1 Epilli 7:29 - Mawu a Mulluku

²⁹ navettho m'malireni a athu a o Manase, Betesheani, Taanaki, Megido, Dori vamodda ni mizi ddiwa. Mmu sika mwakhalla edduullu dda Yosefe, mwaana a Yakobo.

1 Epilli 7:29 ပူးပေါင်းရင်းမြစ်များ

Yawuupullulla 16:16

Vano minepa ddoonanaranndde ddahaatthukumaniha vamodda mamwenaalle vanipuroni nooromolliwa wi, “Armagedoni” mu ellotello ya Eheberi.

Zekariya 12:11

Nllapo nenno oneerokhalla winlla maliro wuullupalli o Yerusalemu monga ddakhallelliiwa voomwinllellani Hadadirimoni mu ntapo na o Megido.

2 Epilli 35:22

Koma Yosiya khaavenyillevo koma ahiipittha wi awanena ekhoto. Khaapwathille mawu a Neko ayo allotille Mulluku koma aaya awanana ekhoto o ntapo na Megido.

2 Mamwene 23:29

Mu enthawi ya omwenaaye, Neko mwene a o Iguputo aaya woomukavihera mwene a o Asiriya o muhinje wa Yufurate. Mwene Yosiya aaya woowanana ekhoto koma Neko aamwiipha Yosiya o Megido va ekhotweeyo.

2 Mamwene 9:27

Vano Ahaziya mwene a o Yuda oonille ddenndda, aathawella o Betehagani. Koma Yehu aamuthwara allota wi, “Olliyettho muhomeni.” Nave yamuhomelle mu nigareta va mutunda wa Guri, vakhuviru ni Ibleamu. Sika Ahaziya aathawella o Megido, akhwella wenko.

1 Mamwene 9:15

Mwene Solomoni aalamula athu wi ephare mutteko wathangata voomakani enyumba ya Apwiya ni enyumbaaye, masitepe ooromolliwa Milo ni mpanda wawaapheella Yerusalemu. Aapharihattho mutteko wathangata voomakanittho mizinda dda Hazori, Megido ni Gezere.

1 Mamwene 4:12

Baana, mwaana a Ahiludi, alamulella mizinda dda Taanaki, Megido ni Betesheani muttheene oyo waari vakhuviru ni Zaretani ohito wa etawoni ya Yezireele. Navettho alamulella waambeella muzinda wa Betesheani ophiya o Abele Mehola ni o Yokomeamu.

1 Samuele 31:10

Vano yahiiyaatthi ezida ddaye ddakhoto mu enyumba ya Ashitaroti mullukwiiwa nave yaatthomeya mutembwaaye vasirini va etawoni ya Betesheani.

Oweeruza 5:19

“Mamwene yaawa enawana ekhoto, mamwene a o Kanani yaawana ekhoto o Taanaki, vakhuviru ni muhinje wa Megido koma kheyaamwakhille siliva apaalle erive ello.