1 Epilli 6:15 - Mawu a Mulluku

¹⁵ Nave Yehozadaki aaphariwa enthawi eyo Apwiya yamwaakhullelliiwa Nebukadinezara wi aaphare okaporo athu a o Yuda ni a o Yerusalemu.

1 Epilli 6:15 ပူးပေါင်းရင်းမြစ်များ

Hagai 2:2

oya wa Zerubabele mwaana a Shealatiele, oolamulella a o Yuda navettho wa Yoswa mwaana a Yehozadaki, mullupa mukutho muullupalli ni wa amodda attheene wi,

Hagai 1:1

Va nllapo nawaamba na mweeri waneetthanu ni mmodda muyakha waneepiilli wa mwene Dariusi, mawu a Apwiya yaawa wa Zerubabele mwaana a Shealatiele, oolamulella a Ayuda navettho wa Yoswa mwaana a Yehozadaki, mullupa mukutho muullupalli, oweella mwa namallotella Hagai wi,

2 Mamwene 25:18

Sika Nebuzaradani muullupalli a alonda aamuphara Seraya muullupalli a allupa mukutho, Zefaniya, aneepiilli wa muullupalli a mullupa mukutho ni alonda araru a va mullako wa enyumba ya Apwiya.

Hagai 1:14

Vano Apwiya yaamullipiha murima Zerubabele mwaana a Shealatiele oolamulella a o Yuda ni Yoswa mwaana a Yehozadaki, muullupalli a allupa mukutho komattho ni athu amodda attheene. Yahaamba ophara mutteko woomakattho enyumba ya Apwiya Mulluku Amasiva Mattheene,

2 Mamwene 25:21

Nave mwene a o Babiloni aalamula wi ewuukuthe ni owiiphella o Ribula mu echigawo ya Hamati. Sika athu a o Yuda yaaphariwa okaporo waavenyiha mwiillaponi mwiwa.

Aroma 15:18

Kineerollota moohoova ddennddove Khrisitu eerilleeye oweella mwa miyaano wi kineeroweeriha athu ayo ehiri Ayuda omwiiwellella Mulluku. Kineereweera ddenndda voollotani ni voopharani muttekwaaka

Mitteko 14:27

Yaphiyalliiwa o Antiyokeya, yahaatthukumaniha athu a mpingo vamodda yaalleella ddittheddene Mulluku eerilleeye oweella mwa alliwaayo. Nave yahaalleellattho mmo Mulluku aworelleeye wi athu ayo ehiri Ayuda ekhulupilile.

Hagai 1:12

Vaavo Zerubabele mwaana a Shealatiele, Yoswa mwaana a Yehozadaki muullupalli a allupa mukutho ni athu amodda attheene ayo yahokollowille wuukaporoni yaheera nnddo Apwiya Mullukwiiwa ellotilliiwa. Yiiwalliiwa mawu a namallotella Hagai oyo Apwiya yamurumalliiwa navettho yahoova wunchichi.

Yeremiya 52:28

Yaalla tti athu ayo Nebukadinezara aapharilleeye okaporo. Va muyakha waneetthanu ni piilli wa omwenaaye yaari 3,023.

Yeremiya 39:9

Voomallihellani Nebuzaradani, muullupalli a alonda akhoto ahaapharella wuukaporoni o Babiloni athu attheene oohalla m'muzindani ni ayo yiivelleelle wa olliye.

Ezara 5:2

Vano Zerubabele mwaana a Shealatiele ni Yeshuwa mwaana a Yozadaki yahaamba omakattho enyumba ya Mulluku mu Yerusalemu. Nave anamallotella a Mulluku yahaakavihera.

2 Mamwene 14:27

Koma Apwiya kheyaallotille wi eneerewoononga omwene wa Israele va ellapo yavatthi. Sika yahaavullusa Aisraele oyeella mwa Yerobowamu mwaana a Yowashi.

Eksodo 4:13

Koma Mose aallota wi, “Apwiya, koophara mwetwaanyu nave kinuuvekani wi mumurume muthu mmodda.”

1 Epilli 6:14

Azariya aamuyara Seraya, Seraya aamuyara Yehozadaki.

1 Epilli 6:16

Levi aamuyara Gereshomo, Kohati ni Merari.