1 Epilli 6:31 - Mawu a Mulluku

³¹ Alla sika athu ayo Davide aatthoollilleeye wi ehoollelleke machipo mu enyumba ya Apwiya nibokosi na echipangano nihiyiwemo.

1 Epilli 6:31 ပူးပေါင်းရင်းမြစ်များ

2 Samuele 6:17

Vano athu yaawaana nibokosi na Apwiya nave yaanihiya va nipuro niwa muwari mwa musasa atthipenlle Davide. Vano yaavelleella mikutho ddooshellelliha ni dda eyaattano wa Mulluku.

Masalimo 132:14

Yaallota wi, “Nenna sika nipuro naka nawiithuuwellamo wa enthawi yoohimalla, kinaakhalle weewuno kaambiiwa koopaallesesawo.

Masalimo 132:8

Nyu Apwiya venyani, muye onipuroni nanyu nawiithuuwellawo, nyu ni nibokosi na echipangano, echizindikiro ya masivaanyu.

1 Epilli 15:25

Sika mwene Davide ni attekweene a Aisraele navettho uullupalli a akhoto 1,000, moohakallalla yaaya yakusa nibokosi na echipangano na Apwiya o enyumba ya Obedi Edomu.

1 Mamwene 8:4

Allupa mukutho ni Alevi sika yawiillena nibokosi na echipangano na Apwiya vamodda ni musasa wamutthukumano ni eziwiya ddittheddene ddoopatuleya nnddo ddaari m'musasanimmo.

1 Epilli 6:30

Shimea, Hagiya ni Asaiya.

1 Epilli 6:32

Yaanarumeyella yiipaka machipo va musasa wamutthukumano ophiyera mvo Solomoni amakilleeye enyumba ya Apwiya mu Yerusalemu. Nave yaanarumeyella voothwarani malamulo ayo yavahiwiiwa.

1 Epilli 9:33

Nave attekweene amodda a Alevi yaawehera athu awiipa machipo mu enyumba ya Apwiya. Alliwa yakhalla mu ezipinda mu enyumba ya Apwiya, oohaatelliwa ni mitteko ddimodda vawi yaphara mutteko ni mahiiyweene.

1 Epilli 15:1

Davide aamaka enyumba ddimodda mu muzinda wa Davide. Nave aakhoza nipuro na nibokosi na echipangano na Apwiya atthipella musasa moohiyamo nibokosinno.

1 Epilli 15:27

Nave Davide aari awarille mukanjo wabafuta wonanko mmo yawarelle Alevi ayo yatukhulla nibokosi na echipangano navettho athu awiipa machipo woonjereravo Kenaniya oohoollella machipo. Sika Davide aawarattho Efodi.

Ezara 3:10

Vano oomakattho enyumba yamakilliiwa matthipello a enyumba ya Apwiya, allupa mukutho yaaphiya yiipaka mapallapatiiwa ewarille ddoowara ddamukutho. Nave Alevi a mu nibanja na Asafu yaaphiya yiipaka misangwa mowaatitimiha Apwiya voothwarani malangizo a Davide mwene a Aisraele.

Ezekiele 40:44

Vano muthoolle aakikusella muwariwari mwa nthato nave muwari mwa nthatonno kahoonamo ezipinda piilli, emodda vakhuviru ni mullako wa ompoto moowehana ni omwera nave emodda vakhuviru ni mullako wa omwera moowehana ni ompoto.