1 Epilli 5:26 - Mawu a Mulluku

²⁶ Sika Mulluku a Aisraele aamweeriha Pulo mwene a o Asiriya oyo nnddina naye nimodda naari Tigilati Pilesere wi aaphare Arubeni, Agadi navettho hafu a nlloko na Manase ni oyaana o Hala, Habori, Hara ni o muhinje wa Gozani nave anakhalla wenko ophiyera ollello.

1 Epilli 5:26 ပူးပေါင်းရင်းမြစ်များ

2 Mamwene 15:19

Vatulli viwa Pulo mwene a o Asiriya aahella ekhoto ellapo ya Israele. Nave Menahemu aavelleella siliva oollemella makilogaramu 34,000 wa Pulo wi olliye amukavihere okeraatthiha omwenaaye.

2 Mamwene 17:6

M'muyakha waneetthanu ni sese wa omwene wa Hoseya, mwene a o Asiriya aamugonjiha Samariya nave ahaaphara Aisraele aayaana wuukaporoni o Asiriya. Ahaahiya athu amodda mu muzinda wa Hala, amodda vakhuviru ni muhinje wa Habori mu echigawo ya Gozani nave amoddattho mu mizindani dda Amedi.

2 Mamwene 15:29

Enthawi ya Peka mwene a o Israele, Tigilati Pilesere mwene a o Asiriya aagonjiha mizinda dda Iyoni, Abele Beti Maaka, Yanowa, Kedeshi, ni Hazori navettho ellapo dda Giliyadi, Galileya ni ellapo ettheene ya Nafutali. Nave ahaaphara athu attheene aayaana o Asiriya wuukaporoni.

1 Epilli 5:6

ni Beera oyo Tigilati Pilesere, mwene a o Asiriya amphanreeye okaporo. Beera aari mmodda a oohoollella a Arubeni.

2 Mamwene 18:11

Mwene o Asiriya ahaaphara Aisraele ayaana o Asiriya wuukaporoni. Ahaahiya o muzinda wa Hala owaakattho vakhuviru ni muhinje wa Habori mu echigawo ya Gozani ni o mizindani dda Amedi.

Yesaya 37:12

Makhollwaaka yahoononga mizinda dda Gozani, Harani ni Rezefe. Nave yaawiipha athu a o Edeni ayo yakhalla o Telasara. Ethiyo milluku dda athu a mitundu ddimoddannddo ddahaavullusa?

2 Epilli 33:11

Sika ekaambiiwa Apwiya yaarumalliiwa oohoollella akhoto a mwene a o Asiriya ayo yamphanre Manase emukola mphunani, emmaka ni onyolo, emuyaana o Babiloni.

2 Mamwene 19:12

Makhollwaaka yahoononga mizinda dda Gozani, Harani ni Rezefe. Nave yaawiipha athu a o Edeni ayo yakhalla o Telasara. Ethiyo milluku dda athu a mitundu ddimoddannddo ddahaavullusa?

2 Mamwene 16:7

Vaavo Ahazi ahaarumiha amithenga wa Tigilati Pilesere mwene a o Asiriya wi allote wi, “Mi tti mwaninyu navettho oorumeyellaanyu. Waani mukaakihe wa mwene a o Siriya ni wa mwene a o Israele ayo enakillika.”

2 Samuele 24:1

Enthawi emodda Apwiya yahaananariwellattho Aisraele, sika yaamweeriha Davide wi aahoose alliwa. Yaamulleella wi, “Khawe waweerenge Aisraele ni Ayuda attheene.”

Ezara 1:5

Vano oohoollella a mabanja a nlloko na Yuda ni Benjamini owaakattho allupa mukutho ni Alevi, arive muthu oyo Mulluku aamuvahilleeye maganizo aakhozeka aya woomakattho enyumba ya Apwiya o Yerusalemu.

1 Epilli 9:1

Vano Aisraele attheene yaalembana mu nibukhu na epilli ya mamwene a o Israele voothwarani mibado ddiwa. Athu a o Yuda yaaphariwa okaporo oya o Babiloni ekaamba yawi yaari oohiroromelleya.

2 Epilli 28:20

Sika Tiligati Pilesere mwene a o Asiriya aawanana ekhoto nave yaamuhoosa wunchichi munipuroni moomullipiha.

Yesaya 37:18

Nyu Apwiya, ddawoona mamwene a o Asiriya yahoononga mitundu dda athu ddittheddene, etthattusa ellapo ddiwannddo echipululu.

1 Epilli 5:22

Adani amodda anchichi yahiiphiwa vawi ekhotweeyo yaari ya Mulluku. Sika athwaayo yaakhallawo phaama ophiyera enthawi yoophariwa okaporo.

2 Epilli 30:6

Vano amithenga yaaya o Israele otthewene ni o Yuda ni makalata oovenyera wa mwene ni enduna ddaye. Mwene aalamula wi, “Nyu athu a mu Israele, hokollweellani wa Apwiya Mulluku a Abrahamu, Isaki ni Yakobo wi alliwa ehokollweelle wa athu muhanlle, nyu mwavulluwalle m'mattani mwa mamwene a o Asiriya.