1 Epilli 6:32 - Mawu a Mulluku

³² Yaanarumeyella yiipaka machipo va musasa wamutthukumano ophiyera mvo Solomoni amakilleeye enyumba ya Apwiya mu Yerusalemu. Nave yaanarumeyella voothwarani malamulo ayo yavahiwiiwa.

1 Epilli 6:32 ပူးပေါင်းရင်းမြစ်များ

Ezara 6:18

Vano yahaakeraatthiha allupa mukutho ni Alevi mu milloko ddiwa wi emurumeyelleke mu enyumba o Yerusalemu moollikana ni mmo ddalembelliwiiwa mu nibukhu na Mose.

2 Epilli 35:15

Athu awiipa machipo, anamwani a Asafu, yaari munipuroni mwiwa moollikana ni lamulo na Davide, Asafu, Hemani ni Yedutuni, oollohella a mwene. Vano alonda a va mullako yaari va orive mullako nave kheyaavenyillevo vamuttekoni viwa vawi abaliiwa, Alevi, yahaakhozella mikutho.

2 Epilli 31:2

Hezekiya aakeraatthihattho milloko dda allupa mukutho ni Alevi wi ephareke mitteko dda mikutho ddooshellelliha, mikutho ddeeyaattano, ollalleya m'millako dda enyumba ya Apwiya ni waathokoza ni waatitimiha Apwiya.

1 Epilli 9:33

Nave attekweene amodda a Alevi yaawehera athu awiipa machipo mu enyumba ya Apwiya. Alliwa yakhalla mu ezipinda mu enyumba ya Apwiya, oohaatelliwa ni mitteko ddimodda vawi yaphara mutteko ni mahiiyweene.

1 Epilli 6:10

Yohanani aamuyara Azariya (olla tti mullupa mukutho mu enyumba eyo Solomoni amakilleeye o Yerusalemu).

1 Epilli 6:31

Alla sika athu ayo Davide aatthoollilleeye wi ehoollelleke machipo mu enyumba ya Apwiya nibokosi na echipangano nihiyiwemo.

1 Epilli 6:33

Alla sika yarumeyella ni edduullu ddiwa. Va nibanja na Kohati vaakhalla Hemani muthu eeruso yawiipa, mwaana a Yowele mwaana a Samuele,

Ezekiele 40:44

Vano muthoolle aakikusella muwariwari mwa nthato nave muwari mwa nthatonno kahoonamo ezipinda piilli, emodda vakhuviru ni mullako wa ompoto moowehana ni omwera nave emodda vakhuviru ni mullako wa omwera moowehana ni ompoto.