1 Epilli 5:25 - Mawu a Mulluku

²⁵ Koma athwaalle kheyaaroromelleye wa Mulluku a makhollwiiwa vawi yahiivelleella wa milluku dda athu a mwiillaponimmo ayo Mulluku awoonongilleeye vamiitthoni viwa.

1 Epilli 5:25 ပူးပေါင်းရင်းမြစ်များ

Yawuupullulla 17:5

Vayuuchini vaye vaalembiwa nnddina noohidduwanyeya ottaphullella wiwa nawi, “Babiloni oovuwa, ameewa a mahule mattheene ni a ddoonanara dda va ellapo yavatthi.”

Hoseya 1:2

Apwiya yallotilliiwa vawaamba ni Israele oweella mwa Hoseya yaamulleella wi, “Khawe wamutthelle hule nave omuyarelle anamwani ayo enaakhalle ooraruwattho. Vawi athu a mwiillaponimmu tti oohiroromelleya vookihiyani mi Apwiya.”

Eksodo 34:15

Muhikeraatthiheke echipangano ni athu a ellapo yeeyo kaambiiwa yaachimwaka voollapellani milluku ddiwa ni ovelleella mikutho apaalle ttuuwiithanani wi muchena yoocha ya mikutho ddiwannddo.

Hoseya 9:1

Nyu Aisraele muhihakallalle nave muhithapelle wonanko athu a mitundu ddimodda. Vawi mooraruwa omuhiya Mullukwaanyu. Mookonda emphaso wonanko hule voomuuputhellavo tirigu.

Oweeruza 8:33

Akhwille Gideoni, Aisraele yahaambattho ollapella milluku dda Baala nave yaamutthattusa Baala a o Beriti akhalla mullukwiiwa.

Oweeruza 2:17

Koma alliwaayo kheyaawiiwellella oohollelliiwaayo vawi yaanarumeyella ni ollapella milluku ddimodda. Makhollwiiwa yaaniiwellella malamulo a Apwiya. Koma mbado yoolla mwawaakuva waahiya othwara ettilla yeella.

Oweeruza 2:12

Alliwaayo yahaahiya Apwiya Mulluku a makhollwiiwa ayo yaakhumihalle mu ellapo ya Aiguputo. Yaathwara milluku ddimodda dda athu oowaapheella nave yaanaddillapella. Nave yahaashiha murima Apwiya.

2 Mamwene 15:19

Vatulli viwa Pulo mwene a o Asiriya aahella ekhoto ellapo ya Israele. Nave Menahemu aavelleella siliva oollemella makilogaramu 34,000 wa Pulo wi olliye amukavihere okeraatthiha omwenaaye.

1 Epilli 5:24

Oohoollella a mabanjiiwa yaari Efere, Ishi, Eliyele, Aziriele, Yeremiya, Hodaviya ni Yadiyele. Yaalla yaari akhoto amasiva, oohoollella oovuwa a mabanjiiwa.

1 Epilli 9:1

Vano Aisraele attheene yaalembana mu nibukhu na epilli ya mamwene a o Israele voothwarani mibado ddiwa. Athu a o Yuda yaaphariwa okaporo oya o Babiloni ekaamba yawi yaari oohiroromelleya.