ni oohana mikoko. Khaahanllevo naari mmodda waapatula athu oohoowave a mwiillaponimmo.

2 Mamwene 24:15

Nebukadinezara aamuphara okaporo Yehoyakini o Yerusalemu amuyaana o Babiloni vamodda ni amennya, awariye, enduna ddaye ni athu oovuwa a mwiillaponimmo.

2 Mamwene 24:16

Sika mwene a o Babiloni ahaaphara okaporo athu attheene amasiva 7,000, eeruso ni oohana mikoko 1,000. Attheenaayo yaari allopwana amasiva, oodduwella owana akhoto.

Ezara 2:1

Nna tti ntthopoollo na manddina a athu a mu echigawo ya Yuda ayo yahokollowille wuukaporoni ayo Nebukadinezara, mwene a o Babiloni aapharilleeye ayaana o Babiloni. (Athwaayo yaahokollweella o Yerusalemu ni o Yuda, arive muthu o ntepe naye.

Nehemiya 11:1

Vano oohoollella yakhalla mu Yerusalemu nave athu amodda yahoombesa wi emutthoolle muthu mmodda mwa athu khumi wi akhalleke mu muzinda woopatuleya, Yerusalemu nave athu atthanu ni asese oohallaalle ekhallekeve m'mizi.

Yesaya 3:2

athu amasiva ni akhoto, oweeruza ni anamallotella, awoombesa ni attekweene,

Yeremiya 13:19

Mizinda ddanyu ddoomwera ddoowallelliwa otte nave khaavo mmodda anaawore oddihulla. Athu attheene a o Yuda aaphariwa okaporo.”